مَ ..

أحب العلاقة اللي ما فيها أحد يحسب الحنية ضعف. هو يدللها، وهي تدلله. هو يمدحها، وهي تمدحه. هو يحتويها إذا غارت أو زعلت، وهي تحتويه إذا ضاق صدره. ما بينهم حساب مين يحب أكثر؟ لأن الاثنين يعرفون إن الحب مو منافسة. الحب إنك تعطي الشخص اللي تحبه دفء يشبه الدفء اللي يعطيك إياه . مَ ..

فيه زعل يوصل فيك لمرحلة حتى الأشخاص اللي مالهم ذنب، ما عاد لك نفس تتكلم معهم، تصير ساكت ومنعزل، ما ودك تشرح ولا تبرر، مو لأنهم سووا لك شيء، بس لأن بداخلك مليان كلام ووجع من شخص واحد، وصار ينعكس على كل شيء حولك. وما عرفت كيف تفصل زعلك عن بقية حياتك . مَ ..

لما تلقى إنسان يحبك ويبيك ويحترمك ويقدرك، انسان ما يرد لك طلب ولا يقصر معاك ويخاف عليك وعلى خاطرك وعلى قلبك، إنسان حبه يبان بعيونه وبأسلوبه وتصرفاته، تلقاه معاك على طبيعته وخفيف وياخذ راحته لأنه يحس بالأمان، وانت تاخذ منه كل هالحب والاهتمام وتعطي غيره، وأسوأ شيء انك تجي عنده تدور حب واهتمام، وش ذنبه طيب؟ وش ذنبه انه عفوي بحبه وتصرفاته؟ تخليه يفتح قلبه ويحب ويتعلق وتعشمه فيك. بدال ما انك تحافظ عليه وتحميه؟ صار ما يدري عل وش يزعل بالظبط. من تغييرك ولا من قلة حنيتك واهتمامك. ولا من بعدك عنه. ولا من انه يشوفك تعطي غيرة. ولا من خذلانك له وكلامك وقسوتك عليه. ولا من مزاجيتك. ليه طيب؟ ليه توصله لهالمرحلة وانت ما شفت منه غير محبته لك . مَ ..

أسوأ شيء تسويه بحق نفسك، انك تحن لشخص ما رحم قلبك، مَ ..

لا تستهين بدموع شخص يبكي بسبب خذلانك، ترى وراء هالدموع حب طويل واهتمام ما قصر معاك معك فيه، ومواقف كثيرة اختارك فيها رغم زعله، ومحاولات كان فيها المفروض يوقف. كان ينتظر منك نفس الحب والحنية اللي كان يعطيك إياها، وما كان يبي منك شيء غير إنك تحافظ على قلبه، وما كان يحسب حساب انك بتخذله بيوم، كان ينتظر منك تجبر خاطره بدال ما تزيد وجعه، وتتمسك فيه بدال ما تخليه يشك بمكانته عندك، بس بالنهاية لقى نفسه يبكي على حب كان يتمنى يعيش فيه مرتاح . مَ ..

صباح الخير لعيونك اللي تستحق تنحب وتنباس، اللي تستاهل الدلال، ما تستحق الخذلان. اللي تستحق شخص ما يكتفي من جمالها، شخص يتأملها ويغرق بحنيتها . مَ ..

ودك تغمض عيونك على صوته وهو يتكلم معاك. يهمس لك ويقول لك قصص وسوالف وبعدين يطبطب عليك بكل حنية. وتحس بشعور قربه منك. ما تهمك مدة المكالمة ولا كم صارت الساعة. كل اللي تبيه إنه ما يسكت ويبقى صوته معاك، وحتى لو خلصت سوالفه؟ ودك تسمع أنفاسه قريبة لين يغلبك النوم وأنت حاس بحنيته وكأنك بحضنه . مَ ..

شخص مثلك المفروض ينحط بين العين وجفونها. وبوسط القلب ونبضه،يستحق يتدلل ويتدلع وينخاف على خاطره. ما تستاهل تنخذل ولا تختفي ضحكتك بسبب شخص ما عرف قيمتك او استرخص حبك له. ما تستاهل أحد يكسرك ولا يخليك تشك بقيمتك. ولا تستاهل ينطفي شغفك بسببه، هو اختار يتركك زعلان ومخذول وما حاول يراضيك، تروح تراقبه وتحن له وتنتظر منه شيء ليه؟ إلى متى بتعطيه اهتمامك وهو ما خاف على خاطرك؟ مَ ..

يمكن وقت ما كان يحبك ما انتبهت لكل اللي كان يسويه، ولا فهمت إن وراء كل سؤال منه خوف عليك، ووراء كل عتاب منه رغبة إنه ما يخسرك، ووراء كل فرصة يعطيك ويصبر عليك؟ شخص يحبك ويبيك. كان يعطيك حنيته حتى في الأيام اللي ما كان فيها بخير، وما كان يحاسبك على كل تقصير لأن محبته لك كانت كبيرة، بس يوم يفقد الأمل فيك ويتعب من المحاولات ويسكت ويمشي؟ بتدور على نفس الشعور وتكتشف انه كان بيدك وخسرته . مَ ..

