statiaith

ALT Mae'r siart linell hon yn dangos, yn dilyn gostyngiad rhwng 2001 a 2007, y bu cynnydd cyffredinol ers hynny yn nifer y siaradwyr Cymraeg a amcangyfrifwyd ac a gofnodwyd gan yr Arolwg Blynyddol o'r Boblogaeth. Mae’r niferoedd wedi gostwng dros y flwyddyn ddiweddaraf. Amcangyfrifwyd gan Arolwg Blynyddol o'r Boblogaeth bod 862,700 o siaradwyr Cymraeg yn byw yng Nghymru yn y flwyddyn a ddaeth i ben ar 31 Mawrth 2024. Mae nifer y siaradwyr Cymraeg a gofnodwyd yng Nghyfrifiad 2001, 2011 a 2021 wedi'u cynnwys ar yr un siart, ac wedi'u labelu, sef 582,400, 562,000 a 538,300 yn y drefn honno.

ALT Mae'r siart gylch yn dangos bod 48% o siaradwyr Cymraeg tair oed neu hŷn yn gallu siarad Cymraeg yn rhugl, 20% yn gallu siarad cryn dipyn o Gymraeg, 24% yn gallu siarad ychydig o Gymraeg a 8% yn gallu dweud ychydig o eiriau yn unig, yn ôl Arolwg Defnydd Iaith 2019-20.

ALT Mae'r siart gylch hon yn dangos bod 56% o siaradwyr Cymraeg tair oed neu hŷn yn siarad yr iaith bob dydd, 19% yn siarad Cymraeg bob wythnos, 19% yn llai aml a 6% byth yn siarad Cymraeg, er eu bod yn gallu, yn ôl Arolwg Defnydd Iaith 2019-20.