هارون الأنصاري

القايد اللي كلنا نلتجي به ولي عهد المملكة وابن سلمان يا العدل بعد الله ماهي غريبه يا مرجح الميزان لا مال ميزان صميدعً صلو اللضى ما يذيبه ياقاسيً في واجب العُرب ما لان نجيبتن ما جاء بعد مثله نجيبه شتان ما بين الحكاكيم شتان والله لو يشكي من الذر ريبه رحنا فدا عينيك يا سيد الأوطان عيبه وحيد ان كان ب اعد عيبه صعبً يجي مثله على مر الأزمان انا شهد أن دروب مثله صعيبه في مثل طيبه مايجي مثله انسان والله لو وزع على الناس طيبه ماضنتي يبقى على الأرض رديان ثلاثة ارباع المراجل نصيبه والربع الاخر قسم ذربين الايمان #محمد_بن_سلمان #المملكة_العربية_السعودية

يا جبل مزموم مافي ضلع نده ما وجدنا ند له في المستديره سيدي والسيِف حده لين حده ارضخت لك بالولى شبه الجزيره فيصلين والزعامه ورث جده عن رعاع ألناس خده يصتعيره يلطم العايل وياطا فوق خده لين يصبح بالمثل عبره لغيره هارون الأنصاري 🇸🇦🇸🇦 #الاباتشي #الجنية_السوداء #محمد_بن_سلمان

سحابةً سودا على خادم إيران وبالها ماهو ببرد وسلامه تمطر على الحوثي من الوبل نيران زخاتها عبرود يكسر عظامه صوره لنزاع الحيا قدم الاعيان والصبح بالوقع يجدها امامه هارون الأنصاري 🇸🇦🇸🇦🇸🇦🇸🇦🇸🇦 #الاباتشي #جنودنا_درع_الوطن #الجنية_السوداء #السعوديه_العظمى_خط_احمر

”لا تحسب انها تعدي كذيه.. لا والله إلا توها ثارت اعسام" "اين الفرار وحان وقت المنيه..مالك مفرً قد صدر فيك الإعدام " الشاعر هارون الأنصاري 🇸🇦 #مطارـالرياض #الحوثي_انتهى #فجرـاليمن

يا من  لقلبً لايع البين لاعه كنه صويبً بين الأضلاع منجوف ما يذبح المشتاق غير القطاعه يالوف كبده من عناء البعد يا لوف على الذي قفى ولا اعلن وداعه بيني وبينه حب واشواق وشفوف الصد والهجران خضنا صراعه بحربً بلى بارود و رماح وسيوف لابد من نورً يبين شعاعه يضوي سمانا عقب ما غبش الشوف حب الشرف ماهوب لعب ودباعه على النقاء ما يقبل الشك والزوف تراي رجلً ما تغير طباعه ما يقبل الحسنى ولا نظرة الروف صيده مع ذياب الفلى من ذراعه يصبر على ظيم اليالي بلى خوف على صدوف الوقت عندي مناعه ما زعزعن ضلعي ولا يرجف الجوف ترا الردا ما قد لبسنا قناعه صادق ومن بين الرياجيل معروف هارون الأنصاري

لا ضاقت الأجواء وضاقن الدول سماء السعودية تراها شاسعة ديرة هل العوجاء لياء الشر اجتول شمسً على سطح البسيطة ساطعة هارون الأنصاري #السعودية_العظمى #العلم #ولي_العهد_الأمير_محمد_بن_سلمان

قصيدة بمناسبة سلامة/الشيخ طلال بن هذال بن فهيد يا جعل ابو هذال تبطي سنينه جعله طهور وجعل يفدونه اعداه ياكم سجينً سد بالمال دينه كم اعتق ارقابً وكم ميت احياه كم من سجينً شافت النور عينه من غيهبً عتمً فزع ثم نجاه منصى ضعيفً ذاق قهر وغبينه ريفه وريف الي زمانه تحداه يا شيخ يا شيخ المبادي الثمينه يا باذل الأموال لله في ألله ماهوب لجل يقال تندى يدينه من طيب راسه يبذل المال والجاه هارون الأنصاري

