Pinned Tweet
هبّ ياليلٍ دعاني وجيته مستجيب
ليلٍ فبطنه طواري وقومه وقعده
اتلفت كني اللي مضيع له ذهيب
ولا يبي واحد من الناس هذي ينشده
الغريب اللي ماقبله ولا بعده غريب
الشعور اللي يجيني لاقبله وبعده
من يقول الحب فعيون خلق الله عيب
ضايعٍ ماذاق ملحه ولا ذاق شهده
وأنت ياللي سبّة الحزن والجرح العطيب
إن رحلت الجرح خفّ ! إن قربت تجدده
لاتعودني على الوصل يومين وتغيب
الوصل جنه وفرقاك نارٍ موقده
ياسقى الله ذيك الأيام يوم إنك حبيب
ما بعد و اعدني بشي واخلف بوعده
ياحبيبي ماوقف بيننا غير النصيب
من خذاك وعاشقك مات قلبه فجسده
ضاربٍ على المحبين من بعدك صليب
صدّق اللي قالو الحب مرّه … وحّده
ميسور
اليوم لاصفو بال ولا طمأنينة
أعوذ بالله من نفسي وسواسي
يقلقني المستريح ليا غفت عينه
مايطرد نعاسه اللي يطرد نعاسي
السراهيد
13
585
ياكل الليل بأطراف الوحيد المخلّا
مثل ما تاكل النار الشبوبة حطبها
ماعرف كيف بالصبر الجميل يتحلى
لو عرف وش نهاية علته من سببها
أتركوه إن تفضى للسهد وإن تملّى
لين ماعاد تبقى كلمةٍ ما كتبها
لا تلومونه بحاله وهو ماله إلا
الشعر ، والشعر سمّ القلوب وعطبها
غاب من طيفه أن هب النسيم يتجلّى
مع حفيف الغصون اللي برت من عصبها
أتلعٍ في يسار الصدر ربّع وفلّى
لين فوّح معاميل الدميّ ، وشربها
كنّه الشمس يفهق نورها الليل ولّا
غيمةٍ زبّرت و أرخت لبرقٍ عقبها
عيبه أنه ليا وكّد غلاه يتغلّى
وعيبي إني أقول الكلمة ولا أحسبها
جعل يسقى زمانٍ فيه رحّب وهلّا
يوم عينه حمى لون الحياة وجنبها
ليت ساعة على حبل المواصيل صلّى
تل روحي بكفه من ضمير وسحبها
من تركني على جمر الفراق أتصلّى
وكل ليلٍ جهم يرهي لنفسي تعبها
والله إنّي ما زدت بشيء ولا أتبلّى
يفهم احساسي اللي غايته ما قربها
ليتني طير لا ضقت أنفرد وأتعلّى
كان ماضاقت الأربع جهات برحبها
أحسبنّي على قربه ماغير أتسلّى
وأثر الاحباب ضوٍ ما يخلي لهبها
من ترك قلبه لريح الغرام يتدلّى
راح مرواح غفلٍ جنّبوها عربها


