فهد المحيلبي (@m7illbe) header
فهد المحيلبي (@m7illbe) profile picture

كتابة الشعر علاج نفسيّ لن يصفه ُالأطباء

المميزة
Joined September 2020
Photo by فهد المحيلبي (@m7illbe)Photo by فهد المحيلبي (@m7illbe)
تغطرسك ما دلّك المنطق الزين مسوَدّة النيّة و مسوَدّ بشره سلّم على اللي مرجلتهم عجب عين واحدهم يكفي من القوم عشرة ولا انت خبل و من يقدرّك مسكين و انا حقرتك ، لي متى و انت تشره ؟ هذا و مالك في رقاب العرب دين جمايلك شينة و منّتك قشرة
18
2
32
3,929
عيديتي لك ؛ قصيدة صعبة انشرها ماهي بـ للناس ، خلها بينك و بيني
1
32
3,070
اللهم تقبل صيامنا و قيامنا و اغفر لنا ذنوبنا العيد عليكم مبارك ، عساكم من عواده إن شاء الله
1
8
1,667
يا حبيب الليل و الغيم العتيم الساري ما كفاك اللي كلا عمري و ضيّق صدري ؟ تستبيح البعد لا جا لـ المواصل طاري كانك بـ ترخص هوانا منت مرخص قدري يوم كنت تدوّر اللي يسعدك فـ اخباري الله أكبر ، صرت امرّ فـ جانبك ما تدري !
5
64
4,797
كثر التكلف ، يفقد الأشياء مفهوم الجمال إلا التكلف فـ العبادة و التكلف فـ النسب
1
45
3,461
محبوبي ، العذر السمين ان طار ما طرنا وراه جعله فدى للي بقى من هرج ودّه ينسرْد انت الشعور اللي عجزت افهمه و اعرف منتهاه و انت العوَض عن كل شيٍ راح ، جعله ما يرْد
1
43
3,946
الليا أسدل الليل بشته يـ الغزال اللعوب بيني وبين المساعي من سعيت عتبه الشعر : يكشف خفايا ما تكن القلوب وانا ' تفصلت به ' يومك تفصلت به مال الحبايب مفر من الكرْب والخطوب تصير فجأة ، وهي من مبطي مرتبه يستامن الوْد في وجه الكريم الطروب استامني ، لاني بـ جاني ولا مشتبه الشوق باسه قوي ، والفقد وجهه شحوب والشعر داء ودوى ، لو في يدي ما اكتبه مشاعري لك تكافح لا تمل وتتوب والحب واضح ، وبيّن ما تشتت به ليتك ماقلتي وعدنا عند وقت الغروب من ليلة الأمس ، لا نايم ولا منتبه
7
3
80
11,408
ان ضوى الليل العتيم فـ بشته و جلبابه يالله انك منت جاهل علّة المتجاهل من تباريح الهوى و العالم المغتابة ادري ان مافيه فرحة تستوي بـ الساهل صاحبي كان الطريق اللي عليه تهابه ارْد ميراد الضما و اشرب شراب الناهل مستعدّ أنثر عليك بيوتي المنسابة ما تعثرّ لي عزوم ولا تردى كاهل و ان تجنبتك عزيز وعزّك فـ مجنابه غلطةٍ توجع ، سببها نزوّة المتعاهل لا تنشدني عن غيابي وش اللي جابه متزهل لك وفا و من المعاتب زاهل ماهو بـ لازم يكون لـ كل شي أسبابه هذا انا ، فيك متمسك و انت ما تستاهل
22
6
3
104
21,701
بنت الحيا ، عيّا يهلّ الغيث فـ الديرة هذيك متى على الله يا ملاذ النفس ، يمكنّه يهل عذري معي لا من تمنيتك ولامن شفت فيك شيٍ بـ كيفه يمتحن قلبي على بطئ و مهل تستاهلين من القصيد العذب ما يصلح عليك و انا استحق اسامرك فـ الليل من طيش و جهل تولعي بي وانزعي غطوّتك و استبسل و اجيك مجي من عينه تشوف الصعب خير من السهل ماعاد باقي فـ الضمير الله يرحم والديك الا شعورٍ .. ودّه يلامسك يوم و يسفهل
5
112
13,010
