ⷶMαι∂αн Mυнαммα∂

وہ ہمیشہ لیڈر رہے گا تم ہمیشہ ملازم رہو گے

دینِ ابراہیمی: ہم مسلمان ہیں یا صرف مسلمانوں کے نام پر گروہوں میں تقسیم ایک ہجوم؟ ذرا قرآنِ مجید کھولیے اور ایک لمحے کے لیے اپنے تمام مسلکی تعصبات، مذہبی وابستگیوں، پگڑیوں اور عقیدت کے بتوں کو ذہن سے نکال کر دیکھیے۔ پھر پڑھیے کہ اللہ تعالیٰ نے اپنے خلیل حضرت ابراہیم علیہ السلام سے کیا فرمایا اور انہوں نے جواب میں کیا کہا۔ اللہ تعالیٰ فرماتا ہے: إِذْ قَالَ لَهُ رَبُّهُ أَسْلِمْ ۖ قَالَ أَسْلَمْتُ لِرَبِّ الْعَالَمِينَ ترجمہ: جب ان کے رب نے ان سے کہا کہ فرمانبردار ہو جاؤ تو انہوں نے عرض کیا: میں رب العالمین کا فرمانبردار ہو گیا۔ (البقرہ 2:131) غور کیجیے! حضرت ابراہیمؑ نے اپنا سر صرف اللہ کے سامنے جھکایا، اپنی بندگی صرف رب العالمین کے لیے مخصوص کی اور اپنی زندگی اسی کے سپرد کر دی۔ یہی اسلام کی اصل روح ہے: اللہ کی کامل بندگی، اس کی اطاعت اور اس کے ساتھ کسی کو شریک نہ ٹھہرانا۔ اب ذرا آگے بڑھیے۔ اللہ تعالیٰ نے اپنے آخری رسول حضرت محمد مصطفیٰ ﷺ کو بھی حضرت ابراہیمؑ کی ملت کی پیروی کا حکم دیا: ثُمَّ أَوْحَيْنَا إِلَيْكَ أَنِ اتَّبِعْ مِلَّةَ إِبْرَاهِيمَ حَنِيفًا ترجمہ: پھر ہم نے آپ کی طرف وحی کی کہ یکسو ہو کر ابراہیم کی ملت کی پیروی کیجیے۔ (النحل 16:123) اور پھر امتِ مسلمہ کو مخاطب کرکے فرمایا: مِلَّةَ أَبِيكُمْ إِبْرَاهِيمَ ۚ هُوَ سَمَّاكُمُ الْمُسْلِمِينَ ترجمہ: یہ تمہارے باپ ابراہیم کی ملت ہے، اسی نے تمہارا نام مسلمان رکھا۔ (الحج 22:78) یہاں ایک لمحے کے لیے ٹھہریے! اللہ تعالیٰ نے ہمیں کسی امام، پیر، سلسلے، درگاہ، خاندان یا فقہی مکتب کے نام سے شناخت نہیں دی۔ ہماری بنیادی شناخت مسلمان ہے، اور ہماری نسبت ملتِ ابراہیمی سے ہے۔ مگر افسوس! آج ہم نے اس سادہ اور عظیم شناخت کو کتنے حصوں میں بانٹ دیا ہے۔ ذرا اپنے معاشرے کا جائزہ لیجیے۔ کہیں بریلوی، کہیں دیوبندی، کہیں اہلِ حدیث، کہیں شیعہ، کہیں کسی پیر کا مرید، کہیں کسی درگاہ کا عقیدت مند۔ ہر ایک کے پاس اپنی اپنی شناخت، اپنے اپنے مناظرے اور اپنی اپنی مذہبی ترجیحات ہیں۔ سوال یہ نہیں کہ علماء کا احترام کیوں کیا جائے؟ ضرور کیجیے! سوال یہ ہے کہ کیا کسی عالم، پیر یا مذہبی رہنما کی بات قرآن و سنت سے بالاتر ہو سکتی ہے؟ کیا کسی انسان کی عقیدت ہمیں اللہ کی کتاب سے بے نیاز کر سکتی ہے؟ کیا کسی مزار سے وابستگی، کسی مخصوص لباس یا پگڑی کا احترام، کسی سلسلے کی بیعت اور کسی شخصیت سے محبت ہمارے لیے قرآن کو سمجھنے اور اس پر عمل کرنے کا متبادل بن سکتی ہے؟ ہرگز نہیں! اے مسلمانوں! قرآن تمہارے گھروں میں موجود ہے، مگر کیا وہ تمہاری زندگیوں میں بھی موجود ہے؟ ہم میں سے کتنے لوگ روزانہ قرآن کی تلاوت کرتے ہیں مگر اس کا ترجمہ پڑھنے، اس کے احکام سمجھنے اور اس کی ہدایت پر غور کرنے کے لیے وقت نہیں نکالتے؟ ہم اپنے بچوں کو مذہبی شناختیں تو منتقل کر دیتے ہیں، مگر کیا انہیں قرآن کا پیغام بھی سمجھاتے ہیں؟ ہمیں یہ معلوم ہوتا ہے کہ فلاں پیر کے عرس کی تاریخ کیا ہے، فلاں عالم نے کس کے خلاف فتویٰ دیا، فلاں مسلک کی کون سی بات درست ہے؛ لیکن کیا ہمیں معلوم ہے کہ اللہ ہم سے کیا چاہتا ہے؟ اللہ تعالیٰ فرماتا ہے: أَفَلَا يَتَدَبَّرُونَ الْقُرْآنَ کیا یہ لوگ قرآن میں غور و فکر نہیں کرتے؟ (النساء 4:82) اور ایک دوسرے مقام پر فرمایا: كِتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا آيَاتِهِ یہ ایک بابرکت کتاب ہے جو ہم نے آپ کی طرف نازل کی تاکہ لوگ اس کی آیات میں غور و فکر کریں۔ (ص 38:29) پھر ہم کس منہ سے قرآن کو اپنی ہدایت کی کتاب کہتے ہیں، جب اس کے پیغام کو سمجھنے کی کوشش ہی نہیں کرتے؟ ہمیں یہ حقیقت بھی سمجھنی ہوگی کہ رسول اللہ ﷺ کی محبت کا تقاضا محض نعرے لگانا نہیں، بلکہ آپ کی اطاعت اور آپ کے لائے ہوئے پیغام کی پیروی کرنا ہے۔ اللہ تعالیٰ کا حکم ہے: وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا رسول تمہیں جو کچھ دیں وہ لے لو اور جس چیز سے روکیں اس سے رک جاؤ۔ (الحشر 59:7) ہمیں رسول اللہ ﷺ کی سنت، سیرت اور تعلیمات کو اپنی زندگی کا حصہ بنانا ہے، نہ کہ آپ کے نام پر ایک دوسرے سے نفرت اور دشمنی کو دین سمجھ لینا ہے۔ اور یاد رکھیے، اللہ تعالیٰ نے یہ بھی فرمایا: وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا سب مل کر اللہ کی رسی کو مضبوطی سے تھام لو اور تفرقے میں نہ پڑو۔ (آل عمران 3:103) آج ضرورت اس بات کی ہے کہ ہم اپنی مذہبی ترجیحات کا محاسبہ کریں۔ قرآن کو سمجھیں، اس پر غور کریں، رسول اللہ ﷺ کی سیرت سے رہنمائی لیں، علماء سے استفادہ کریں مگر اندھی تقلید سے بچیں۔ کسی سے اختلاف ہو تو دلیل سے بات کریں، نفرت اور تکفیر سے نہیں۔ جاری ہے 👇👇👇

