S.22

لا توصل لمرحلة تستغل فيها إنسان يحبك، لمجرد إنك عارف انه ما يهون عليه فراقك وإنه مهما زعل منك ؟ بيرجع يراضيك. لا تخلي تعلقه فيك يعطيك الجرأة إنك تخونه من وراه، أو تدخل شخص ثاني بحياتك وانت مطمن إن الأول ما راح يتركك. ترى هو ما أعطاك قلبه عشان يصير عندك ضمان تسوي اللي تبيه، هو أعطاك لأنه وثق فيك وحبك، وشافك الشخص اللي يستحق هالثقة. فلا تخلي أكثر شخص يحبك ويخاف يخسرك، يكون أكثر شخص يتأذى بسببك . مَ ..

الدنيا دوارة . تخيل خذلانك وخيباتك وكلامك، وقسوتك وتصرفاتك وأفعالك وظلمك، وكل حاجة سيئة سويتها في شخص، ترجع لك في يوم من الأيام. حتى شعور انك تعلق شخص فيك وتختفي. تخيل يجيك يوم تندم فيه على كل شيء، ويمكن توصل لمرحلة تقول فيها انا حظي سيء بالشيء. لا انت حظك مو سيء بس هذي اسمها عدالة ربانية. وتستوعب إنك ظلمت شخص ما كان يستاهل منك كل هالوجع، وتوصل لمرحلة تطلب منه يسامحك. بس تكتشف إنه ما عاد موجود بحياتك ولا تقدر توصله، ولا عاد عندك فرصة تقول له إنك ندمت. وقتها بتسأل نفسك: ليش ما عاد يرد علي؟ ليش ما عاد يكلمني؟ بس السؤال الصح: هو ليش باقي يرد عليك ويعطيك فرصة اصلاً. بعد كل مرة خذلته فيها، ترى مو كل شخص تكسره بيبقى ينتظرك لين تندم، ترى كنت تقدر تكون حنون بس اخترت انك تقسى . مَ ..

اللي يبكي منك وبسبب أفعالك وتصرفاتك وطريقة حبك له؟ هذا أولى الناس بحنيتك. لا تزيد وجعه بالبعد ولا تتركه لحاله يواجه دموعه وهو أصلًا زعلان منك. احتويه واسمعه وحن عليه، وحاول تراضيه بقربك الشيء اللي كسره بغيابك. مو معقول تكون أنت سبب حزنه وبنفس الوقت تخليه يواجه حزنه لحاله . مَ ..

أحيانًا كل اللي تحتاجه من الدنيا حضن شخص تحبه. حضن يختفي فيه عنادك وتنسى فيه زعلك، وتترك فيه تعب الأيام كلها. تحس بيده تطبطب عليك وبقربه يطمنك، وتكتشف إنك ما كنت تحتاج أحد يحل مشاكلك. كنت تحتاج لحظة أمان وحنيه مع شخص تحس إن قلبك يرتاح عنده . مَ ..

لا تستهين بإنسان يصبر عليك ويحاولك كل مرة، وأنت ما تدري وش قاعد يصير بداخله، يمكن يضحك معك ويسولف معك، ويرجع يحاول يقرب منك، وهو من داخله يحترق من كثر ما يتأذى من تصرفاتك. مو لأنه ما عنده كرامة، ولا لأنه ما يعرف يبعد. بس يحبك وكل مرة يعطيك فرصة لأنه يتمنى إنك تكون الشخص اللي يستاهل كل هالحب . مَ ..

اللي يخسرك وهو عارف إنك تحبه وتوقف معه، وتراعيه وتحفظ خاطره، هذا ما ضيع شخص عادي. ضيع شخص كان ممكن يكون له أمان وسند وحب صادق. فلا تستصغر نفسك عشان أحد ما عرف قيمتك. فخلي فيك إحساس ان اللي خسرك غبي . مَ ..

وش تبغى أكثر من شخص اختارك وأعطاك قلبه كامل؟ أعطاك حنيته، اهتمامه، لهفته، ووقف معك بكل شعور يقدر عليه. ما خلاك تطلب حقك العاطفي، كان يعطيك من نفسه. حتى الخيانة ما كانت خيار عنده لانه كان يشوف وجعك قبل أي شيء. وتجي انت ترد كل هذا انك تخذله تخونه وما يشوف منك إلا التقصير . وش تبي اكثر من شخص يحبك بهالصدق؟ مَ ..