₿ebo Crypto

لأي حد مهتم يفهم علم التحليل الفني 👇 هتتعلم ازاي تتوقع حركة الحيتان و أماكن ضرب السيولة و إزاي تحلل أي شارت بسهولة وهفهمك كل الأساسيات اللي هتخليك تعرف تتداول بنفسك 💯مجانًا لو متعرفنيش شوف الفيديو اللي في البوست ده ولو تعرفني تابع التفاصيل تحت ✅المحتوى احترافي سواء في المحتوي اوطريقة التقديم ✅هتتعلم من أمثلة حقيقية ✅ متابعة طول فترة الكورس ✅في نهايته هتقدر تحقق فلوس ب setups كاملة و جاهزة ب RR عالي ✅بشكل مجاني هيكون في جوائز مالية للمتميزين اللي يلتزموا بالكورس وبتطبيق التحليل على الشارتات 📅 الدروس هتنزل على القناة في خلال الاسبوع ده 🔗 وسايب لك لينكين مهمين جدًا في القناة لازم تشوفهم عشان تبدأ صح معانا t.me/Bebo_Crypto الفرصة دي مش هتتكرر - ابدأ دلوقتي واتعلم إزاي تحول الشارت لمصدر دخل حقيقي 🔥

ال SMC ده: إيه هو أصلًا؟ الفكرة في الاسمارت ماني إنك تحدد أماكن دخول صناع السوق وطرق البنوك والمؤسسات، وتفهم إزاي بيستهدفوا المتداولين. دي نقطة البداية. مسار التعلم : wolfcharts.com/ar/learning

ليه الدخول الأول كان غلط والتاني كان صح؟ ببساطة لأن الاتجاه العام للسوق كان صاعد. الهبوط اللي حصل في منتصف الشارت مكنش اتجاه هابط أساسي لكنه كان مجرد موجة تصحيح هابطة داخل موجة صعود أساسية OB 1 : اللي دخل بيع من المنطقة دي اعتمد على موجة التصحيح الهابطة وبالتالي كان بيدخل عكس الاتجاه الأساسي للسوق OB 2 : اللي دخل شراء من المنطقة دي كان بيدخل مع موجة الصعود الأساسية مش عكسها مش كل Order Block يظهر على الشارت يبقى مناسب للدخول لازم الأول تحدد الاتجاه الأساسي للسوق، وتفرق بين الموجة الأساسية والموجة التصحيحية. الدخول الصحيح هو الدخول مع الاتجاه الأساسي للسوق.

قدامك على الشارت منطقتين Order Block OB 1 : الدخول منها كان غلط ❌ OB 2 : الدخول منها كان صح ✅ السؤال هنا: ليه الدخول من ال Order Block الأول كان غلط بينما الدخول من التاني كان صح؟ إيه الفرق بين المنطقتين من وجهة نظرك؟ مستني إجاباتكم في التعليقات وبعدين هنزل شرح👇

شباب، لو بتدوروا على منصة موثوقة تتداولوا عليها كريبتو وتنقلوا عليها فأنصحكم ب OKX أنا شخصيا بستخدم المنصة بقالي فترة طويلة وتجربتي معاها كويسة جدًا ومقابلتش أي مشاكل طول فترة استخدامي ليها وبالمناسبة، OKX عندها حاليًا حملة Flash Earn بمكافآت إجمالية مليون USDT للمشتركين باستخدام البيتكوين والإيثريوم، وفقًا لشروط الحملة. 🔗 تفاصيل الحملة والاشتراك: okx.com/flash-earn/stake-to-… ولو عندك حساب بالفعل على OKX وحابب تنقله تحت إحالتي، تقدر تستخدم الرابط ده okx.com/ul/f1IP61?channelId=… بالتوفيق للجميع 💜

$BTC ✔️ $ETH ✔️ البيتكوين وصل للاوردر بلوك الايثريم غطي جزء بسيط من ال FVG حدوث اي كونفرميشن من هنا = دخول جيد حتي الأن مفيش كونفرميشن قوي في كونفرميشن بسيط فدخلنا بيتكوين بنسبه بسيطه بالتوفيق 💜

اشتريت بيتكوين بنبسة بسيطة من محفظتي الشراء مرتبط بسبب فني وليس له علاقه بالاحداث الحالية او تهكير منصه باينانس نسبة الدخول بسيطة من راس المال بسبب عدم حدوث كونفرميشن قوي بما فيه الكفاية

يقولون ان التحليل الفني لا يصلح و دجل !!!

