عبدالله الجعيثن

بحرّ لك النور .. صح النوم يا غافي طوّحني الصبح يمّك .. والندى .. خلسه البارحة .. عن شليل الليل .. ولحافي منّيت بك .. والمشاعر منك .. منعمسه تجف الاقلام .. لكن .. تذرف اطرافي حبر المعاليق .. يلقى .. للورق ونسه عنّت لك .. البارحة .. والشوق .. متعافي في حفنةٍ .. من لهيب الوجد .. منحمسه بهّرت دلة غرامك .. والهوى .. صافي والنار نفسه .. وصدري والغضى .. نفسه والنّور يسري .. على العتمة .. وهو حافي والشمس .. تشره على الظلمى .. وهي حبسه فتلت .. حبل الوتين .. بكاسر اكتافي لو قالوا الخلق .. مبطي .. ما سمع حسّه ميعادك الديم .. عقب الريح .. والسافي ياللي .. تلمّست .. جرحٍ .. ماحدٍ .. عسّه في وجهك الطلق .. ظلّي .. رمشك الضافي ولّا .. حياةٍ .. تسوق العمر .. ما احسّه عذال الاحباب .. دونك .. شمعهم طافي لا عدّوا .. الهجر رفعه .. عدّها .. خسّه