إثراء

سؤال للنقاش 👍

الحياة تدور، واللي تشوفة اليوم مايقدم ولا يأخر، ممكن يكون بكرة هو اللي يوقف معك.. لان المعروف مايضيع، يرجع لك بيوم من الأيام. كان في اسد نايم ويمشي فار من جمنبه بدون ما ينتبه والاسد يمسكة وفتح فمه بياكلة قال الفار وهو خايف ويرجف: ارجوك ياملك الغابة اتركني يمكن بيجي يوم وارد لك الجميل.. شاف الاسد للفار بنص عين ويقول له: أنت؟؟ يافار بحجمك هذا راح تساعدني انا ؟ الاسد كان شبعان فتركة وقال له يلا روح لك. ومرت الايام، وفي يوم الاسد يمشي بالغابة وفجأة. يوقع بفخ بالغابة وينمسك فحاول بكل قوتة يقطع الشبك بس الشبكة كل ما يحاول تشتد عليه اكثير.. سمع الفار الزئير وركض بسرعة وبأسنانة الصغيرة قعد يقرض الحبل، حبل ورا حبل لين انقطعت الشبكة، وطلع الاسد ناظر الاسد بالفار الصغير وعرف ان مافيه احد صغير على المعروف. المهم خذ مني: لا تصتصغر وتحتقر احد فيمكن الخير او المعروف اللي تستهين فيه هو اللي بينقذك بيوم من الايام..

السلحفاة ما طاحت لانها ضعيفة..طاحت لانها ماتحملت النقص ماقدرت تمسك لسانها لحظة وحدة..🐢 كان في سلحفاة عصبية، كانت عايشة في بحيرة مع بطتين. وفي يوم من الايام جفت البحيرة، وقررو البطتين يطيرون لبحيرة ثانية. فقالت السلحفاة: خذوني معاكم. قالوا: طيب بس الموضوع يعتمد عليك فجابوا عود خشب وعضت عليه السلحفاة، وكل بطة مسكت طرف. وقالوا لها: انتبهي لا تتكلمين أبدا. وطاروا فيها وفي نص الطريق شافهم عصفور واستغرب وقال: ايش هذا سلحفاة تطير؟! ايش الهبل ذا!! عصبت السلحفاة، وفتحت فمها تبي تقول له: كل تبن وخلك في نفسك.. ولما فتحت فمها طاحت وتعروف وش صار لها.. الحكمة: حاول ماتكون سريع الغضب مثل السلحفاة لان ممكن كلمة بس بوقت عصبية تخليك تخسر ناس واشياء كثيرة ممكن تندم عليها.. قول لنا وش اكثر شي يستفزك اللي ينتقص منك او اللي يغلط عليك؟؟