هل التحليل الفني فعلًا مجرد دجل وملوش أي لازمة؟ خليني أقولك حاجة من واقع خبرتي والسنين اللي قضيتها قدام الشارت مفيش حاجة في الأسواق المالية مضمونة بنسبة 100%، ومفيش طريقة تداول مهما كانت قوتها مش هيكون ليها نسبة فشل، سواء كانت قائمة على التحليل الفني أو الأساسي أو حتى النماذج الرياضية والذكاء الاصطناعي. لكن المشكلة الحقيقية في التحليل الفني إن قواعده مش كلها صريحة وواضحة بالشكل اللي يخلي أي شخص يقدر يطبقها بنفس الكفاءة. ممكن أشرحلك مدرسة كاملة، وأديك كل القواعد والمفاهيم اللي بستخدمها، ومع ذلك لما تيجي تطبقها على الشارت متوصلش لنفس النتائج اللي بوصلها. طب ليه؟ لأن فيه حاجة اسمها الخبرة المكتسبة من الشارت، ودي فهم لطبيعة حركة السعر وسيكولوجية السوق، وخبرة بتكتسبها من التطبيق والتجربة والملاحظة على مدار سنين. التحليل الفني في رأيي فن، والفن ده ليه قواعد وأساسيات، لكن مش أي حد درس قواعده هيقدر يتقنه. ولو رجعنا لأصل مدارس التحليل الفني، هنلاقي إن أغلبها اتبنى من الأساس على ملاحظة حركة السعر واكتشاف سلوكيات وأنماط متكررة على الشارت. سواء التحليل الكلاسيكي أو الزمني أو الرقمي أو المدارس الحديثة، كلها محاولات لفهم حركة السوق ووضع قواعد للتعامل معاها. هل معنى كده إن كل مدرسة صح؟ لأ. وهل كل شخص بيقعد قدام الشارت يقدر يطلع منه قواعد ونماذج ناجحة؟ برضه لأ. لكن عدم قدرتك على إتقان مدرسة معينة أو تحويل كل قواعدها لمعادلات برمجية مش معناه إن المدرسة نفسها ملهاش قيمة. وده بياخدني لنقطة أهم بكتير. لو التحليل الفني ملوش أي لازمة، ممكن حد يفسرلي مش بس انا ولكن محللين كتير فنيين توقعوا حركات السوق بدقه ؟ ديه امثلة وليس حصر 🇸🇦 المؤشر العام السعودي (تاسي) من شهور طويلة وأنا محدد مناطق سعرية ومستهدفات بناءً على التحليل الفني فقط. وحددنا مناطق الأوردر بلوك اللي توقعت منها الهبوط أنا وقتها مكنتش أعرف إيه القرارات السياسية أو الأحداث اللي ممكن تحصل بعد شهور، ولا كنت محتاج أعرفها عشان أبني السيناريو ده. 🇪🇬 البورصة المصرية نفس الكلام، توقعنا هبوط السوق بناءً على قراءة الشارت قبل ظهور الأحداث والقرارات اللي الناس بعد كده بدأت تربط بيها الهبوط. ₿ البيتكوين والعملات الرقمية مش تحليل واحد ولا اتنين، فيه تحليلات كتير للصعود والهبوط، ومناطق سعرية حددناها قبل وصول السعر ليها والسعر التزم بيها طب إزاي قدرت انا او غيري أحدد الحركات دي قبل حدوثها، وأنا مش معتمد في التحليل على الأخبار أو البيانات الاقتصادية؟ هل أنا بعرف المستقبل؟ بالتأكيد لأ. هل كل تحليلاتي بتنجح؟ برضه لأ عندي تحليلات فشلت ، وده شيء طبيعي في أي طريقة تداول. لكن لما أقضي سنين بدرس الشارت، وأوصل لطريقة بقدر أستخدمها بشكل متكرر في تحديد مناطق مهمة لحركة السعر، وأختبر نماذج الدخول الناتجة عنها وأقيس نجاحها وفشلها، يبقى عندي أسباب عملية تخليني متمسك بقيمة التحليل الفني. ديه اسمها ال Setups وده مش معناه إن عرض شوية توقعات ناجحة كفاية لإثبات نجاح أي منهج، لكن معناه إن فيه تجربة تستحق الدراسة والتقييم، مش مجرد الرفض. وعلى فكرة، أنا مش ضد التحليل الأساسي إطلاقًا. التحليل الأساسي مهم جدًا، وفيه ناس متخصصة فيه وبتحقق منه نتائج ممتازة، لكن أنا مش هتكلم في مجال خبرتي فيه أقل من خبرتي في التحليل الفني. أنا بتكلم عن الحاجة اللي قضيت سنين بدرسها وبطبقها وباختبر نتائجها بنفسي. والأخبار والأحداث السياسية والاقتصادية ممكن تكون سبب مباشر في تسارع حركة السعر أو تغيير اتجاهه، لكن ده مش معناه إننا منقدرش نقرأ احتمالات حركة السوق من الشارت قبل ظهور الأخبار دي. طيب نيجي للسؤال المهم ليه ناس كتير بقت شايفة إن التحليل الفني دجل؟ للأسف، جزء كبير من السبب هو الناس اللي تصدرت المشهد باسم التحليل الفني وهي أصلًا لا تمتلك الخبرة الكافية. تلاقي شخص رسم خطين على الشارت، ومش فاهم هو بيرسم إيه ولا ليه، ومستني السعر يتحرك. لو التحليل نجح يرجع يقولك: مش قلتلكم يا جماعة؟ مبروك لمن استفاد 🔥 وبعدها تبدأ اشتراكات الVIP، والتوصيات المدفوعة، والوعود بتحويل رأس مال صغير لملايين الدولارات ولو التحليل فشل، محدش بيتكلم عنه. والنتيجة إن النوع ده من المحتوى بقى هو الصورة اللي ناس كتير بتشوف من خلالها التحليل الفني. لكن هل معنى إن فيه ناس بتستغل التحليل الفني للنصب والتسويق إن التحليل الفني نفسه فاشل؟ بالتأكيد لأ. وعشان أكون واضح، ممكن تكون متداول ناجح جدًا، وبتحقق ملايين من الأسواق المالية باستخدام طرق تانية غير التحليل الفني، وده شيء يُحترم. لكن مش معنى إنك نجحت بطريقة معينة إن كل الطرق التانية فاشلة. ممكن تقول إن التحليل الفني صعب، وإنه محتاج خبرة كبيرة جدًا ووقت طويل جدًا عشان تتقنه. ممكن تقول إن فيه طرق أسهل أو أفضل منه بالنسبة لك. لكن إنك تقول إنه ملوش أي لازمة، وإن كل اللي بيعتمد عليه بيستخدم الدجل والتنجيم، فده في رأيي حكم غير منصف، خصوصًا لو مبني على الممارسات المنتشرة على السوشيال ميديا مش على دراسة حقيقية للمدارس المختلفة ونتائج المتداولين اللي بيستخدموها. وفي النهاية، أنا مش طالب من حد يصدق التحليل الفني لمجرد إني بيستخدمه أو لأن تحليلات معينة نجحت أنا دايمًا بقول : اتعلم، وافهم إنت بتعمل إيه، واشتغل على الشارت بنفسك، واعمل Backtesting، واستخرج نماذج دخول واضحة، واختبر نسبة نجاحها والعائد مقابل المخاطرة وعدد مرات تكرارها. لأنك مش محتاج تكون صح كل مرة عشان تحقق أرباح، لكن محتاج يكون عندك أسلوب تداول له أفضلية حقيقية على المدى الطويل، مع إدارة مخاطر تحافظ على رأس مالك. فالخلاصة من وجهة نظري: التحليل الفني فن محتاج علم وخبرة وممارسة، ومش أي شخص يحفظ قواعده هيقدر يحقق منه نتائج. وفشل البعض في فهم التحليل الفني أو تطبيقه، مش دليل على فشل التحليل الفني نفسه. بالتوفيق للجميع 💜 والسلام عليكم