نور الشفق بيّح خفى كل مكبوت من الصدور ، اللي كبتها زمنها وانا لا دوّر طلعته كل مبخوت دوّرت من شوقي لها > يشتحنها منتوقةٍ من دونها الحبل مفلوت القلب مدهلها و عيني وطنها والله ما يغنيني عن الشرب و القوت إلا مفاتنها / و شعرٍ فتنها قطنٍ قطع بينه وبين القطن توت و جيدٍ سببه النفس ؛ تنكر رسنها سحر الجمال اشدّ من سحر هاروت و انا اتهجى كل شبر ، فـ بدنها كل الغزل في حقها صار مبهوت ماهو بـ منصفها ومنصف ثمنها تعشق تجنّابي عن الحب وتموت لاحسّت ، اني ناوي اصدّ عنها عسى القوام اللي تقطَع له الصوت أن ما قدر يامر بـ قلبي و ينها ياخذ من أدنى داني الحسّ له نوت قصيدةٍ .. ما ينتناسى لحنها لو اتجاوز حدّ ، و يفوتني فوت اروح فيها ، بس ما اروح منها
31
9
1
68
11,161
يالله عليك اتكالي فـ الهُدى والثُبوت اصلح لي النفس لا تذنب ولا تقترْف من ليلة الأمس كم قفى من الحس صوت وأنا ما غير أتغنى من غثى وانصرْف مادام الأحساس ما تاسعه حتى البيوت وش حيلة اللي ما ودّه بـ الخطا ينحرْف فيني من الضيق ما يظهر حنين الخفوت وفيني من الشعر مثل السايل المنجرْف تستامن الروح ، في ظل العناد وتموت وهي تجاهد > لا تسترسل ولا تعترْف حتى المخيلة وعيني ، لا اكتفوا بـ السكوت في وسطهم دمع ؛ لو يجفّ ما ينذرْف
30
8
104
11,585
تستغيث النفس من جور الرقيب الذاتي فـ الرفيق اللي ليا حلّ الظلام زبْنته لو ما أحصْر اللي يكنّ القلب وسط أبياتي كان ماصار المسا ملفى ولا واطنته غايتي يوم البشر ما تدري بـ غاياتي دونها كم من شعور يموت ما بيّنته تستحق أركز عليها رمحي وراياتي لين ما يعبر بها التاريخ فوق ازمنته صاحبي كان الغلا ما يحتمل شرهاتي هذا انا لا من توّلاك الزعل هوّنته أجتلد وارسم على منتوقك انجازاتي شعرٍ يصوّر مواضع فتنتك واحسنته وانت تاخذ ما رغبت وجاعلٍ رغباتي عرضةٍ فـ عيون روّاد الجهل واللسنته غلطتي يوم اني اكمل على غلطاتي طامعٍ في شي لو اموت ما عيّنته كان ذكرّك المطر في صوتي وضحكاتي ما يذكرّك المطر في خنجرٍ مكنته ؟ جعل يسقى يوم كان اعجابنا سكّاتي يوم علّقت الشعور فـ مبسمك وارهنته من هذاك اليوم متمسّك بـ حبل وصاتي لا لفاك الشوق يمّي هاجسك طمّنته لا يكلّ ولا يملّ ويختبص ويحاتي والله اني لو تخون ظروفنا ما خنته
37
10
3
94
20,203
يا كلّ الغلا ، عيّا مصير الفراق يبين متى عيني بـ تروى غلا لا تبيّنتي تحت بشت ليلٍ مارحم وحشة السارين تقديت في ذكراك من يوم ما كنتي سبايب هواي وضحكتي وأبتسامي لين تهاونت فيك بـ سبة انك تهاونتي تعبت أفهم اسبابك مع الشك والتخمين ضريبة وفا / ولاّ شبعتي وخوّنتي سمحتيلي أهدم ما بنيته بـ رمشة عين ورحتي ولكن ردي القلب ، لا هنتي أنا شاعرٍ ماشاف مثلك قبال وزين تفنن بـ حبك وبـ طعونه تفننتي عطاه الله القدرة على البيت والبيتين وعطاك الله القدرة بـ طعنه ومكنتي عجز لا يشوفك مرحلة طافت وروتين لا والله يشوفك في خفوقه تمكنتي عليك الله أكبر من ملامح وطبع ولين وعليّ الله أكبر لا تصبرت لا لنتي على كل دعوة قلتها لك وقلت آمين شديدة حيا من صافي الما تكوّنتي تمثني قفص صدري وسمي ونامي زين على قلبي اللي مارقد فوقه الا أنتي
