عن نشدة العالم توقّيت ،، واقول
لو باقي تحسّون ياناس ؟؟ حسّو
راسي صداعة ،، ( مايفكه بندول )
ودي اجرب فيه شوت اسبرسّو
ياسلام الله عليكك
هنا شاعرك موجود يالفارع الميلاف
على مشتهاك اهيم والماضي اهيمه
اشوف الهقاوي واقفه بين وزن وقاف
واخيل الشعور الي تزبر مقاديمه
يقولون نور الحق في حلة العراف
واقول الصحيح ان كل طقه بتعليمة
على كثر عثراتي قبل قمة المشراف
اثر كل عثره حطت لوقفتي قيمة
@7f1eo
فهد قليب الذيب retweeted
لاتستفز الصمت وتقول لي ليش ؟
السامح أبلغ من كلامه سكوته
مات الشعور اللي تمنيته يْعيش
وعاش الشعور اللي تمنيت موته
خلوني اضرب تهاتيه الخلا الخالي
واسج عن مطلع الشعّار والسّاحه
مالي ومال الزعل لاصار من غالي
والله والدرس نفسي منه مرتاحه
ليت الخبر عنه ،، دل الداله السالي
يحذف جوازً ،، (ولولا) عنه لمّاحه
بلاغتك واضحه فالمر والحالي
وبحور صرفك معي لاجيت شحًاحه
أستاذ ف املاء والتعبير طوالي
عندك قلم يكتب ولا فيه مسّاحه
طلاب واجد بدون ال (ال) من تالي
ف أعراب تُنكر، وعنه العُرب نزّاحه
مافيه داعي ارد الصوت والالي
لله درَي واعْرف النفس طمّاحه
خلوني ادله واعسّ المرتع لحالي
صمت المرابع وصوت الورق صدّاحه
في صحصحً مايدّله سايق الرالي
مايسهجه غير عودً همّل ارباحه
الله على مطمنه والصيهد العالي
والله على النفس لو ماهيب بوّاحه
وين انت يالي ليا من جيت في بالي
ايدين وصلي على لاماك شوّاحه
ليتك تحسّ وتقدر خاطر اْمالي
لو اكتم الشوق عين الشوق فضّاحه
لاتحسب اني كذا داله ولا اْبالي
عليك وجدي يشوف الوصل ذبّاحه
مدري اشوفك غلط ولا يورّالي
عاشقك حطيت قبره صالة افراحه
سلبت منْه الكرى والفكر من تالي
ماهو كذا تسلب من الزابن سلاحه
شاعرك عقب الولا ماعاد له والي
في غيبتك ماتحمل خيط مسباحه
فهد قليب الذيب
فهد قليب الذيب retweeted
ما يزوّد بهجتي و لا يثير احراكي
غير طلتك بدجى يا طلّة الحوريه
اقبلي ي ام الوصوف اللي تفوق ادراكي
صوّرك ربي تعالى ،، ( آيةٍ كونيّه )
فالجديل اللي فتّني و القوام الحاكي
ماوفت وصفك حروف بحوري الشعريه
كل ما غبتي يزيد مع الليال اعراكي
م اعترف في غيبتك بالراحه النفسيه
كن غربال الهوى وسط الصدر متراكي
ساد خفّاقي من شبوره ليا مليّه
ما معه نزْرة شعور و لا يعبّر باكي
معجمه ما فيه ثمّت حاله انسانيه
اقبلي وامحي وجوده في صدى انباكي
بدّلي جرعة سمومه جرعة الحنيّه
دمتي بقلبي ملاك و راس مال املاكي
لو تزيدين بغيابك هالمشاعر حيه
ما تخطيّت الدروب و لا وطيت اشواكي
بالغرام الّا معاك و لا طرت لي نيّه
بالهوى يا الفارقه محدٍ يجيب ارباكي
غيرك ولا يوصلك بالمترفات بنيّه
خالد بن كريفيس
فهد قليب الذيب retweeted
" صورتك جنب القمر نلعب بّها وين الفوارق
لين شفنا انّك تفوقه بالجمال و بالسكينه "
من ضيقة البارح عجزت اتصرّف
والخاطر الي عقبك الله وكيله
كنّه كتابً للنصارى محرّف
ماهوب يعرف ضايعه من دليله
الليل ماني صاحبه لين طرّف
والصبح جمره والتراب المليله
لو ماسهى قلبي ولا الشوق ذرّف
يمدي تشوف العين مثل المخيله
الواقع مقصر معي واتشرّف
ماقصر الا بالدروب الطويله
خليتلك باب المواصل مطرّف
لاتقطعين مواصلك ياجميله
علمني غيابك شعور التطرّف
لو اْن مالي بالجهاد وسبيله
ماهو محال اني بعْدك اتعرّف
انساك؟ هذي والله المستحيله
طيفك ليا مني تناسيت شرّف
الشوق يدفع والهبايب كفيله
مزاج غيرك لو غصونه تورّف
ماهو ب تسنيمً ولا سلسبيله
حطيت لك صورة وبرواز في رف
وان طاحت الدمعه بحقك قليله
فهد قليب الذيب















