دھرنے میں خطاب کے دوران امیر ضلع وسطی لاہور سید برہان الدین نے “ظلم پھر ظلم ہے بڑھتا ہے تو مِٹ جاتا ہے “سُنا کر مجھے تقریباً چار عشرے قبل کے دور میں لا چھوڑا۔ جب اسلامی جمعیت طلبہ کا سجیلا جوان نواز خان یہ نظم سُنا کر نوجوانوں کے خون گرمایا کرتا تھا۔ ظالمو تُم نے کس جوان کو لاشے کی صورت ہمارے حوالہ کیا تھا۔ اللہ تو نواز خان اور اس قبیل کے سب جوانوں کی شہادتیں قبول اور انھیں جنت الفردوس میں اعلیٰ مقام سے نوازنا۔ ظلم پھر ظلم ہے، بڑھتا ہے تو مٹ جاتا ہے خون پھر خون ہے، ٹپکے گا تو جم جائے گا خاک صحرا پہ جمے یا کف قاتل پہ جمے فرقِ انصاف پہ یا پائے سلاسل پہ جمے تیغ بیداد پہ، یا لاشۂ بسمل پہ جمے خون پھر خون ہے، ٹپکے گا تو جم جائے گا لاکھ بیٹھے کوئی چھپ چھپ کے کمیں گاہوں میں خون خود دیتا ہے جلادوں‌کے مسکن کا سراغ سازشیں لاکھ اوڑھاتی رہیں ظلمت کا نقاب لے کے ہر بوند نکلتی ہے ہتھیلی پہ چراغ ظلم کی قسمتِ ناکارہ و رسواسے کہو جبر کی حکمتِ پرکارکے ایماسے کہو محملِ مجلسِ اقوام کی لیلیٰ سے کہو خون دیوانہ ہے ‘ دامن پہ لپک سکتا ہے شعلہء تند ہے ‘خرمن پہ لپک سکتا ہے تم نے جس خون کو مقتل میں دبانا چاہا آج وہ کوچہ و بازار میں آنکلا ہے کہیں شعلہ، کہیں نعرہ، کہیں پتھر بن کر خون چلتا ہے تو رکتا نہیں سنگینوں‌سے سر اٹھاتا ہے تو دبتا نہیں آئینوں‌ سے ظلم کی بات ہی کیا، ظلم کی اوقات ہی کیا ظلم بس ظلم ہے آغاز سے انجام تلک خون پھر خون ہے، سو شکل بدل سکتا ہے ایسی شکلیں کہ مٹاؤ تو مٹائے نہ بنے ایسے شعلے کہ بجھاؤ تو بجھائے نہ بنے ایسے نعرے کہ دباؤ تو دبائے نہ بنے

آزاد کشمیر کی صورت حال پر جماعت اسلامی دونوں فریقوں کے بیچ کردار ادا کرسکتی ہے۔ حافظ نعیم الرحمن