ما بين الصعب و بين الخوف والتجريب
أحاول ما أميل بيوم ولا تتشرد أفكاري
أمرّ بمرحلة صح أو خطأ صدق أو تكذيب
كأني تايهٍ في شيء ولاني عارف أقداري
أنا يارب ما أدري وش الي ينكتب بـ الغيب
ولكن رحمتك أكبر من اللي فيه أنا داري
عاقل ولي حدود و حدودي على حد المباح
يا لين تنثر ليلك اللي من ورى جيدك هطل
أنا القتيل من الهوى والقاتل العذب القراح
ومسامحك عن دمي المهدور يا أجمل من قتل
- عبدالعزيز البطحاني
فمان غيابك اللي ما ترك لمواصلك.. بشرى
فمان الشك وظنون الخطأ والكذب والتشويش
فمان الحب وأحلام القلوب البيض والخضرا
فمان الآه من كثر الزعل والشوق والتطنيش
فمان الله يا قلبي مع أنك جرح ما يبرى
كتب علي أعيش من دونك وأنا ما أعيش
الله يسمّح خطوة اقدامك على الهجر الصحيح
تدلّ دربك واعذَب طعونك تدلّ دروبها
وانا عسى الله يغفر ذنوب الهوى والله يبيح
نفسٍ تشلّ من الجروح ذنوب فوق ذنوبها
عساه يشوفني عابر سبيل بشاشة الجوال
يكفيني لو إنه قاطعٍ عني ../ مراسيله
شعوري في فراقه شي لايكتب ولا ينقال
لكم عنوان جرحٍ ماقدرت أشرح تفاصيله
-سعود مبارك