نصيحه
لا احد يدوس على مشاعره و يقنع نفسه ان عادي اذا شخص ضايقك بتصرف و قالك تضايقت و قلت له لا عادي و آخر همك الناس و ما في شخص يهمك لا تحاول تبين للناس ان الموضوع عادي و انه اخر همك و هو بقلبك قاعد يعورك
لانه كثرة الكتمان مع الوقت راح تغيرك و راح توصل لمرحله تبجي فيها على اتفه الأسباب مو لانه الموقف يستاهل لكن لانه بداخلك اشياء وايد متراكمه
اليوم صار لي موقف يمكن اشوفه تافه لكن بدال لا اعصب قعدت اسال نفسي مليون سؤال و اهم سؤال كان هل انا انسانه سيئه لهالدرجه علشان كل هالمشاكل و كل هالحزن اللي اعيشه؟
انا ما ابي اكون إنسانه حزينه و كئيبه و شايله هم فوق قلبها بخاطري افرح بخاطري اكون إنسانه سعيده بخاطري احس بالسعاده
ليش احس ان الدنيا ماخذه مني هالشي ليش كل ما اقوم و اقول هانت و بتصير الأمور احسن و راح افرح القى الدنيا صافعتني و منزلتني سابع أرض؟
أنا شنو اللي سويته علشان استاهل كل هالمشاعر اللي قاعده اعيشها؟ ظلمت احد؟ كليت حق شخص؟ شنو سويت علشان استاهل كل هالحزن
10
532
ما في شخص راح يعرف قدرك إلا إذا دخل بعلاقات مع ناس ثانيه
أنا انسانه عندي وجه واحد و صريحه لأبعد الحدود و طيبه ممكن لحد الغباء ممكن اكون عصبيه بعض الأوقات و ما في انسان كامل
بس صدقوني لمن اختار اترك شخص او اطلع اطلع بكل هدوء لا احب اجرح احد و لا اضايق احد و احب الخير للكل
يمكن الدنيا و الناس ما تشبهني و هذا اكثر شي متعبني لاني مو عارفه شلون اتعامل و احط حدودي
يا اني امسك بالخيط و اجي كلي او اني أفلته و اتركه بس كل اللي أتمناه بالأخير اني إذا غبت الناس تذكرني بالخير و عساني لا اكون سبب ضيقة احد 🤍







