حاولت انام ولا تهيا لي النوم
النوم و الهاجوس ماهم ولايف
ماتستريح العين والبال مهموم
ولا يستقر الحال والقلب خايف
غديت مثل اللي بالاعدام محكوم
ما مات لكنه من العمر عايف
لا ياخذك بي الظن والشك والريبة
وأنا أسمى من على هالدنيا مرّك
أنا اللي لو احتالت دنيتك الغريبة
شرّعت حضني وقلت قلبي مقرك
أحبك وأحبك لو هي علي ضريبة
مستعد أضم فيك خيرك و شرك .
عساني لا بكيتك من غلا ما أبكيك من فقدان
ولا أعيش الحيـاة اللي بدونك مـا أتخيلها
أمـانه لا أفقدك وينفتح للحـزن بيبان
وأنا بيبـان حـزني محدٍ غيـرك يقفلها
ولا غيرك يداويني ويعرف راضي أو زعلان
ويمسح دمعتي و يلعن ثوى من هو ينزلها .