#الشاعرة_شموخ

أعاين عالصبر وألگاه مكسور وجرح الفُرگة ماله حْدود أو حيف أروح لـ وين والخطوات عثرة وكل سچة بمشيها تذكرني بيهم ألوج من الوجع والليل طوّل يجيسني البرد وأبجي لغلاهُم أصبر الروح بدموع المراسيل وأدعي ربي بالجنة لِقاهُم

مشوا عن دنيتي وما وادعوني تركوا بالگلب جمرة نارهُم عميت من البچي وأنطر أثرهُم أحن لـ ضحكةٍ چانت تِرد الروح يا جمرة بالصدر ما ترضى تنطفى تزيد بنارها كل ما يمر طيف خذوا روحي وضحكتي وكل الأيام وخلوني بوجه هذا الشتا ضيف أصيح بعالي صمتي وين صرتوا يموت الصدى وما يرجع نداهُم