Sami 𝗬𝗼𝘂𝘀𝗮𝗳𝘇𝗮𝗶

جب اپریل 2022 میں حکومت گرائی گئی تو عمران خان کی مقبولیت کو دیکھتے ہوئے بڑے بڑے اداکاروں، صحافیوں، دانشوروں نے اس کے گھر کا رخ کیا۔ سب ہی "ایمان" کے جذبے سے سرشار تھے۔ کچھ نے پوری عمر چی گویرا بننے کا جو خواب دیکھا تھا، وہ اب صرف چند مہینوں کی مسافت پر نظر آ رہا تھا۔ "بس چھ مہینے گزار لینے دیں تو حکومت بحال کر دیں گے" والا باجوہ کا بیانیہ چل رہا تھا۔ اگر عمران خان اس وقت واپس حکومت میں آ جاتا تو یہ کہنا غلط نہ ہوتا کہ جرنل باجوہ لایا ہے۔ پھر امیدوں کا رخ قاضیوں کی طرف گیا اور چند ایک نے تھوڑے بہت ہاتھ پیر بھی مارے، لیکن پانی سر سے بہت اوپر جا چکا تھا۔ اگر اس وقت عمران خان کو وقت پر الیکشن مل جاتے یا اس سے پہلے ہمت کر کے عالمی اسٹیبلشمنٹ کا فیصلہ جسٹس منصور روک لیتے تو کہنا غلط نہ ہوتا کہ عمران خان کو عدالتوں نے بچایا ہے۔ 9 مئی 2023 کے بعد عمران خان اور ان کے سارے ہمدرد آہستہ آہستہ دھر لیے گئے۔ اداکار، صحافی، دانشوروں سب نے سیاستدانوں کا حشر نشر ہوتے دیکھا تو وہ بھی اپنے اپنے راستے ہو گئے، کچھ تو دوسری صفوں میں جا کھڑے ہوئے۔ پی ٹی آئی کے اوپر قیامت ٹوٹ پڑی تو امیدوں کا رخ عوام کی طرف ہو گیا۔ پھر 8 فروری 2024 کا الیکشن ہوا، عوام خواص کی سب امیدوں پر پورا اتری اور قید عمران خان کے باہر آنے کی امید بڑھ گئی۔ اگر اس وقت عمران خان باہر آ جاتے تو یہ کہنا غلط نہ ہوتا کہ عمران خان کو عوام کا زور باہر لایا ہے۔ 2025 میں سب کی امیدوں کا رخ ڈونلڈ ٹرمپ اور امریکہ سے ہو گیا۔ ٹرمپ آیا، ٹرمپ نے فیلڈ مارشل کو ڈرایا اور پھر جو چاہا کروایا۔ اگر ٹرمپ عاصم منیر کو دباؤ میں لا کر عمران خان کو نکلواتا تو یہ کہنا غلط نہ ہوتا کہ عمران خان کو ٹرمپ نے بچایا ہے۔ لوگوں نے ایک کے بعد ایک امید لگائی، لانگ مارچ سے امید، فوج، ججوں، بیوروکریسی، انٹیلیجنس، پارٹی، KPحکومت سے امید، ہر امید ٹوٹی۔ اس وقت میر جعفر اپنی طاقتور ترین پوزیشن میں ہے اور عوام اور عمران خان اپنی کمزور ترین۔ ہر طرف اندھیرا دکھائی دیتا ہے اور بچا کچھا لشکر بھوک پیاس سے نڈھال ہو کر ایک دوسرے پر الزام لگا رہا ہے۔ ایک طرف فرعون اپنے جوبن میں، دوسری طرف سمندر کی لہریں۔ ایک طرف سرداروں کی موجیں، دوسری طرف شعب ابی طالب کی گھاٹی۔ ایک طرف مفلسی، بیماری کی حالت میں پڑے مثل ایوب علیہ السلام، دوسری طرف طوفان۔ اب کمزور دل والے نکل چکے، اب صرف اللہ ہی اللہ ہے۔ اب اصل مشقت شروع ہوئی ہے، ابھی اس کا قرار بھی آئے گا، سمندر بھی پھٹے گا اور فرعون بھی غرق ہوگا۔ استقامت سے اس گھاٹی سے خدا نکالے گا اور مثل ایوب علیہ السلام طوفان سے آواز بھی آئے گی۔ ناامیدی اور جھکنے کا سوال ہی پیدا نہیں ہوتا، اور ڈریں وہ جن کے دل میں خواہشیں ہیں۔ امیدیں انسانوں اور اسباب سے لگائیں تو یہی ہوتا ہے جو ہوا۔ پہلی اور آخری امید اللہ سے ہے۔ وہ میر جعفر کو پورے زور سے گرا دے تو ہم اس پر راضی، اور اگر یہ مشقت اپنی بارگاہ میں قبول کر کے ہمیں فنا کر دے تو اس کی مرضی۔ اب عمران خان کو اللہ باہر نکالے گا تو ہم یہ کہیں گے کہ عمران خان کسی کے نہیں بلکہ اللہ کے زور پہ باہر آیا ہے۔ لگتا ہے کہ عمران خان کے اوپر اللہ اپنے سوا کسی کا احسان نہیں چاہتا، عوام کا بھی نہیں۔