34
16
2
196
44,050
تدافعت من دافع الحسرات مدرارة لحون و أنا موازنها على التنهيت ما كسرّتها تدفعني لـ فكرة تحلّت دون شكل ودون لون عيّت تفارقني سجينة لين ما حررّتها سلْمت ياراسي كفى واوجبت جعلك ماتهون عسى العوّض فـ اللي تقدرني ليا قدرّتها الله عليها يومها كانت على قلبي تمون و الحين تفنى وتحيا وتردّ ما عبرّتها مـ اشيّن من كبار المشاريه و مذاريف الجفون إلا معاذيرك ، ياليتك رحت ما بررّتها ظلمت نفسي بالوفا وانصفت نفسي بالطعون هذي وهذي كيف مدري كيف ما فسرّتها الله يجازيني كثر ماجيت من فوق الظنون والله يعاقبني على الغلطة ليا كررّتها عن كل غيداً تسرق الألباب سكرّت العيون و أنا لو أدري عن سهاد البعد ، ما سكرّتها
29
18
2
107
25,586
الله على صفق الهوى بـ الوسم والهاجس لا لاح أمور قلة ، تقدر تحثه قدم وتسيّره يطرخ مع انسام المسا ويطيح لا حل الصباح ويعيش جوّه لافقد شوف الوجيه النيّره يلقى بوادر للفشل لا بانت رسوم النجاح فـ الحالتين عزومه تجاهد ماهي متذيّره يسوق وجهه للحيا والبرد وارزام الطفاح ماساق وجه وجاه لـ العالم عشان تشيّره ردولي اللي فاقده من ' حس ' ولا من صلاح مشاعري : جارت علي يومنها متجيّره وقفت في وجه الزمن وأبعدت عن ظبي البراح كيف يتحداني وهو حتى النسيم يطيّره من قبل لا نستكبر المشروه شرهته وراح من باب من شبع > أكتفى ونفوسنا متغيره جيته على كثر الغلا ماجيته اطلبه السماح الا عشان يوّسع الأدراك ، قبل اخيّره اما يجمعني غيا / ولا يخليني متاح لكن حرام يحيّر افكاري / وعيب احيّره طرايفي وياه كانت غير وكفاحي كفاح والحين صارت تربكه وتزّعله وتنيّره ما لاحظ غيابي ولا لاحظ غياب الأرتياح وانا ملاحظ فيه ؛ كل كبيّره وصغيّره
29
15
1
94
16,123
السعد قدام عيني و المطيح خلافي و الظفر عني وقل الحيل ما يعنيني ماورا فلج الخصوم إلا الفراش الدافي و ما ورا طرد الهوى غير الهوى ، يا عيني غايتي من شرهة العشاق بس و كافي جاني من الهرج و المشروه ما يكفيني قلبي اصفى من صفى ملمس نحرك الصافي و عقلي اقسى ، من قسى تقصيرك الروتيني جنبيني لابغيت امسك خطام اهدافي لي متى و أنا اوصل الأهداف ، و ترديني و اعذريني لاوقفت لحالي بمشرافي الزمن هذا زماني و الهقاوي فيني
33
28
3
278
39,020
تواري عن عيون الملا ، يا نجوم الليل تغيّاب هم ، وضيق ، ودموع منهمره أنا شخص عنده فوضوية ، وحط وشيل يفضل عن دروب الوطى ، وطيّة الجمره يشوف الحياة اهوّن من الكذب والتهويل ويشوف العمر نقمة ، ولا سام في عمره مصيره محدد من تواجد ، وحيله حيل صدى ذكره يسوقه ، صدى زمره لـ زمره مال العذر قيمة ياغلا شاعرك لو قيل عفى الله عنّه ، لا بدا ماكشف ضمره تعرفه مايقبل يحجب عيونك التضليل لو الشوق متفجر ، والأوضاع مندمره تشيّم عن الشرهة وجنّب عن التأويل ما غيرك قبال ، وبسمة تمرّ وتغمره لو أن يمنعه جور المفارق من التفصيل له الحق يبني واهسه فيك ويعمره على كل جرّه ما دفنها مسيل السيل طواريه تحت أمرك ، ورجعته تحت أمره
35
34
2
358
49,326