farida

انا فكره اعلان السيسي رغبته في الرحيل عن حكم مصر .. بتقلقني اكتر ما بتبسطني !! صحيح كلنا انبسطنا و قلنا اخيرا بقي هنشوف حد جديد بس لما ترجع تفكر في الموضوع ده كويس تحس بالقلق اكتر ! ليه ؟ لأن مش طبيعي ان واحد قعد طول فتره رئاسته يقولك انا الي جابني هنا ربنا و مالك الملك تؤتي الملك من تشاء و معتبر نفسه زي المهدي المنتظر كده و مبعوث العنايه الالهييه لانقاذ مصر مش طبيعي ابدا يجي يقولك انا هحترم الدستور و ماشي بقي في ٢٠٣٠ !! كلام غريب طيب و مالك الملك ؟ و انا الي جابني هنا ربنا و هو بس الي يمشيني !! هل هو عارف ان في افلاس اقتصادي مثلا و بيشتري وقت لحد ٢٠٣٠ بحيث يسلمك الدولار علي سعر ٦٠ او ٧٠ جنيه مثلا و بعدين لما المغفل الي هيمسك من بعده الدنيا تقع و يوصل الدولار مثلا ل ٥٠٠ جنيه و بعدين يقولك مش انا ؟ ده انا سلمتهولك و هو ب ٦٠ جنيه ؟ الحقيقه ان محاولات الدكتاتور لتعديل الدستور او التلاعب بيه و محاوله انه يستمر في الحكم لاطول مده ممكنه .. هو امر يجيب الطمأنينة اكتر من دكتاتور بيقولك لاء .. انا بقيت بحترم الدستور فجأه و مش هكمل ! الي هو فاهم الي فيها و عايز يخلع ولا ايه ؟؟ موضوع مقلق ...