m7md

صفقة أسلحة فاسدة !!!

هاني حتحوت عبر مودرن سبورتس 🎙️ • النهارده بيزيرا وصل الساعة 6 مساءً إلى القاهرة، منهيًا مسلسلًا امتد من نهاية الموسم، لما ساهم هو مع الفريق في تتويج الزمالك بالدوري المصري الممتاز والوصول لنهائي الكونفدرالية • اللاعب كان غاب، وبعدها طلع بيان، وبعدها قال: مش جاي • قالوا له: مش هنبيع إلا لما تيجي، نبدأ نشوف • فنفذ الشرط الأول، ووصل القاهرة، ربما بعد ما حصل على الوعود إنه لما تيجي هتمشي • الحقيقة إن أنا أقدر أقولك إن بيزيرا اتباع • اتباع خلاص. بيزيرا اتباع، والرقم بقى النهائي هيعلن • لكن الأكيد إنه بعد ما رفض، وبعد ما جاله عرض من شباب أهلي دبي، وبينتظر الموافقة على رغبته، حصل الزمالك على 3 ملايين دولار كاش. انتهت، اتفق عليها، خلصت • مع مليوني دولار على قسطين، مع مليون دولار مكافآت «بونص» في حالة التتويج بدوري أبطال آسيا للنخبة، أو بطولة الدوري، زائد 20% من نسبة إعادة البيع • كمان مش هتدفع للنادي الأوكراني قصة فلوسه القديمة المتبقية، حق الرعاية بتاعه • بالتالي كله على بعضه 7 ملايين دولار، فالزمالك خلاص يعتبر بيخلص، وإنت بتحسبها فنيًا، والزمالك بيحسبها طبعًا فنيًا وماديًا • لعيب إنت جايبه بـ2 مليون دولار تقريبًا، مع مرتبه اللي خده كاملًا على أكمل وجه لغاية ما مشي • في ظرف موسم واحد حصلت بيه على الدوري، وفي الموسم اللي بعده بتبيعه بـ7 ملايين • بصراحة مربوحة، كما يقول جمهور الكرة • آه، إنت كزمالك مش نادي استثماري، فتجيب لعيب تلمعه وتبيعه، لكنك نادي بطولات مزنوق في فلوس • وعشان يكسب بطولة السنة اللي فاتت، باع لعيبة، وعشان باع لعيبة عرف يكسب بطولة، لأنه عرف يدي الفلوس للاعيبة اللي موجودة • فالزمالك هيعمل كده السنة دي، بس مش بمليون دولار، مش بـ2 مليون دولار زي السنة اللي فاتت، بـ7 ملايين دولار هتدي بنزين إضافي للفريق

هو جمهور الاهلي بعدماعرف قيمه عقد تريزيجيه لسه مصدق ان امام جدد عقده ب ٣٥ مليون ج وان عقد زيزو اقل من ٥٠ مليون ج اللي مصدق بلاش تتناقشوا معاه علشان دماغه مهويه واللي مش مصدق بس بيكذب ويكابر برضه بلاش تتناقشوا معاه علشان الضلال في دمه نصيحه كبر عقلك واوعي تجادلكم واشتري نفسك

شوبير: أيمن الرمادي فاجأني شخصيًا بـ 3 تغييرات أغرب من بعض، لما خرج رشاد المتولي أحسن لاعب في وسط الملعب، وطلع مصطفى شلبي ومحمد رضا، وتغيير رابع غريب جدًا بخروج أحمد ياسر ريان، كلهم بيصنعوا وبيهددوا المرمى، فشتان الفارق بين تغييرات وتغييرات، تغييرات صنعت الفارق للفوز وتغييرات صنعت الفارق للهزيمة!. الحقيقة تابعت تصريحات أيمن الرمادي بعد المباراة، وأتكلم عن اللاعبين وإنه لازم يكون في وقفة مع النفس، طيب ما أنت كمان يا كابتن تعيد حساباتك، ومتفق معاك أن اللاعيبة اتدلعوا وضيعوا فرص كتير، ولكن اللاعيبة بس اللي تعيد حساباتها؟ أنت كمان محتاج تعيد حساباتك معاهم، كابتن معتمد جمال بأقل حالة بدنية للزمالك بيكسبك 3، وبعدين بلغة كرة القدم أنت كنت راكب المباراة في الشوط الأول، كيفية بقى تستغل ده في الشوط الثاني ده شغل مدرب، يعمل تكتيك كويس، يقدر يشتغل من الأطراف أو القلب كويس وهكذا. أنا بصراحة ساعات بحس أنه كابتن أيمن الرمادي حاسس أن مستوى الدوري المصري أقل من مستواه، لأ هو أعلى من مستوى الدوري، في حاجة مش طبيعية يعني، وقصة فلسفة الأحداث بشكل شوية معقد مش مفهومة.

