محمد| محلل بيانات 📊 🧑‍💻

كيف ترفع قيمتك في سوق البيانات؟ عشان توضح لك الصورة؛ قيمتك السوقية كمحلل بيانات تكبر كل ما تنوعت مهاراتك، وبالذات الجانب التقني الموضوع يعتمد على مدى تأثيرك وندرة مهاراتك ومواكبتك لاحتياج السوق، مو بس بعدد سنين الخبرة اللي قضيتها ورا المكتب تنوع وقوة مهاراتك هذي ما بتجيك إلا إذا غصت في مشاكل حقيقية وتحديات مختلفة في شركات متنوعة. خلّك صريح مع نفسك: لو شغلك محصور بس في نطاق التقارير (Reports) وتحليل البيانات العادي، ترا استبدالك سهل جداً، وما أتكلم هنا عن الذكاء الاصطناعي بس، أقصد أي محلل ثاني في السوق أو حتى زميلك اللي جنبك يقدر يسويها لما أقول مهارة، أنا أقصد إنك تجمع الـ ETL مع الـ Statistics والـ Storytelling كلها في خلاط واحد. وإذا بتقول لي 'هذي مهام وظائف ثانية وكذا صار الشخص يسوي كل شيء'، بقول لك يا صديقي شكلك مو متابع السوق صح! كل الوظائف بلا استثناء في مجال البيانات متطلباتها قاعدة تزيد وبتزيد بزيادة، لأننا ببساطة تحت قطاع التقنية، والتقنية ما تنتظر أحد