Amp Innovators

தமிழ் இலக்கிய வரலாறு-பாவாணர் எழுதிய நூல், அதில், 'பெரியார் தன்மான இயக்கம்' என்று பாடல் ஒன்றை எழுதி யுள்ளார். தமிழன் விடுதலைத் தலைவர் மூவருள் அமரும் ஈகையர் அறநூல் வள்ளுவர் தமிழின் மொழியினர் தவநன் மறைமலை இமிழ்தன் மானியர் இராம சாமியார். - அரிய செயல்களை ஆற்று வார்தமைப் பெரியர் எனச்சொலும் பிறங்கு திருக்குறள் உரியர் இப்பெயர்க் கொருவர் தேரினே /இரியீ ரோடையர் இராம சாமியார். இல்லத் திருந்துநல் லின்ப வாழ்வுறும் செல்வச் சிறப்பினிற் சிறிதும் வேட்டிலர் வல்லைத் தமக்கென வாழ்வு நீக்கினார் ஒல்லும் வகையெலாம் உழைக்க இனவர்க்கே. மல்லைப் பதவிகொள் மாட்சி யிருப்பினும் அல்லிற் பகலினில் அடுத்த வழியெலாம் கல்லிற் சாணியிற் கடுத்த வசவுறுஞ் சொல்லிற் படும்பொறைச் சூர வாழ்க்கையர். `மலையெ னும்மறை மலையென் அடிகளும் தலையென் சோமசுந் தரபா ரதியும்பின் தொலையும் இந்தியைத் தொடர்ந்தெ திர்க்கினும் நிலைசி றந்ததி ராம சாமியால். குடிசெய் வார்க்கிலை கூறும் பருவமே மடிசெய் தேயவர் மானங் கொளக்கெடும் இடி செய் உடம்புபல் இடும்பைக் கலமெனத் துடிசெய் தேயவர் தொண்டு பூண்டுளார். தான மிட்டதன் தலைவன் நிலைகெட ஈனச் சூத்திரன் என்னுந் தீயனை வானங் காட்டென வணங்குந் தமிழன்தன் மானங் கெட்டுவாழ் வழமை கடிந்துளார். படிமை மேல்மிகு பாலை யூற்றலும் குடுமி மலையெரி கோநெய் கொட்டலும் கடவுள் தேரினைக் கடத்த லும்முனோர் கொடைம டம்பகுத் தறிவில்கோ ளென்றார். அடருந் தமிழரோ டணையுந் திராவிடர் மடமை தவிர்ந்துதன் மான வாழ்வுற இடர்கொள் ஆர்வலர் இராம சாமியார் கடவுள் இலையெனக் கழறும் எல்லையே. (தமிழ் இலக்கிய வரலாறு, பாவாணர் தமிழ்க்களஞ்சியம் 10, பக்கம் 27)

"திராவிட மொழி நூல் ஞாயிறு" என்று ஞா.தேவநேயப் பாவாணருக்கு பட்டம் கொடுத்தவர் தந்தை பெரியார். இன்று சிலர் அவர் மொழி ஞாயிறு என்று விளித்தாலும் பெரியார் கொடுத்த பட்டத்தாலேயே அரைகுறையாய் விளிக்கிறார்கள். இருக்கட்டும்!