- واحد بيبوس واحدة في العربية : هاتوه وصوره ال*** ده هو فاكرنا **** - واحد بيخطف واحدة في العربية: شكله جوزها ملناش دعوة يا عم

ناصر منسي عامل زي واحد اربعيني مبطل كوره من عشر سنين وكان شغال ف الخليج رجع اجازه لقي حجز كوره خماسي قلع الجلابيه ونزل يلعب معاهم بالسروال #منقول

فيه ضربه جزاء واضحه علي مدافع الأتحاد وللاسف الغير آمين ما حسبهاش والفار ما استدعهوش!!! للأسف هنتعب جدا مع الحكام 😡🇦🇹

تيفو يجسد الطائرة التي نقلت درع الدوري لـ الأبيض الموسم الماضي ⭐ تيفو خاص من جماهير الزمالك لـ فريقها في افتتاح الدوري ⚪🏹✨

📌📌خاص بالأرقام.. التفاصيل المالية الدقيقة لتسوية عقد تريزيجيه مع الاهلي قبل رحيله. اللاعب تنازل عن 700 الف دولار من الموسم المنقضي، بالاضافة لـ 8 ونص مليون دولار باقي عقده في السنوات المتبقية مع الفريق تقديراً للاهلي وجماهيره. بخلاف تنازله عن 300 الف يورو، اثناء انتقاله من طرابزون إلى الاهلي اللاعب تنازل وفسخ عقده مع الاهلي واصبح لاعب حر، وكان يستطيع الانتقال لأي نادي داخل مصر لكنه فضل الحفاظ على علاقته بالاهلي وجماهيره وبيته الذي تربى به.

مالوش في الأزرق 😇 🦅🦅🦅🦅🦅🦅

يا عم سيبك أنت من اللي قالك ان إمام مش موجود في المطار وهو شارب كوكا زيرو ع الطيارة ✈️، خليك أنت في اللي مش عارفلهم طريق لا مطار ✈️ ولا تليفونات 📞.

فارس لضهر الأهلي : ليس كل ما يُعرف يُقال. جملة قالها أحمد مجاهد، وعدّت علينا، ولكن الحقيقة إنها أكتر جملة مناسبة لعلاقة المهندس أحمد مجاهد بكرة القدم المصرية. هقول: مليش أي صفة في الاتحاد من ٢٠٢٢، وأنا مُعين رسميًا في يناير ٢٠٢٥ عضو في لجنة تعديل النظام الأساسي، لأن ليس كل ما يُعرف يُقال. هخفي جواب رسمي لإيقاف قيد نادي من الاتحاد الدولي، وهتسبب إن لعيبة توقع له، والنادي قيده موقوف، وهقول: هي الناس عايزة تعرف ليه؟! صحيح، ما هو ليس كل ما يُعرف يُقال. رئيس نادي يطلع يقول إنك خيّرت فريقه يلعب ماتشاته في الدوري ولا يتأجل، وهو عمل ده بالشكل اللي يضغط الأهلي. عادي، ما ليس كل ما يُعرف يُقال. هفضل أقول للناس: أنا مليش علاقة بالتحكيم، ولا بتدخل، ولا ليا صفة في الاتحاد. بس وإنت ملكش فعلًا أي صفة، بتقول مين في لجنة الحكام هيمشي، ومين هيقعد، وبتتدخل، زي ما قال جهاد جريشة. وبرضه عادي، أصل ليس كل ما يُعرف يُقال. فعلًا كانت جملة كاشفة: ليس كل ما (يُعرف) يُقال، بس عندك غلطة مطبعية صغيرة؛ هي الحقيقة: ليس كل ما (يُفعل) يُقال.