أم بيلو

دوامي القديم كلهم سعودين وسعوديات ومتوسط الاعمار ما بين ٢٦-٣٥ و الصبح ما أشم الا ريحة عود وقهوة سعودية دوامي الحالي مافيه الا انا سعودية الباقي اجانب وكلهم شيبان وبالقسم مافيه الا انا ووحدة تونسية بنات فقط الدوام القديم طفشانة الدوام الجديد طفشانة متى بفهم ان الشغل مو وناسة

الصباح اعطوني ملف اكسل اشتغل عليه وخلصته قبل البريك وارسلته وطلعت بريكي يوم رجعت قالي مس هايل؟ قلت وااات قال مس هايل قلت ويير؟ وجيت بفتح الملف لان (مس هايل) مامرت علي لا بالملف ولا بمصطلحات الاكاونتق والفايننس كلها قال يو فورم هايل قلت حاايل ايه قال ناو يو مس هايل الشمري ههههه

موقف مؤثر طلعت انا والوالد وعلى اساس اقهويه استدرجني قال وش احلى مكان تحبين ماتشته؟ قلت ايوتا قال نروح نتقهوى فيه؟ قلت يلا رحنا ايوتا وطلبنا ماتشا مع حلا إلا بابا قال فيه بودرة ماتشا؟ قال الكاشير ايه قال عطني 5 مع الشيكر وحاسب بسرعة وانا وجهي كذا 😨😨 بكيت إلا شوي

كل سوالفي هنا دوام كل ستريكاتي دوام شلون يعني ؟؟؟؟؟؟؟؟؟؟؟؟؟؟؟؟

شركتي الجديدة ودي اجيب لهم معي ذبيحة بكرا حاجزين لي انا وبابا بفندق الى ما ألقى لي سكن والين قبل شوي وهم يتواصلون معي ويتطمنون وصلت بالسلامة ولا لا ☹️ اف ليه تخلونا نبدا علاقة حب ومواجيب وحنا مانعرف بعض كويس

مساؤوو بكرا بحفظ الله ورعايته ولطفه ماسكه خط للرياض عشان أبدأ وظيفتي الجديدة اللي محد وده فيها من أهلي بس ياعمري يجاملوني ويحاولون يكونون داعمين عشاني وعشان أكون صادقة كانت عندي مخاوف وتساؤلات كثيرة حتى أوكلت أمري لله كلّه و ثبّت سؤال واحد بعقلي ألا وهو : "وش اقصى شيء بيصير ؟"