صباح الخير اما بعد :
البل عظام المال والرزق الحلال
وعن قدرها ينبيك تاريخ البدو
البل تعز الرجل في عيون الرجال
عزالله ان اللي قنووها ما غدو
اليا اعتزوا بالبل مداغيش العيال
ماعاد فيها .. لاركوود ولا هدو
اما انفرك من دونها خشم الريال
ولا انفرك من دونها خشم العدو
1
29
657
ما صد عنها طاعة الدين
العمر روح وش بقالي
واللي نشدني رايح وين
ينشد عن واضاعي وحالي
من عند ظلم وفارق يمين
والخط يا دوب استوالي
🎼🎼🎼
مايخدش السمعه ولا يعيب الانسان
الا الدروب اللي ماهي مستقيمه
لا تستهين بسمعتك لين تنهانْ
وتصير لا معنى ولا منك قيمه
اطمر ليا شفت الردا طمرة حصان
واحفظ نقا وجهك وذب الخريمه
لاعاد احد يلحق زمانه مشاريه
بيح سدود الناس كثر التشكي
خل الحياه تسوي اللي تسويه
دامك على شداد الكرااامه متكي
من طاح من عينك لا تجلس تداريه
لو طاح منها اللي مطيحه يبكي
كم واحدٍ كناااا منول نزكيه
واليوم صرنا ندفعه ل المزكي …!
طول عنق ودق ردف وخصر نابي
غير روح مستحيل القا بدلها
ابتسم لي وأبتدت قصه عذابي
قال أحبك قلت انا أحبك دبلها
🎼🎼🎼🎼
جعل يفدا طلتك كل من يكون
و الوجيه الراضيه .. و الجافيه
وحيّ عينك .. يابعد كل العيون
والله إن شوفة عيونك عافيه..
ما غير أداريها مدارات الايتام
من حبها ولا مهي بيتيمه
لارضيتها كني محقق لي أحلام
ولا زعلتها كني مسوي جريمه.
محبة البل سابحه فالشراين
عشاقت ياحيها من عشاقه
ليا جيتها والخاطر معومس وشين
والهم في قلبي مضيق خناقه
قامت تلاقاني من يسار ويمين
كنها تقدم لي من الورد باقه
سهف البكار مقوسات العرانين
مرق الغوارب والرقاب الرقاقه
-عبدالعزيز الوذيناني
