ريناد

أكتوبر ❤️

والله انك كفو ومن حموله مليار ونعم أخذت المجد كله سعودي ومطيري وخوالك العتبان إهداء

يارب هبني من لدنك أعلى درجات اليقين لا تحرم مْن الاجر نفسٍ بـ الصبر متحلّية أطلبك لا تجعلني من الشامتين المبتلين ولا تعرّضني « طريق » العالم المتبلية الذكريات اللي .. يلاعبني هواها كل حين على مرارة قسوة الدنيا ماهيب محلّية أحس باحساس متقلّب لاسعيد ولاحزين وآعيش وظروف الحياة معلّية ومدلّية تمرني لحظات آردد « تالي الدنيا تزين » وتمرّني لحظات اقول ان الامور مولّية وين الامان اللي تلاشى سبة الجرح الدفين وين الغلا اللي كنت آماري فيه يا متغلّيه تعالي الله لا يبيّض وجه دورات السنين مسلّيات البال من بعدك ماهيب مسلية ماهمني كثرة تراحيب اللسان ولا اليدين أهم شي إن " العيون " مرحّبة ومهلّية عن ابتسامة وجهك الملهم ونار الجمرتين مانيب متخلي .. ولا قصايدي متخلية وإن قلتي أستاهل شعر ماقلت لك تستاهلين قلت بـ علو إحساس روح الشاعر المتعلية تستاهلين اللي عليها طول يدها مرتين أنا آتجلّى .. في حضور الطلة المتجلّية ماعندي الا شعرٍ آذهل به عقول السامعين شرايدٍ في كل ( روض ) .. مربعة ومفلية ماآراجع ذنوبي وآحس إني على تقوى ودين الا لاشفت الخصر صايم والرموش مصلية من كل ظبيٍ شارد آخذتي قوام و وسع عين ومن الشجر بارد ظلال أغصانه المتدلية يا ماخذه قلب وعقل ومخليه شوق وحنين غيرك ما خلّى شي وأنتي ماخذه ومخليه عبدالله السراهيد