Khadim Ali khan Yousaf zai

مجھے سمجھ نہیں آرہی کہ ایمل ولی کس قسم کی سیاست کررہے ہیں، آج ایک ملک دشمن رحمان بونیری کو انٹرویو میں کہتا ہے کہ پچھلے سال پاکستان ہندوستان کا جنگ مصنوعی جنگ تھا، میں اس جنگ کو جنگ نہیں کہتا کیونکہ ایران کی طرح تباہی نہیں ہوئی، کہتا ہے کہ چھ جہاز اڑ گئے، اور چھ بیٹھ گئے، یہ کونسی جنگ ہوئی، یہ تو ٹرمپ ہمارے فیلڈ مارشل پر مہربان ہے، وہ فیلڈ مارشل کی خاطر ہر دفعہ ایک جہاز کا اضافہ کرتا ہے تاکہ ہندوستان کو کمتر اور پاکستان کو برتر ثابت کیا جاسکے؟ یہ بین‌المرصوص سے قبل بھی کہتا تھا کہ اب پنجابی جنگ لڑیں، اب جب پوری دنیا معرکہ حق میں پاکستان کی تاریخی کامیابی کو مانتے ہیں یہ کہتا ہے یہ مصنوعی جنگ تھا، کیا ایمل ولی کی ذہنی حالت ٹھیک ہے؟ مجھے اس بات کی بھی سمجھ نہیں آ رہی کہ حضرت پیر بابا اور اخوند درویزہ کے ہزاروں نہیں، لاکھوں اور کروڑوں عقیدت مند پشاور ویلی میں موجود ہیں اور ANP کی سیاست اور ووٹ بینک کا محور بھی پشاور ویلی ہے۔ اس کے باوجود اتنے غیر ذمہ دار ہیں کہ جو شخص جالندھر میں پیدا ہوا، جو نسلاً پشتون بھی نہیں ہے، جس کا نہ کوئی مقبرہ ہے اور نہ ہی آگے نسل، اسے کہتے ہیں کہ وہ پشتونوں کا اصل رہنما تھا کیونکہ اس نے مغلوں کے خلاف لڑائی لڑی تھی! صرف اس بنیاد پر 500 سال پرانا ہیرو بن گیا، لیکن اس کی خاطر الزام کس پر لگا رہے ہیں؟ اخوند درویزہ اور حضرت پیر بابا پر کہ وہ مغلوں کے ایجنٹ تھےوصوف کبھی باچا خان مرکز میں ڈھول، رباب، موسیقی کے آلات، تربیت، رقص اور گانے شروع کرنا چاہتے ہیں۔ آپ خود پشاور ویلی سے تعلق رکھتے ہیں، لیکن آپ کو پشاور، مردان، چارسدہ، صوابی، ملاکنڈ، سوات، دیر، تورغر، باجوڑ، مہمند، خیبر، مانسہرہ، بٹگرام اور ہری پور کے معاشرتی رویوں کا ذرا بھی اندازہ نہیں۔ پشاور ویلی میں مردانہ وقار، غیرت، حیا اور لباس کا ایک مخصوص تصور ہے۔ ہمارے ہاں مردوں کا رقص کرنا یا چست و باریک لباس پہننا زنخا اور جنوٹے سمجھا جاتا ہے۔ رقص کا تصور تو خواجہ سراؤں یا عورتوں تک محدود رکھا جاتا ہے۔ میں نے عوامی نیشنل پارٹی کے ایسے بہت سے کارکنان دیکھے ہیں جن کے خاندان حضرت پیر بابا اور اخوند درویزہ کی اولاد یا ان کے عقیدت مند ہیں۔ اس کے باوجود آپ بغیر کسی تحقیق اور دلیل کے ان بزرگوں پر مغلوں کا ایجنٹ ہونے کا الزام لگا دیتے ہیں۔ یوسفزئیوں نے مغلوں کے خلاف جو تاریخی جنگ لڑی، جس میں بیربل مارا گیا اور ہزاروں مغل فوج ہلاک ہوئی، اس جنگ میں پیر بابا کی اولاد بھی شامل تھی ، بعد میں ان کے عقیدت مندوں نے سکھوں اور انگریزوں کے خلاف بھی بھرپور جنگ لڑی۔بایزید انصاری کی پشتو ادب کے لیے خدمات اپنی جگہ، انھوں نے خیرالبیان لکھی اور حروفِ تہجی دیے۔ لیکن کسی ادبی خدمت کی بنیاد پر ان کے تمام مذہبی، سیاسی اور تاریخی دعووں کو درست تسلیم نہیں کیا جا سکتا۔ ان کی شخصیت شدید متنازع رہی ہے۔ ان کے تصوف، عقائد اور روشنیہ سلسلے کا مطالعہ کیے بغیر ان کو پختون قوم پرستی کا عظیم رہنما اور مجاہد قرار دینا کس قسم کی تحقیق ہے؟ مجھے ڈاکٹر حنیف خلیل اور ڈاکٹر خادم حسین جیسے اہلِ علم پر حیرانگی ہے کہ انہوں نے ایک مذہبی تحریک کو قومی و سیاسی تحریک ثابت کرنے کے لیے تاریخی ماخذوں کا تقابلی جائزہ لیے بغیر اس کو اتنا بڑھا چڑھا کر پیش کیسے کر دیا؟ عبدالحئی حبیبی جیسے مؤرخین نے افغان قوم پرستوں کے کہنے پر جو متنازع اور فرضی کہانیاں (جیسے پٹہ خزانہ) تحریر کیں، ان پر انہوم نے بغیر تحقیق کے یقین کر لیا۔ پیر روشن کی تحریک کو قومی تحریک ثابت کرنے کے لیے محض ایک دلیل دی جاتی ہے کہ ان کی مغلوں سے جنگ ہوئی تھی۔ لیکن وہ جنگ اکبر کے خلاف نہیں بلکہ کابل کے حاکم مرزا حکیم کے ساتھ ہوئی تھی، جس کے آگرہ اور اکبر کے ساتھ خود شدید سیاسی اختلافات تھے۔ بعد میں جب اکبر نے راجہ مان سنگھ کے ذریعے فوجی کارروائی کی، اس وقت بایزید انصاری وفات پا چکے تھے۔ تو مرزا حکیم کی لڑائی کو مغل بادشاہ کے خلاف عظیم قومی جنگ بنانا محض تاریخ کو مسخ کرنا ہے۔ اخوند درویزہ کے حوالے سے یہ حقیقت بھی سامنے رکھنی چاہیے کہ انہوں نے اکبر کی گمراہ کن مذہبی پالیسیوں اور دینِ الٰہی کی شدید مخالفت کی۔ ان کی تحریروں اور اشعار میں بادشاہ کے غیر اسلامی رویوں پر کھل کر تنقید موجود ہے۔ جو شخص اکبر کے دین کے خلاف کھڑا تھا، اسے آپ مغلوں کا ایجنٹ کہہ رہے ہیں؟ یہ بات بھی ریکارڈ پر ہے کہ کتاب مسیلمہ کذاب سے دجالِ قادیان تک کے صفحہ 167 پر بایزید روشن جالندھری کا ذکر ان لوگوں میں شامل ہے جنہوں نے دعوائے نبوت کیا۔ آپ ان کی تحریروں اور تعلیمات کو چھپاتے ہیں اور اپنے سیاسی مقاصد کے لیے ساڑھے چار سو سال پرانے تنازعات کو ابھار کر پشتونوں میں نفرت پھیلاتے ہیں پشتون پہلے ہی سیاسی اور سماجی طور پر تقسیم ہیں۔ ان بیانات سے آپ ان کے جذبات کو مجروح کر رہے ہیں