راكان بن سفر

قصيدة المشاركة في مسابقة مثايل (التخطيط) إن ركبت الفكره عـلـى النيشان حـثـيـت الركاب وإن مـالـت الفكره عـن النيشان عـقـلـت جملي

قرانيس القصيد الـمـسـتـعـده يا نديم الـودّ طـلـع قـدرك على قمة فوادي قـبـل مطلعها تـصـد الاذن مـن دافـع مـوده والعيون تصدّ لـو انـي كـاشـف الغلطه وشـايفها وسـامعها مـا دام انك بـدعـت اللي تصدر من ورد للعدّ تـحـمّـل ردهـا الـحـامـي يا بـادعها ومبدعها عطيتك مـا يشد حـبـال وصلك يا نديمي شدّ مع انـك جـيت باللي كان يحلم كيف يقطعها كـلامـك يجعل الخيّب لـمـقـدام الـسـرايا ندّ تراجع عن كلامك واقفل الـمـوضـوع وارفعها اعـدك راس مـال وفـايـده تـنـعـدّ وانـت تعدّ حجم زلاتي اللـي فـكـرك الـمـوهـوم صانعها تـشـوف انـي لتحرير الثمينه لا تـعـزوت ضـدّ وانا اللـي يـوم ردت لـه عـزاويـهـا وقف معها لا وريتك نـجـوم الـعـز بـعـيـون الـمـعـزه لدّ لـجـل ماعـاد تـنـشـدني بعدها ويـن موقعها نسيت الــذكــريـات اللـي تحدّ الهم يمي حدّ سـبـايب مـن يـعـن الروح ويـقـلّـب مواجعها لا تحقر عزمي ان كبرت وانا عزمي معرب جدّ يسنّع خـاطـرك لا ضــاق وان كـبـرت يسنّعها

ابشربنا ياسيدي في حرب ولا في سلام في حرب ولا في سلام ابشربنا ياسيدي نـهـدّ عزم المعتدي بالفعل ولا بالكلام بالفعل ولا بالكلام نـهـدّ عزم المعتدي

يـارفـيـقـي والـضـروف تـمـر كــل مـعـرب مـيـر حـنـا مـا اختلف رغــم الـعـنـا مبدانا لــو نـســانـا اللي لاجـا وقـت الوفا يتهرب مـن ومـرنـا نـبـذل الـمعروف ما يـنـسـانـا ما ضحكت وخاطري من كل صوب مخرب غــيــر مــن بـعــض الامــور الله لايـبـلانـا يـتـقـدم بـالـنـصـيـحـه واحــدٍ ما جــرب ويتـفـلـسـف فالمشاعـر واحــدٍ مـا عـانـا اغـلـب اللي يـنـصـحـون ويفتلون الشرب ينصحون مـن الـرخـا ما جـاهـم اللي جانا

مـن عتاب اوراق ذكرى الفقد يوم الليل عاتي سالت دموع الـقلم لـيـن الورق حن وحظنها ابـتـدت قـصـة قصيدة قـبـل نور الصبح ياتي قافـيـتـهـا ذكـريـات الـفـقـد والـفـرقا لحنها والـقـصـيـدة ما تمثنى الكسر فـيـهـا يا غناتي رغم كسرة قلبي اللي صادق احـسـاسـه وزنها انـشـر بيوت القصيدة لا اوجع الساحه سكاتي بس والله ماحدٍ غيرك على الساحه سـكـنـهـا لا سـريـت اجمّع افـكـاري والملم من شتاتي شـتـتـني ذكـريـاتٍ حزن هـجـرانــك زبـنـهـا يسقي الله يوم سِعد الوصل موطن ذكـريـاتي قبل لا يـجعـل غـيـابـك ضيـقـة الفرقا وطنها الـسـعـاده في وجـودك ما تضيق ومـا تحاتي لكن غيابك في سجن الضيق بـالقوة سجـنها غيبتك سِبّة هواجيسي وسهوي فـي صــلاتـي خاف ربك غيبتك ما جاني الا الـذّنْـب مـنـهـا لا طرا طاري ثبات طويق يـطـريـلـي ثـبـاتـي قبل لا اهتز من غيابٍ بالـحزن يـامـر و ينهى اخـتـفـت شـلـفا ذياب وراحت برمح الزناتي يوم سـيـف غيابك المسلول لحّقها زمــنــها كل يوم اقول بسلى عنك و افــكــر فـي ذاتـي بس كيف اسلى وعين الشوق طيفك يمتحنها التسامـح والـمـواصـل والبشاشه في صفاتي انــت مـن حطيتها بـيـديـنـك و قفيت عنـها حبك اللـي شجّع عزومي لتحقيق امــنـيـاتـي هو نـفـسـه مـن قـتـلـهـا ظـلـم وبيدّه دفنها اشهد ان الحب غلطه كانـت بـتـنـهـي حياتي غلـطـةٍ للحين قـلـبـي جـالـسٍ يـدفـع ثمنها من يبي يسلك طريق الحب ويـسـوي سواتي السعادة يحفر الْها قــبــر ويـجـهـز كـفـنـها

