Tahany Elsherbiny

كلمة "حبيبي" تتصدر تفاعلات الأمريكيين عقب الانتخابات.. بعد استخدامها من السيناتور المنتخب عبدول السيد للسخرية من نائب الرئيس جي دي فانس

الزمالك يؤكد اتخاذ الإجراءات القانونية ضد كل من يوجه اتهامات للإدارة بإهدار المال العام أو الفساد دون أدلة. #Zamalek | #MostTitledIn20C | #الزمالك_أولًا | #أكبر_قلعة_رياضية

أحمد حسام ميدو عبر برنامج اوضة اللبس على قناة النهار 🎙️ • أكيد تابعتوا اللي بيحدث داخل الزمالك، والتحقيقات المستمرة من نيابة الأموال العامة، والدور العظيم اللي بتقوم بيه الدولة في استرداد حقوقها من الأندية التابعة للدولة، بعد تحقيقات واستدعاء أكثر من 100 شخص في قضايا استرداد أموال • فيه بعض القضايا اللي بعتبرها فضيحة ومخالفات مالية واضحة من سنين، والنهارده الدولة بتقول كفاية، ومفيش مسؤول سابق أو حالي هياخد جنيه من غير وجه حق • بحيي الدولة على إصرارها على استرداد أي جنيه اتاخد من غير وجه حق • الموضوع ده هيتفتح في كل الأندية، الدولة بدأت بالزمالك، وهيتم فتح تحقيقات في مؤسسات رياضية تانية؛ لأن فيه مخالفات متورط فيها شخصيات كتيرة • وعلى مسؤوليتي، اللي تم استرداده ده البداية فقط، وده في عامي 2020 و2021، وفيه ملايين الملايين من المخالفات المالية في السنوات اللي بعدها، وفيه شخصيات متخلوش بالكم إن أسماءها متورطة • مدير مشتريات سابق عليه 130 ألف جنيه، ومسؤول سابق بالجهاز الطبي عليه أموال، وعضو مجلس إدارة سابق عليه أكتر من مليون جنيه، والكابتن نادر السيد رجّع حوالي 5 ملايين جنيه • إجمالي المبالغ وصل لـ17 مليون جنيه، والدولة بتتعامل بالمستندات، وسياسة الدولة هي الدفع أو الحبس، وملهاش دعوة بالأطراف • الزمالك مستني مليون دولار من صفقه محمد ابراهيم و8 مليون من الشناوي حارس الزمالك السابق • صفقة محمد إبراهيم المشبوهة، اللي المهندس هاني زادة سافر وعمل فيها اتفاق إن لو باع محمد إبراهيم لأي نادي، مهما كان السعر، الزمالك يدفع له مليون يورو، وكنت عارف إن فيه تحقيقات وحجم الفساد الموجود • أخيرًا هتعرفوا الإجابة: الناس بتموت نفسها على المناصب والعمل التطوعي ليه؟ فيه ناس محترمة، وفيه ناس داخلة عاملة خطة: هصرف كام والفلوس هترجع لي كام؟ • تخيلوا عضو مجلس إدارة حط بند إنه لو محمد إبراهيم اتباع بأي سعر، الزمالك يدفع مليون يورو، والزمالك باعه للمقاصة ببلاش! • فيه مخالفات مالية داخل الزمالك، وبعض المسؤولين السابقين متورطين فيها بملايين الملايين، وفيه ناس من مجلس الزمالك اتطلبوا للتحقيق ورفضوا الامتثال، وتم رفع الأمر لوزارة الرياضة، وهيتحولوا للنيابة، والمخالفات كتير • إزاي الناس تقبل على نفسها تاخد فلوس مش من حقها خالص؟ إزاي الموضوع بالبجاحة دي؟ • فيه مخالفات مالية تخص الفريق الأول، ولما تشوف الورق متصدقش إن الناس عملت كده بالبجاحة دي • ده في حاجات تخص السفر والمعسكرات، هل كانوا فاكرين إن مفيش حساب؟ لا، إحنا في دولة قانون، واللي جاي مش هتصدقوا حجم الفساد فيه • والموضوع مش خاص بالزمالك فقط، لكن فيه أندية تانية، منها مسؤولين سابقين وحاليين، وأرقام كبيرة جدًا، وبحيي الدولة على إن فيه مراجعة وحساب وكله جاي بالدور على مسوؤليتي الشخصية • وعلشان بعد كده اللي داخل انتخابات أي نادي وعامل خطة للتربح، لأ، هتتحبس! وفيه ناس فاكرة إنها مستخبية، وهي مش مستخبية، الدولة شايفة كل حاجة • فين مجلس الإدارة؟ وفين مراجعته للصفقات؟ فيه مخالفات في عقود، منها نسبة إعادة بيع لوكلاء اللاعبين، وهيتم تسديدها من المسؤولين عن ملف كرة القدم السابقين. كلام لا يصح والمفروض ما يحصلش في أي نادي أو مؤسسة • العمل العام مش شو، دي أمانة ومسؤولية، وبسبب الاستهتار وعدم الاهتمام النادي بيتكلف ملايين الدولارات • مين قال إن الإدارة كده؟ وعدم الرد على الإنذارات معناه إن ما تمش اتخاذ الإجراءات الصحيحة لتفادي دفع الغرامات! • لا، أنت النهارده جالك جواب، أو إنذار من اللعيب بيقولك: «أنا بمهلك أسبوعين إن أنت تسدد لي الفلوس اللي عليك!». الفلوس اللي عليك دي مثلًا كانت على النادي كام؟ 