لا!

لما كنت أدرس في الجامعة وقبل سنة ثالثة تحديدًا كنت زي كل الطلاب مصدر دخلهم الوحيد المكافأة، وانتظر نهاية الشهر بفارغ الصبر عشان ادلع نفسي فيها، مدري ايش كانت البداية وليه وكيف بس كورونا اعطتنا الفرصة نستكشف قدرتنا في استغلال الوقت واحنا في البيت، أنا لقيت عقلي ويدي يدخلوا لعالم المسارات الابداعية وبالخصوص كتابة المحتوى، تعرفت على العمل الحر تحديدًا، ومن وقتها وأنا اعتمدت على مصدر دخل احيانًا يعادل ٣ شهور مكافأة جامعية! اللي بوصلّه لكم أنكم في ذروة الشباب وفي الوقت اللي عقولنا تنضح حياة والوقت اللي تقدروا تسووا فيه ١٠ اشياء في نفس الوقت بدون لا تنفذ طاقتكم ولا ينقطع نفسكم وبالعكس تكونوا مبسوطين بالانجاز بعدها، استغلوا هذي الفورة والنشاط في اشياء تزيد من مهاراتكم وتفتح لكم ابواب ما كنتم تفكروا فيها من قبل ولأني زيي زي أي مبتدئ وقتها ما كان في عندي أي دليل أمشي عليه، كنت أجرب كل شي لدرجة كنت في البداية أكتب بدون مقابل، أعمل نشرات واسوق بالمحتوى بدون مقابل، لأني بس كان ودي اشوف طبيعة العمل واستكشفه حصيلة انجازاتي في الثلاث سنين كانت: - فزت في الاولمبياد الثقافي في جامعتي مرتين في مجال القصة القصيرة والافلام التوعوية - فزت بالمركز الثاني في مسار القصة القصيرة في مسابقة من وزارة الثقافة متمثلة في هيئة الادب والنشر والترجمة للابداع الادبي - وصلت للقائمة القصيرة في مسابقة تلك الكتب العالمية - اشتغلت بوظيفة ثابتة في وكالة دعاية واعلان وطلعت منها - الان اعمل بشكل حُر لشركة، ولمشاريع حرة اخرى اليوم وبعد ٣ سنين وكم شهر من شغلي في هذا المجال، صرت اقدر اكتب دليل كامل يساعدك لو ودك تحذو نفس الحذو سويت لكم ملف يشمل مواضيع تدعم الجانب النفسي والعملي التجريبي في هذا المجال، كيف تعرض اعمالك وايش المواقع اللي تساعدك وايش هي المجالات المفتوحة لك. حاولت قدر الامكان أختصر عشان الملل لا يدخل، واكتفيت ب٥٢ صفحة ممكن تكون أهم ٥٢ صفحة تقراها في شبابك.