انا في بحر هايج بلا وجهةً وارسال على مركبً قفى به الشعف بشراعه خبط في ردا حضً و همً على غربال ومن فوق ذاك يخر بالماء تحت قاعه بنا الهم في قلبي حجايا يبا يختال ليا غبشت الانظار جاني بترباعه علي ليلً أقرب ما يشابه شهر شوال بعين الفقير الي يبا شي يبتاعه ضروف الحياة القاسيه تصقل الرجال مثل ما يحد ويصقل السيف صناعه نجاهد ونشقا مارضينا نجي عِيال على ما ومرنا الله بالسمع والطاعه اسوق الرجى بالله واعقد به الآمال إلهً عباده في رجاء ارضاه طماعه انا مؤمن بالله وان الزمن لو مال تشين اليالي مير تتزين في ساعه وآنا موقنن بان البسيطة عليها أبطال رجالً على درب المعاريف زراعه يبين الرفيق الطيب ان شانت الأحوال كما ضوح برقً في دجاء اليل لِماعه هارون الأنصاري

البارحة والجفن ضايق من العين عيا يذوق النوم لا وا غبونه اسامر القمرا على الكوع ما لين سمراء حلبان النايفه جات دونه سمراء حلبان الي حموه الشيابين بمصقلً عطبً حدادً سنونه يادار والله مابك إلى الضلاعين وقفرً خلا ماقد ديجت فنونه واذيبتن تقنب بروس السراحين لا سمعها القاسي تهاوت ضنونه ول يا مداهيلً للناسً عزيزين اقفو وقلبي تايهن في حزونه اقفت بهم غبر اليالي من اسنين وعظامهم بين النصايب مصونه باقي لهم ذكرى قديمه ليا الحين وطيفً يلوح ولا بعد ماح لونه هاذي منازلهم عقب ماهي بساتين تسفين يا صلف الهبايب ركونه تعزف بها الريح العتيه تلاحين معزوف نايً مبكيتني لحونه 📝هارون الأنصاري

لا والله إلا دق بالقلب هوجاس ضاق الفضى بي واضلم الكون كله ذعايع الغربي ليا هب نسناس فيها على قلوب العشاشيق عله لا ناحت الورقى على روس الاطعاس من الوله... والشوق.. للروح... تله يطري خيالك شوق يا عذب الأنفاس وحب(ن) لك الله وسط قلبي محله لك يا غرام(ن) ماله حدود وقياس اكنيه في صدري ولا ابديه للّهْ اكتم شعوري مير لي قلب حساس مشاعره تهتاض بادنات زله يا من غليته حب عن بدت الناس له عين شيهانه وله خشم سله هارون الأنصاري 2026/02/02 #شاعر_اللكزس

دام عز المملكة وأبنآ سعود الملوك الي يصونون العهد جعل سلمان الحزم عمره يزود جعلها تبطي سنين ابو فهد الولاء لله ولك نعطي العهود حن معك من مهدنا لين اللحد علم الي غاضه إنا في سهود العلوج الي مطاولها الحسد من بقايا الفرس واذناب اليهود هم ضعوفٍ ما نعد لًهم عدد ان رضينا صار في العالم ركود وان زعلنا صابهم ذل وخمد حن جنود المملكه حنا الفهود حن ليوث الحرب للعدا نكد للوطن درعً ومن دون الحدود ترخص الأعمار لجل أغلى بلد هارون الأنصاري #السعودية_العظمى #سلمان__بن__عبدالعزيز #محمد_بن_سلمان

انا أحمد الله مجندي فيه عبرود مذخور لا من اليال اعسرني ارفع براسي فوق عن كل منقود غريزةً فيني بها الله غمرني وافتك من ناب الدهر كل مضهود من طيب ماهو لجل قولت شكرني فزعاتنا من دون منه ومردود فطره عليها احمد الي فطرني للي يباني ساعة الضيق موجود مانيب قايل ليه توه ذكرني دامه نصاني بدت الخلق مقصود يبشر بعزه كان ربي ومرني هارون الأنصاري #شاعر_اللكزس #شاعر_المليون