السيد البلدي

أرجوكِ أن تغفري لي هذه الثرثرة، عذري الوحيد أنني صادق وممزّق وأرتاح إليكِ. - أنسي الحاج إلى غادة السمان/١٩٦٣

انتوا جداد فالحياة الدنيا ولا ايه؟

مرة من خمس سنين كدة العربية اللي كنت راكبها عطلت نواحي جبل عتاقة في السويس كدة والدنيا بقت المغرب والجو قلب مطر. اتجرأت ووقفت تريلا ركبت فيها لحد طنطا من بعدها بقيت أقدر اروح أي مكان في الدنيا حتى لو مفيش مواصلات وحتى لو برة مصر، حسيت بحرية رهيبة، والموضوع دة جه برزقه الحمد لله

ويجز وبابلو وأبيوسف بحسهم على قد مرحلة الجامعة، إنما بعد كدة خلاص، هتبقى موظف بدأت تصلع وكرشك يدلدل، هتستهيف نفسك أوي وانت مشغل راب

أكتر جزء تأثرت بيه من كتاب الأيام لطه حسين وفاهمه وحاسس بيه بكل جوارحي. هو الجزء اللي كان بيحكي فيه لما حقق حلمه وسافر يدرس في الأزهر وكان بينزل أجازة وهو متحمس جداً وعنده حكايات كتير نفسه يحكيها. بس بيرجع البيت يلاقي محدش مهتم ولا فارق معاه ولا مستنيه أصلاً لا دة عرق مش دموع

لا مفر من التقدم في العمر

الحياة خياراتها صعبة جداً والله وكل خيار تكلفته كبيرة لو قعدت جنب أسرتك هتعاني انت وهما الغربة فلوس أكتر بس عمرك بيتسرق بيتضحك عليك والله، بتتجوز ومبتلحقش تحفظ بيتك وتروح مسافر تاني، بتخش دوامة تخرج منها عيالك طولك فالحالتين هتطلع غلطان انك طري مش بتاع شغل أو انك مجرد ATM

التدريجة مخلية الموناليزا شبه أڤريدج مراهق كوري

الكاش ينهي النقاش

لما بتيجي سيرة واحد متجوز واحدة قريبتنا بتعمد أقول اسمه بالكامل بدلاً ما أقول جوز فلانة عشان عيب نختزل لحم ودم وتجارب وخبرات في كونه مجرد جوز فلانة بالله عليكو ومن غير مجاملة شوفتوا أدب كدة ؟

انت شخص محروم من نعمة الكوميونيتي الجيد، آراؤك تشكلت وسط تجمعات بشرية وظروف سيئين. مجاتلكش الفرصة تختبر أفكارك وآرائك ولا تصوراتك عن نفسك في مجتمع جيد، انت مش مُختار ولا هيكون ليك شأن عظيم، انت عادي يالا، جاف المواهب، أشول اليدين، متبلد الإحساس.

سواعي ياولاد بيبقى هوايا أتكلم عن كرم ربنا ليا وأبشر الناس بس كبرت وبقيت أخاف من الحسد، ثانياً بخاف من إن حد يقلل من قيمة الحاجة اللي مفرحاني أو يكرهني فيها دايماً في واحد هيقولك دة فرحان انه جاب لابتوب يالهوي عالضحك،دة فرحان انه جاب كوتشي من جوتشي يابني ويجز عملها قبلك من ٢٠١٩

مش مصدق إني نفس الشخص اللي كان بيحل تفاضل وتكامل وبيفك قوس أس ٢٠ عادي بنظرية ذات الحدين، وكنت حافظ أبيات شعر، وبحل في كل مادة تلات اربع كتب خارجية وكنت شاطر في التاريخ وبحب أقرأ في ميكانيكا الكم حالياً لما بجرب برفان بخلع الايربود عشان أشم كويس أساساً

أنا عند الحلاق عمال أجرب تعبيرات وش جديدة فالمرايةغ وبتمرن على تعبيرات شرسة عشان رايح أحل مشكلة فالشغل الحلاق ياعيني خايف ومفكر الحلقة مش عاجباني وهقوم أعجنه.

أول ما ورد على مسامعي اسم حمو المرشدي ظننت إنه طرح جديد لمحدودي الدخل من معمار المرشدي

«طمنيني مرة واحدة، انشالله حتى في المقام.» - وائل جسار مولد السيد البدوي

كنت شغال في مشروع اسمه Palm Jebel Ali المهندسين كانوا مسميين رقمي م أحمد النخلة متبالغوش أوي كدة ههههههه

مسألة التطور ووجود سلف مشترك للكائنات الحية لا أملك ما يكفي من العلم لنفيها. ولكن سؤالي الجاد الإنسان هناك كائنات أذكى وأقوى منه اشمعن الإنسان تحديداً اللي قدر يعمل المفاعلات النووية ويبني ناطحات سحاب وتعديل جيني للمحاصيل، ولسة باقي الكائنات دايرة نفس دورة حياتها دون أي تطور؟