د. سعود الصلاحي|Dr. Saud Alsalahi

تعرفون وش هي المنصة السعودية 🇸🇦 @cybersee_sa؟ طيب تعرفون أصلًا وش يعني Cyber Brand Protection؟ أو عشان ما يزعلون علينا حقين التعريب: حماية الهوية الرقمية للعلامات التجارية 😅 وهي من الضوابط اللي تُلزم فيها الهيئة الوطنية للأمن السيبراني شركات القطاع الخاص اللي يزيد عدد موظفيها عن 250 موظف، وتوصي فيها للشركات الأصغر. خلني أشرحها بمثال.. تخيّل إنك عميل بنك.. تبحث في قوقل عن بنكك، تدخل أول رابط، تسجل دخولك.. وبعد دقايق فلوسك تروح 😳 والبنك؟ أنظمته سليمة 100%، ما تعرض لاختراق أصلًا. اللي صار إن أحد سوّى نسخة طبق الأصل من موقع البنك.. وأنت دخلتها. وهذا يصير كل يوم: حساب في X باسم "خدمة العملاء" يرد على الناس ويطلب بياناتهم، تطبيق مزيف باسم البنك في المتجر، بيانات عملاء تنعرض للبيع في منتديات التسريب.. والمشكلة إن البنك ما يشوف شي من هذا، لأنه كله يصير برّا أنظمته. هنا يجي دور الـBrand Protection فريق يراقب الإنترنت من برّا: أول ما ينسجل موقع شبيه يرصده، ويلقط الحسابات المنتحلة والتطبيقات المزيفة، ويشيلها قبل ما توصل للناس. وهذا بالضبط اللي تسويه Cybersee 🇸🇦 بأيدي سعودية، في مجال أغلبه شركات أجنبية، وعلى فكرة هي أصلًا من مخرجات برامج ومسرعات الهيئة الوطنية للأمن السيبراني cybersee.sa