30 أو 40 ألف دولار • فأنت كمسؤول اخترت إنك تتجاهل الإنذار ده! مخالفة، مخالفة، مخالفة عليك أنت بشخصك! هتروح النيابة: يا تدفع الفلوس دي، يا إما مش هتخرج، هتتحبس! • عندك عبد الحميد معالي، تخيلوا! 611 ألف دولار، بعد ما اللعيب وجّه إنذار للنادي وتم تجاهل الإنذار • صلاح مصدق، صلاح مصدق كان ليه 40 ألف دولار! 40 ألف دولار تاخدها، وتحافظ على اللعيب وعلى قيمته التسويقية، وتقدر تسوقه بعد كده، واللعيب معاك وكل حاجة! • الراجل مرة واتنين، ووكيله يتكلم مرة واتنين، وفيه إنذار.. تم تجاهل الإنذار! في النهاية دفعت كام لصلاح مصدق؟ 809 آلاف دولار! 809 آلاف دولار! • الفلسطيني بقى عمر فرج! ده راجل، بصوا بقى، ده راجل كان بياخد رقم في الدوري السويدي، لو قلته لكم مش هتصدقوا! • عمر فرج ده كان بيلعب في الدوري السويدي، وكان بيتقاضى 40 ألف يورو في الشهر! • فبرضه قصة عمر فرج مختلفة شوية، لكن برضه الزمالك خسر مليون و800 ألف دولار! • فالمسؤولين في الزمالك كان عندهم الاختيار، وما حدش يقول لي إن المشكلة مادية، وإن الزمالك ما كانش معاه فلوس. لا، مش موضوع إن الزمالك ما كانش معاه فلوس، المسؤولين في الزمالك اختاروا إنهم يتجاهلوا الرد على الإنذارات دي عن عمد! • وعندي فيديو واضح وصريح للكابتن هشام نصر، نائب رئيس النادي، وهو بيقول في التلفزيون، والفيديو موجود: «هو أنتوا عايزنا نعمل إيه؟ ندفع للعيبة اللي بتفسخ عقودها، ولا نسدد مستحقات اللعيبة اللي معانا اللي بينافسوا على الدوري؟» • لا، تدفع للعيبة اللي بتفسخ عقودها! تدفع للعيبة اللي بتفسخ عقودها دول. دي أهم حاجة، إن أنت تدفع للعيبة اللي بتفسخ عقودها وتحافظ عليهم، وما تكلفش النادي ملايين الدولارات، وتحافظ على قيمتهم التسويقية، وبعد كده تحاول تعيرهم أو تحاول تبيعهم • مين قال إن الإدارة كده؟ ما إحنا طول عمرنا شغالين في الكورة، واللعيبة بتبعت لنا إنذارات. سيف الجزيري ده كان كل شهرين تلاتة بيبعت إنذار بفسخ العقد، وكنا بنجيبه ونقعد معاه ومع وكيله، وندي له جزء من فلوسه ونخليه يتنازل عن الإنذار، ونقعده معانا. هو بقى لعيب كويس أو مش لعيب كويس، دي قصة تانية • إنما أتجاهل لعيب بينذرني بفسخ العقد، دي مصيبة! مصيبة! وأطلع أتباهى في التلفزيون وأقول الكلام ده؟! • كابتن هشام نصر، ما تزعلش مني، مفيش حاجة ما بيني وما بينك نهائيًا، وأنت عارف كده كويس، وأنا بكنّ لك كل الاحترام، لكن النهارده نتجاهل إنذارات بفسخ العقود، وفي النهاية نادي الزمالك يلبس غرامات في الفيفا بـ4 أو 5 مليون دولار؟! • لا، أي حد تسبب في خسارة الزمالك، وأول حاجة خسارة سمعته، وإن النادي يبقى سيئ السمعة لدى الاتحاد الدولي، ويتعمل له إيقاف تأديبي، وأي حد تسبب في إن الزمالك يخسر ملايين الدولارات، ما حدش يدافع عنه! لازم يدفع، أيا كان هو مين، أيا كان مين المتسبب! • نيابة الأموال العامة العليا هي اللي تقول مين المتسبب، أنا معرفش، لكن أيا كان مين هو المتسبب، لازم قبل ما يخرج من منصبه يدفع الفلوس دي! يدفع الفلوس دي، واضحة وصريحة! بعد ما تدفع نتكلم، بعد ما تدفع بقى نتكلم! • إنما النهارده الموقف يبقى كده، ويبقى فيه استهتار بالشكل ده! أنا عمري ما شفت الكلام ده بيحصل في نادي الزمالك على مر تاريخه. آه، فيه قضايا حصلت، وكان فيه استهتار من بعض المسؤولين، لكن أنتوا شايفين إن الناس أهيه بتتجاب! الناس اللي مسؤولة عن مخالفات مالية بتدفع الفلوس! • وكل واحد اشتغل في مؤسسة رياضية وتسبب في خسارة المؤسسة دي لجنيه، هيدفعه! وده حق الدولة وحق ربنا، ده حق الدولة وحق ربنا! • الموضوع واضح وصريح، أنا جبت لكم كل حاجة بالمستندات! وعلى فكرة، كل المستندات دي معايا: معايا مستندات إنذارات اللعيبة، والإنذارات اللي اتوجهت للنادي، ومعايا ما يثبت إنه تم تجاهلها، ومعايا كمان حيثيات الأحكام اللي على نادي الزمالك، واللي بتدين المسؤولين في نادي الزمالك إنهم تعاملوا مع الموقف قانونيًا بشكل خاطئ