بندر

سحر العيون اللي بها الموت مالوف والموت في بيض المحاجر تجلّي تستدرج قلوب البشر لين وتشوف وشلون تذبحنا دلال وتغلي والرمش خاشع في مكانه ومصفوف كنه على روح الضحايا يصلي ✍🏻 بندر

الصلاة على النبي ﷺ نسيم يمر على الروح فيُسكن لوعتها ونور يشرق في القلب فيطرد ظُلمته.. طاعة للرحمن ووفاء لسيّد الأنام اللهم صلِّ وسلم على نبينا محمد

مساء الخير للجميع.. عسى مساكم هادي ومحفوف بالخير والمسرات

لاح برق الضيق في عرض الجناب وهبّ نسناس الحزن عقب المقيل والشفق دمّع على صدر السحاب يوم شاف الشمس تنعى الرحيل وانطوت بالروح زفرات المصاب لين عيّا الصبر عن حمل الثقيل يا غيابٍ ما ترك للشوق باب كيف تتركني على جمرٍ مليل ✍🏻 بندر

مساء الخير للجميع الا لعشاق الصيف ماعندي لهم مساء

دون الوطن نارد على الموت المهيل ونرخص له الاعمار في ميدانها يا موطني والمدح في حقك قليل مجدك سما فوق النجوم وزانها الراية الخضرا لها ظلٍ ظليل والموت يدني من نوى عدوانها ✍🏻 بندر 🇸🇦🇸🇦

صباح الخير للجميع.. ويوم جديد يحمل معه الخير والتوفيق وتحقيق الامنيات بإذن الله

ياموطني في عالم العشق وين انت عن خافقٍ ماله بغيرك مواري عن حبك الطاغي ابد ماتهاونت لو صار صمتي في غرامك جهاري تكفى يانصر المجد لامن تزينت اروي ظما قلبٍ من الصبر باري ✍🏻 بندر 💛

يا وجد حالي وجد من كان غالي واليوم شحّت في يديه المراسيل يسهر عتيم الليل فكره يسالي يندب حظوظه في وجيه الغرابيل ✍🏻 بندر

يا مساء الخير والبال الرحيب.. عسى هالمساء يمر على قلوبكم خفيف، ويجيب معه الفرح والتباشير

مبسم رغيدٍ .. بالحيا لا تعذر فجرٍ تهادى في نسيمه عبيره ساهي وفي صمته جمالٍ تحدّر كن السكوت عيون تفشي سريره ✍🏻بندر

الصلاة على النبي ﷺ غيثُ هتان يصوب على القلب المجهد فيزهر وبلسم يمر على الجراح فتبرأ بإذن الله وطمأنينة تزاحم الخوف ووفاءً لمن اشتاق الينا وتمنى رؤيتنا اللهم صلِّ وسلم على نبينا محمد

يا ليل مالك على حدّ المودة ملام والقلب من جور صدمات الزمان امتلا اسري مع الضيقة اللي ماتطيع الكلام واسباب حزن الظنون اللي تلّوت تلا يا ليل جفن السهر ما ذاق طعم المنام والحال من سطوة الايام ذاب وخلا اقفت ركاب الاماني في عتيم الظلام ونور الامل في عيون المبتلي ما جلا ✍🏻 بندر

مساء الخير.. عسى هالمساء يحل على ارواحكم بالطمأنينة والسلام ولا يطرق قلوبكم الا كل ما يسركم ويجبر خواطركم

ابطيت عني والمشاعر لها عتاب يا من غيابه طال وأدمى بصدري تمرني الايام والجرح ما طاب واسهر طوال الليل واقول بدري اراقب طيوفك ولا صكني باب واقول ليتك بـ لظى الشوق تدري تعبت امنّي الخاطر والرجا خاب من غيبتك يا اغلى البشر طول عمري ✍🏻 بندر

صباح الخير.. يا رب يوم خفيف ودروب ميسرة وخاطرٍ سمح اللهم ابدل قلقنا اطمئنان واجعل لنا من خير هذا الصباح نصيب

صاحبي لو يخفي احساسه ورا صمت السطور تلمس الارواح صدقه.. قبل لا يشرحه جعل وقتٍ يجرح الخاطر ويملى الصدر جور ينقضي.. والله يجيب اللي يسرّه ويفرحه ✍🏻 بندر