وسام الشمري

المرأة التي أنا عليها اليوم أحبُها جدًا، وأفخر بها أكثر من أي وقتٍ مضى.

بدأت تدير حسابات؟ عندي لك نصيحة 🩵 بالبداية بتنبسط من كثرة الحوالات اللي توصلك، وبتتحمس تزيد عدد عملائك بس انتبه لا تضيع نفسك وسط الشغل، وخل لكل شيء وقته عشان تقدر تركز على كل عميل أنا مريت بفترة لهيت فيها بالشغل بشكل كبيييير، ومع الوقت صرت أختار عملائي بعناية وما أستلم فوق طاقتي، وفرق معي التنظيم جدددًا 🙏🏼 #مرجع_وسام_لإدارة_الحسابات

ممنونة على هالثقة 😢❤️

بناتنا مبدعاااات والله انبسطت ع الفيديو بشكل صار ودي اشوف فيلم كاامل بالدبلجة السعودية بيطلع ممتتتع ومختلف عن المعتاد 🩵🩵🩵

والله جت بوقتها موقعي جاهز والدورات جاهزة، بس كل مرة أفكر انشرها أقول خلني أطورها أكثر شوي أبي أي شخص يقتني أي منتج يطلع مني يستفيد منه، وحاسه بمسؤولية كبيرة تجاه هالشي وهذا اللي مأخرني

وصلني سؤال: وش يعني إدارة حسابات؟ قبل كل شيء، هو عمل مرن تقدر تشتغله في أي مكان بالعااااالم .. باختصار 👇🏼 يعني تتولى إدارة حسابات مشروع أو متجر على منصات مثل إنستقرام وتيك توك وسناب. وتجهز خطة محتوى شهرية تشمل الصور والفيديوهات والتصاميم، وتنسق مع فريقك لتنفيذها. بعدها تتابع النشر والتفاعل وتحلل النتائج عشان تعرف وش نجح ووش يحتاج تطوير. ومو لازم تسوي كل شيء بنفسك، تقدر تكوّن فريق ينفذ المهام، ويكون دورك إدارة الشغل ومتابعة جودته فقط مين هم عملائك؟ المتاجر، الكافيهات، المطاعم، الشركات، والمكاتب العقارية وغيرها كثيييييير #مرجع_وسام_لإدارة_الحسابات

يالله حي الشتاااء ☃️🩵🩵🩵 اليوم صب الشعيب عندنا، يعني دخل الشتاء رسميًا

بعد صلاة الجمعة عندنا جلسة تصوير بملعب، براند منتجات رياضية لأحد عملائي 🩵 وش سويت أنا كمديرة حسابات عشان أجهز التصوير للفريق؟ • جهزت أفكار التصوير وخطة المحتوى • تواصلت مع مودل متحدث رياضي • أكدت الموعد مع المصور • حجزت الملعب ساعتين • ارسلت المنتجات مع مندوب للملعب وبالتوفييييق لفريقي ✨ #مرجع_وسام_لإدارة_الحسابات

الأمان الوظيفي الحقيقي هو أن تكون لديك مهارة تتيح لك العمل في أي مكان ✨

هدية أمي لي 😔❤️ تقول اقرئيه كل يوم قبل تبدين شغلك

تم، الدورة بتكون مُسجلة 🩵 وبضيف مسارين بالدورة، للي عنده خبرة وبرضو للي راح يبدأ من الصفر، وكل مسار بوضح فيه وش بتكون خطوتك الجاية. لذلك باذن الله بتكون مُفيدة جددددا للي حاب يدخل مجال ادارة الحسابات ✨

بعض من كواليس شغلي انزله تيك توك تابعوني لو حابين ☺️🩵 tiktok.com/@somee100k?_r=1&_…

جزء كبيييير من استمرار عملائك معك، غير جودة شغلك، هو طريقتك في التعامل معهم! والحمد لله، بعض العملاء مستمرين معنا من 2023 إلى اليوم، بسبب طريقة أحرص إن كل فريقي يتبعها ✨ كل التفاصيل اللي ساعدتني أكسب ثقتهم وأحافظ عليهم جمعتها لكم في كتاب رقمي. قريببب بنزله في موقعي 🩵🩵🩵

ملامح موقعي بدأت تبااان 🩵 بس محتارة وباخذ رأيكم! راح يكون فيه دورة عن كيف تبدأ في إدارة حسابات التواصل الاجتماعي، وتبني فريقك، وتسعر خدماتك، وتكسب أول عميل لك. وش تفضلون، تكون ورشة لايف أو مسجلة؟

سلسلة جديدة 🧚🏻‍♂️✨ لو كنت اشتغل في التسويق لأحد الجهات وش ممكن أقدم؟ كل مرة بختار براند مختلف، وأتخيل نفسي جزء من فريقه التسويقي، وأشارككم التوجهات اللي ممكن أشتغل عليها والأفكار اللي ممكن أطرحها، من واقع خبرتي وتجربتي في المجال 🩵