حمادة مجدي 📖🦅❤️🇪🇬

كلاكيت 🎬 تاني مرة جمهور الأهلي ده عظيم بشكل متفرد ملف تجديد اللاعبين الأهلي هينجح فيه، بس النجاح ما يُحسبش للأهلي بس في إصراره على فكرة وجود أرقام معينة مختلفة تمامًا عن اللي كان ممكن يروح لها الأهلي الموسم ده لو كان فضّل ماشي بنفس النمط السابق، ولكن يحسب كمان لجمهور الأهلي لو جينا نبص، شوبير ده حارس مرمى مصر في كأس العالم، ومقدّم أداء عظيم ولاعب عنده عرض من رابع الدوري الإيطالي ياسر إبراهيم مدافع منتخب مصر الأساسي في كأس العالم. مروان عطية هو واحد من أفضل لاعبي مصر في كأس العالم، إن لم يكن أفضلهم كإجمالي عن أدائه في المباريات في كأس العالم مع منتخب مصر إمام عاشور هو الموهبة الأهم والأعلى داخل القارة حاليًا، محمد هاني هو الظهير الأيمن الأساسي لمنتخب مصر. أنت بتتكلم في 5 دوليين أساسيين مع منتخب مصر ومع ذلك، جمهور الأهلي ما ضغطش على النادي في التجديد لأي للاعب، بل بالعكس، وقف في ضهر النادي وفي صف النادي، وكان مساند ليه، وما ركّبش أي لاعب على النادي، وخلّى موقف ناديه قوي في المفاوضات. ودي حاجة استثنائية؛ إن الجمهور يكون بالاتزان ده، وبالعقلية دي اللي فعلًا مؤمنة إن الأهلي فوق الجميع. فلو فيه أبطال في عمليات التجديد، وفي صفقات الأهلي، وفي المفاوضات، وفي الرؤية، وفي النظام اللي حطّوه، ففي بطل يسبق كل دول، وهو جمهور الأهلي