m7md

مفيش نادى من يوم ما اتعملت الكورة فى مصر وافريقيا يعدى بنص الظروف إلى مر بيها الزمالك ويحقق بطولة. ومش بطولة سوبر او كاس. لا بطولة دورى يعنى نفس طويل وانت بتنافس اتنين اندية خليجية على ارض مصر. اندية بتدفع مرتبات مدربين اعلى من اجور مدربين فى الدورى الانجليزى نفسه. الزمالك حقق اعلى overachievement حصل فى تاريخ مصر من يوم ما اتلعبت كرة القدم. كنت بتناقش مع صديقى عبداللطيف فوزى كالعادة بس فى مكالمة مش ناسيها كانت وقت توقف الدورى بسبب كاس امم افريقيا. عبداللطيف رغم انه شخص مش متشائم بطبعه. كان خايف الزمالك ميقدرش يوصل لدورة تحديد البطل. الزمالك وقتها اللاعيبة كانت بتفسخ عقودها لاعب ورا التانى. وبعدها الزمالك قرر يبيع دونجا وناصر ماهر عشان يوفر جزء من مستحقات لاعبينه المتاخرة. وانت أصلا عندك ايقاف قيد ومش هتقدر تعوضهم. مفيش عندك فلوس تقدر تجيب مدرب اجنبى لدرجة انك روحت استعنت بابن الزمالك الوفى كابتن معتمد جمال إلى أصلا كان متعين مدير فنى بشكل موقت ازاى الظروف دى كلها ينتج عنها فى النهاية بطل للدورى؟ لما تفكر فى الأمور بشكل عقلانى هتفهم الجنان إلى حصل عند المنافس وادارته واعلامه. وفى نفس الوقت هتكون فخور حقا وصدقا بالزمالك. النادى العظيم قولا وفعلا البطل الحقيقى والاوحد

الجزء ده هو ملخص اهلى محمود وجمال استحقاقية سرقة الحقوق. ابو ريدة عشان يعمل خدمة للنادى إلى فشل فى الملعب. راح مقدم طلب قلل بيه من نفسه ومن سمعة الرياضة المصرية واتعايرنا بيه فى دول افريقيا ان الطلب متفصل للاهلى. تخيل تطلب زيادة اندية مصر فى بطولات أفريقيا وتصمم الطلب يتنفذ الموسم الحالى قبل شهرين من بداية البطولات القارية. كون السرقة دى لم تمرر اصبح تقصير من اتحاد الكورة. انت متخيل الاستحقاقية والتبجح؟ انت ازاى يا ابو ريدة متساعدناش نلعب دورى ابطال واحنا مركز تالت هرجع اقول لو النادى ده شاف منظومة رجال وشاف منظومة محترمة. لو كان فعلا يوم ما انسحب قدام الزمالك تم توقيع القانون الطبيعى عليه وخسر الدورى واتحمل نتيجة افعاله. يمكن وقتها ماكنش وصل للمرحلة دى