ابـتـهــج يـا خـلـيـلـي لا سـريت اللـيـالـي حتى لو طــوّل الـمـسـرا عسى الأمـر خيره صاحب الليل لـو مـاهـوب صاحب معالي غـايـتـه للـمـعـالـي بـالـعـيـون السـهـيره يا خــلـيـلـي لـو تشوف الخلل مـن خلالي لا تـزهـب ســلاح الـكـبـريـاء بـالـذخـيـره حـاول انـك تـهـدي خـاطـرك الانـفـعـالي قـبـل لا عـيـنـك تـشـوف الصـغـيره كبيره من تـغـاضى يـشـوف المر في شكل حالي لجل مـا يـجـعـل عــنـاده يـعـرقل مسيره عان ساسي جـنـوبـي مـيـر صدري شمالي ماجعلت الغضب يسلب من الصدر خيره كـل مـا شـفـت لــي زلــة رفـيـقٍ مـوالـي قــلـت يالله عـســاهـا الاولـه والاخــيــره لـجل اثـبّـت غـلا الـغـالـيـن واعيش غالي جـاعلً عـيـنـي لـبـحـث الخوافي ضـريـره عن ضـمـيـري مـا خـلّيت السماح انعزالي لو تـفـتـش ضـمـيـري زيـن ما شفت غيره الادمـي عـن سـمـاحـه لـو خـدعه التعالي (مـن عفا وأصلح ) تصحي سماحة ضميره دام مـاحـدٍ على الـدنـيـا مـن الذنب خالي وش يـفـيـد الـتـعـنـت والـخـطـايـا كثيره لـيـه مـا اعـفـي لوجه الله لـو اخسر حلالي واكسب الـعـفـو يوم الـكـون يلقى مصيره

مسيري على الارض الـفـسـيحه بـدون قيود مــا شــرقـت عـن داري وانـا هـايـم إلا لـه تهب الهبوب من الـجـنـوب ويـمـيـل العود والايــام مـثــل الـعـود خـضـراء ومـيــالـه من الضيق صرت احس نسمة هبوب النود مثل طـلـقـةٍ ما تـخـطـي مـن ابـو مـحـاله اشـيـل الـحـمـول الكايـده و ابلغ المقصود و انـا حـلـم عـمـري شـايـلـه فـوق نـقـالـه شـعـوري يـعـرفـه مـن سـرا والـعـباد رقود بـعـد ما اقـتـرب مـن حـلـم عمره ولا نـاله اجامـل ولا ابـيـن وانـا خـاطـري مـضـهـود و اواسـي من يفـضـفـض وهـو خاطره داله سـمـعـت الـكـلام اللي مـثـل شعلة البارود ولا شـفـت مـن يـفـعـل على كـثـر من قاله لو ان اللـيـال الـسـود مثل العيون الـسـود مـا عـيـنـت ســراي الـخـلا حـالـتـه حـالـه

العام شعلة حرايبكم عـلـى اللي يجيه واليـوم تعطون شاعركم لجل يمدحه يالعنبو ذا الـطـبـوع ولعنبو ذا الوجيه اللي تـبـيـع الكرامه حشمة المصلحه

إن تكلمنا… فحديثنا موقف لا مجاملة من دافع الـحـق لو انه ما يـلـقـى قـبـول في صـدر مـن يـحـسـب انـه هم تفكيرنا نعيش تطـبيق قــول الله وقــول الرسول ونـمـوت ما يـفـرح الـهـافـي بتـقصـيرنا دون المواجيب والعادات و اسم الحلول نــواجــه بــشــرّنــا ونــبــادر بــخـيرنـا يوم التقى الجمع والصايح يصول ويجول سـقـنـا الـمـعـاديـن مـا سـقـنا معاذيرنا ما نلتفت للخطايـا مـن ضـعـاف العقول الله يــهـــون بــلاهــم والله يــجــيــرنـا نـصـد ونـشـوم وان كـبرت نقول ونطول ولو قــلّـت امــوالــنـا ما قـل تـقـديـرنـا حتى كـبـار الـجـمال اللي تشيـل الحمول تـبـرك عـلـى زورهـا لا شـافـت بـعـيـرنـا مـن حـاول بحـيـلته نضحك عليه ونقول هـاذي الـحـركــات تـلــعــبها على غيرنا