خالد بن كريفيس retweeted
على معركة حبّك ظهر ب ان معك احلاف
مفاتنك جيشٍ تورد العاشق حتوفه
انا كيف بسلم و المواجه بدون انصاف
"عيونك رماح الحرب و رموشك سيوفه"
اجيك بكلام محضّره لك وراه اهداف
واروح و كلامي فالصدر ساجن حروفه
تعاليت من كبر و تركت الهوى نكّاف
ضربت الهوى والوصل في عارض الطوفه
@77_3k
خالد بن كريفيس retweeted
عليك ازكى سلامي ياطيَب من المسك والكافور
مرابيعك حشاي و سجّتك في داخل احداقي ❣️
- خالد بن كريفيس -
خالد بن كريفيس retweeted
أنا كيف بـ أسلم و المواجه بدون إنصاف ؟
عيونك رماح الحرب ، و رموشك سيوفه ♡
— خالد بن كريفيس
مفردة الليلة《 عين 》شاركوا ذائقتكم :
اقبلي وامحي وجوده في صدى انباكي
بدّلي جرعة سمومه جرعة الحنيّه
دمتي بقلبي ملاك و راس مال املاكي
لو تزيدين بغيابك هالمشاعر حيه
ما تخطيّت الدروب و لا وطيت اشواكي
بالغرام الّا معاك و لا طرت لي نيّه
بالهوى يا الفارقه محدٍ يجيب ارباكي
غيرك ولا يوصلك بالمترفات بنيّه
- خالد بن كريفيس
ما يزوّد بهجتي و لا يثير احراكي
غير طلتك بدجى يا طلّة الحوريه
اقبلي ي ام الوصوف اللي تفوق ادراكي
صوّرك ربي تعالى ،، ( آيةٍ كونيّه )
فالجديل اللي فتّني و القوام الحاكي
ماوفت وصفك حروف بحوري الشعريه
كل ما غبتي يزيد مع الليال اعراكي
م اعترف في غيبتك بالراحه النفسيه
كن غربال الهوى وسط الصدر متراكي
ساد خفّاقي من شبوره ليا مليّه
ما معه نزْرة شعور و لا يعبّر باكي
معجمه ما فيه ثمّت حاله انسانيه
اقبلي وامحي وجوده في صدى انباكي
بدّلي جرعة سمومه جرعة الحنيّه
دمتي بقلبي ملاك و راس مال املاكي
لو تزيدين بغيابك هالمشاعر حيه
ما تخطيّت الدروب و لا وطيت اشواكي
بالغرام الّا معاك و لا طرت لي نيّه
بالهوى يا الفارقه محدٍ يجيب ارباكي
غيرك ولا يوصلك بالمترفات بنيّه
خالد بن كريفيس
يا ليل الشقى حاول ترفّق قدر الامكان
ما عاد يتحمل قلبي اطلبك ترفق به
انا من ورى صدري مثل فوهة بركان
وبواخر غرابيلي على القلب رسّت به
تدور الليالي و العنى ثابت الاركان
على من سلك درب المحبين يثبت به
يقولون فـ اول دربه اللول و المرجان
عصافيره من الصبح لـ الليل غنّت به
واقول الصحيح ان الهواوي ترى ضميان
لو انه لقى له جم قرهود يشرب به
لو انك تغني ( سايق الخير ) يا طربان
مردك تجر من الصبا لين تكتب به
عليك الحشى ملتاع يالجادل الفتّان
طواريك تخطف بال عاشقك تفلم به
ترى طيفكم ما غادر لعالم النسيان
لو انك تغيب سنين فكري تحفظ به
و لو اني تعلمت الرسم من حبر فنان
و خذيت اتعلم لين رسمي تفنن به
من المستحيل ارسمك صوره ورق والوان
ما دام ان وصفك يعجز انسان يفكر به
انا كيف بنجى من هدف سهمك الرنان
اشوف انه اقسى سهم فالقلب ينشب به
تبتخر على كل الغنادير بـ إنس و جان
على زينك الطاغي يحق الك تغتر به
خالد بن كريفيس
هدوء المسا و الفكر هيّض لحون القاف
مزون القصيد العذب يمطر بي قنوفه
اسوق الخطاوي قاصدٍ ذروة المشراف
يسرّيني التفكير فالعشق و ظروفه
خذيت اتطلّع فالهوى من زمانٍ طاف
لقيت اوله نشوه و فآخرته حسوفه
و انا قلبي اللي هاب له فارعٍ ميلاف
لو انه يقابل جيش و يشتت وقوفه
حروب الهوى اقسى من مقابل جيوش آلاف
الا ليتها ب مقابل الجيش و صفوفه
يامالك حشاي و بهجتي بك بدون اسراف
هنا جرحي القتّال و عيونك تشوفه
على معركة حبّك ظهر ب ان معك احلاف
مفاتنك جيشٍ تورد العاشق حتوفه
انا كيف بسلم و المواجه بدون انصاف
"عيونك رماح الحرب و رموشك سيوفه"
اجيك بكلام محضّره لك وراه اهداف
واروح و كلامي فالصدر ساجن حروفه
تعاليت من كبر و تركت الهوى نكّاف
ضربت الهوى والوصل في عارض الطوفه
وش تفيدني كلمة عتب و الكلام الجاف
ضهر من ضميرك و الغلا تعلن نكوفه
قسيت فكلامك يالغضي من طغى واجحاف
مثل قسوة الحجّاج في خطبة الكوفه
خالد بن كريفيس



















