nadia shaban

منتجات زراعية ب ٥٠ فلس محمية كلفتنا اكثر من ١٠٠ الف دك، مجهزه بأحدث الأنظمة الزراعية بالعالم نظام ((الهايدروبونيك)) ((الزراعة المائية))، هالنظام ؛- - يستهلك كميات اقل من المياه مقارنه بالزراعة التقليدية لان يتم اعادة تدوير المياه ⁃ نتحكم بدقة ونوعيه وكمية العناصر الغذائية لان يدخل عن طريق جهاز مركزي يغذي الورقيات ⁃ يمكن زراعة الخضار بمساحة اصغر وإنتاج اكبر ⁃ الزراعة في هالنظام أأمن بمراحل من الزراعة التقليدية بسبب عدم استخدام التربه فتقل مخاطر الاصابات بالفطريات والطفيليات ⁃ امكانية الزراعة على مدار السنة بغض النظر عن الظروف المناخية الخارجية لان داخل محميات. ⁃ يقلل بنسبة ٩٠٪ من استخدام المبيدات و المواد الكيماوية يعني تقريباً تعتبر زراعة عضويه واللسته طويله السنه اللي فاتت ((زرعت الكيل)) نزلته مزاد شروا مني الشد (تقريبا كيلو) ب ١٠٠ فلس واهو ينباع الربطه الصغيره تقريباً ١٠٠ جرام ب ٧٥٠ فلس ويوصل سعرها دينار. يعني يبيعونه ((العصابات)) عليكم عشر اضعاف سعر اللي يشترونه منا. هالسنه ((شتلت)) للمره الثانية بمساحة ٣٠٠٠ متر من الكيل وراح ازرعه بمحمية ((الهايدروبونيك)) تحتاج اقل من ثلاث اسابيع باذن الله وتجهز، وانا متأكد راح يشترونه مني بالمزاد نفس العام ب ١٠٠ فلس واقل. مع ان الكيل اللي ازرعه تقريبا ((يعتبر عضوي)) مافيه مبيدات زراعية ولا انسان يدخل داخل المحمية الا يمكن مره كل ثلاث ايام. هالاشياء مستحيل ((تشوفونها)) بالجمعيات لان العصابات ياخذونها و ((يبيعونها)) في الاسواق المركزية مثل كارفور و ربعها ويبيعونها مباشره على المطاعم. رغم ((تعبنا)) و مجهودنا و أمانتنا ((بتوفير)) افضل و اجود المنتجات الزراعية وعدم استخدام المبيدات وسقيها ((بماي نظيف))، مع الأسف ما نلقى ((اهتمام)) ولا ((تقدير)) ومنتجاتنا الوطنية تنباع ارخص من المنتجات المستورده اللي كثير منها يستخدمون فيها مبيدات وتدخل ببطونا. ومع هذا راح نزرع وراح نحارب العصابات بإصرارنا واستمرارنا بالزراعة مهما كلفنا الامر. 🇰🇼🇰🇼🇰🇼🇰🇼🇰🇼🇰🇼🇰🇼🇰🇼🇰🇼

وجبات للمحتاجين ((مدى الحياة)) وان شاء الله الكل مشروك بالأجر. شلون المحتاجين راح يعرفون واهم ما عندهم توتير.؟؟! هذا دورك انت إذا حاب تحصل لك اجر تعرف عوائل محتاجه خبرهم؟ شفت عامل بالشارع قول له وقفت بمحطة بانزين علمهم توزيع وجبات الخير كل يوم للناس المحتاجه بشهر رمضان نوزع (سحور) والايام العادية ريوق غدا عشا. كل اللي عليك تسويه انك تنشر هالتغريدة بالدوام الواتس آب تك توك سناب انستغرام بالدواوين عسى الله لا يقطعها من عاده الجهرا maps.app.goo.gl/UMbPxwkz2LqN… السالمية فرعين maps.app.goo.gl/m12mECNn4RKK… الفرع الثاني maps.app.goo.gl/YKiL3TqMgGct… فرع بنيد القار maps.app.goo.gl/o6nVBpC1ctBL… الله يديمها علينا من نعمه ولا يغير علينا. 🇰🇼🇰🇼🇰🇼🇰🇼🇰🇼

اخونا مساعد المعتوق (بو دانه) من شباب الكويتيين المبدعين اللي يعاني من مشكله بالكلى فابتكر تطبيق بغاية الأهمية لمرضى الكلى اخذت منه اكثر من ٣ سنوات ومجهود كبير على ما خلص التطبيق. ((ارجوا نشر الرابط)) وان شاء الله تكونون مشروكين بالاجر فكرة التطبيق تخدم مرضى الكلى حول العالم وقت السفر لان اكثر مشكله تواجه مرضى الكلى انهم ما يحصلون مركز قريب او ما عندهم معلومات عن عناوين المراكز بدول العالم فهذا التطبيق يسهل عليهم عملية البخث بحيث يبين لهم اقرب مركز للمكان اللي متواجدين فيه حسب الموقع الي تختاره وكذلك يعطي تقييم المركز ومعلومات كامله عن المركز واللوكيشن المشروع ابتكاره وتم دفع كامل تكاليفه من جيبه الخاص ويعتبر التطبيق الوحيد بالعالم اسال الله ان ينفع بنا وبكم عباده وامته الاكاونت @KDCApp86 الاندرويد play.google.com/store/apps/d… الايفون apps.apple.com/us/app/kidney… الدال على الخير ك فاعلة لا تبخل بالنشر هالتطبيق يفيد اي مريض كلى بكل دول العالم.