$BTC - $ETH شباب أنا مش ناسي تحليل سوق الكريبتو انا اغلب تداولاتي هناك وفي بشكل أساسي 👌 لكن لو رجعت لآخر تحديث نشرته هتلاقيني كنت محدد التصحيح اللي حاصل ده وتكون القاع وده قبل ما السعر يوصلها أصلاً وبالفعل السعر وصل للمنطقة اللي حددناها ولحد اللحظة دي مفيش أي جديد يستدعي تحديث لأن تحليلنا علي ال3D إيه اللي ناقص دلوقتي؟ 🤔 ظهور إشارة شراء واضحة وفقا لشروط الدخول اللي بعتمد عليها (اللي بالمناسبة انا شارحها في الكورسات تقدر تتعلمها بنفسك ) لو الإشارة ظهرت هدخل شراء وطبعا هنبهكم بأي دخول شخصي ليا زي ما اتعودنا بالتوفيق للجميع 💜

أي شخص في السوق من غير استثناء لازم يتعلم التحليل الفني من غير تحليل فني يبقى إنت ببتضيع نفسك و بتضيع محفظتك وأي حد ماشي وراك السوق مفيهوش حظ ولا بيمشي بالفهلوة

البورصه المصريه وتحليل المؤشر العام EGX30 ده تحليلي ليها من فترة بأهم المناطق اللي ممكن تفكر تدور علي فرص شراء فيها بالتوفيق 💜

حصل كسر عنيف في السوق السعودي والهبوط مكانش مجرد سحب سيولة وبالتالي مكنتش فرصة مناسبة للشراء الوضع الحالي محتاج إعادة تقييم خصوصًا بعد الكسر اللي حصل. هشارك معاكم تحديث للوضع الحالي اليوم والسيناريوهات المتوقعة للي مهتمين بمتابعة السوق السعودي #TASI 🇸🇦