بریکنگ نیوز 🚨 اسرائیل نے حوثیوں کے خلاف انٹیلی جنس میں سعودی عرب کی مدد کرنا شروع کر دی ہے۔ اخے اسیں مسلم امہ مخے کھڑ جا تیری 🖐️

چیف جسٹس یحییٰ آفریدی نے عمران خان کیس کے حوالے سے سپریم کورٹ کے احکامات کی خلاف ورزی کرنے پہ سخت نوٹس لے لیا ہے۔ مبینہ طور پر فارم 47 کی حکومت اور جنرل عاصم منیر کی ملی بھگت سے عمران خان کو طبی سہولیات فراہم نہیں کی گئیں، جو عدالتِ عظمیٰ کے حکم کی صریحاً دھجیاں اڑانے کے مترادف تھا۔ 16 ستمبر کو اس کیس کی سماعت مقرر تھی، تاہم جنرل عاصم منیر نے مبینہ چالاکی سے کام لیتے ہوئے فیڈرل آئینی کورٹ کے چیف جسٹس امین الدین خان کے ذریعے کیس کو آئینی عدالت میں منتقل کرانے کی کوشش کی۔ چیف جسٹس آف پاکستان نے آئینی عدالت کے اس اقدام اور حکم عدولی پر شدید برہمی کا اظہار کرتے ہوئے آئینی عدالت کے چیف جسٹس کی سرزنش کی اور کیس منتقل کرنے کی درخواست کو سراسر مسترد کر دیا۔