الشخص اللي يحبك عشان رغباته؟ هذا أكثر شخص لا تعشم نفسك فيه، يخليك تحبه وتثق فيه ويقرب منك ويقربك منه، ويرفعك فوق وانك الشخص الواو بحياته والمستثنى، لين تتعلق فيه ويصير روتينك اليومي. وانت بطبعك عفوي وحبيته بشعور حقيقي. لو قالك عيوني قلت تفداك، ويخليك تتجاوز حدودك من كثر ما حبيته، وتلقى نفسك بحضنه الحقيقي، مو حضن من بعيد بمكالمة ولا حنية بالكلام، لآنه قدر يكسر فيك حاجز الخوف. وتعطيه أشياء ما كنت تتخيل يوم تتجاوز حدودك عشان أحد، وتحسبه آخر شخص ممكن يخذلك. وإنه ميت عليك وما يشوف غيرك ومتعلق فيك، بس الشيء اللي ما تعرفه انه متعلق باللي ياخذه منك، وكل اللي كنت تحسبه حب كان مجرد رغبة . مَ ..

لا تصير حساس، ترى عادي ما يزعل، ومن متى صار تحديد مشاعري بيدك؟ أنت تقول اللي تبي، وتتصرف بالطريقة اللي تناسبك، وإذا تضايقت وزعلت أنا صرت حساس وأكبر المواضيع. ترى مو لازم تشوف الشيء كبير عشان يكون زعله كبير عندي، ومو لازم تفهم زعلي وتشوفه بنظرتك عشان تحترمه. أنا مو حساس، أنا إنسان عنده مشاعر، ومن حقي ازعل واتاثر من شيء ما كان المفروض يطلع منك . مَ ..

صباح الخير لك ولملامحك اللي تشبه بداية الأيام الحلوة،
ولضحكتك اللي كان المفروض تبقى مرسومة بوجهك.
بس اللي خذلك ما عرف قيمة الأشياء الجميلة فيك . مَ ..

تدري وش يعني يحب ينام على صوتك كل ليلة؟ يعني إن صوتك صار له راحة ينتظرها آخر يومه، فلا تبخل عليه لا بمكالمة ولا بصوتك، ولا تستعجل تنام قبله، خلي صوتك يطبطب على قلبه لين ينسى تعب يومه وكل اللي ضايقه. دلع خاطره بحنيتك ولا تسأله كم صارت الساعة ولا عن مدة المكالمة. خليه حس بحنيتك من نبرة صوتك وكأنك قريب منه، وكل ما حسيت صوته بدأ يهدأ؟ لا تسكت لين ينام مرتاح، وكأنه نام داخل حضنك مو بعيد عنك . مَ ..

فيه خذلان يخليك تبكي مو لأنك ضعيف وحساس، بس لأن الشخص اللي بقلبك اعطيته حب يمكن صعب يطلع لاحد ثاني، اعطيته قلبك واعطيته عيونك واعطيته صوتك وسمحت له حتى انه يلمسك ويحضنك. لانك حبيته فعلًا واعطيته شعور صادق لدرجة ما توقعت الأذى منه. من كثر حبك له؟ ما توقعت انه يخذلك ولا توقعت انه يخونك ولا توقعت منه ينزل دموعك. كنت تحسب إن قلبك بمكان آمن وما يحتاج تخاف. ما كنت تحسب حساب بكره كيف بيكون. لانك ضامن انك بتلقى حب منه وبتلقى صوته وبتلقى حضنه وبتلقاه يقولك اشتقت وابيك. وتعطيه من حبك وأنت مطمن إنه يبيك. لين يجيك منه خذلان ما كنت مستعد له. وتبكي على كل شعور جميل انكسر داخلك بسببه. مو ضعف منك، بس لأنه اخر شخص توقعت يخذلك . مَ ..

الانسان اللي يبادرك مرة ومرتين وثلاث، ويسأل عنك ويفتح المواضيع ويحاول دايم يقرب منك، ترى هو مو مكينة إهتمام، ولا معناته إنه ما يحتاج أحد يهتم فيه. ولا يعني إن قلبه مكتفي من كثر عطائه. هو إنسان يفرح لما تجيه رسالة منك بدون ما يلمح وبدون ما يطلب وبدون حتى ما ينتظر. لما يشوفك تبادر وتسأل وتشتاق له. لا تخليه هو اللي يبدأ بكل مرة، عشان تعلمه انك مشتاق.
ترى هو بعد يشتاق لمبادرة تحسسه إنك تفكر فيه مثل ما يفكر فيك، هو إنسان عنده قلب وعنده مشاعر يحس ويفرح ويشتاق وينتظر ويحزن من قلة مبادرتك واهتمامك.
ويحتاج يحس إنك تبيه مثل ما هو يبيك . مَ ..

وش يمنعك تحتويه بدل ما تخليه يتعب من التفكير؟ تفتح له حضنك ويدينك وتعطيه اهتمامك و حنيتك لين يهدأ كل اللي بداخله، وتطمنه وتقوله تعال أنا أبيك انت، أبيك بقربك ولهفتك وصوتك وبتعبك قبل فرحتك، مو أبيك تحارب شعورك لحالك، ترى اللي يحبك ما يحتاج منك أسباب للزعل والخيبة والخذلان وتزيد عليه بقسوتك، يحتاج منك حنيه وانك تخليه يحس بالأمان . مَ ..

كان عندك إنسان ما يبي منك إلا إنك ما تخذله، يحاولك ويعطيك من وقته وقلبه وحنانه، ما يخليك تواجه زعلك لحالك ولا يخليك تطلب اهتمامه وحنيته، تجيه منه من خاطره لانه يحبك. حتى وهو متضايق منك تلقاه يخاف على خاطرك، وكان يقدر يختار راحته بس اختار يحافظ عليك، وأنت تحسب إن هالحنية شيء تلقاه عند أي أحد، لين تفقده وتصير تدور تفاصيله في كل شخص تقابله، وقتها بتعرف إنك ما خسرت إنسان وبس، ضيعت قلب كان صادق معك . مَ ..

فيه شخص ما يستاهل منك خذلان، يستاهل إنك تحافظ على قلبه مثل ما حافظ على قلبك. الشخص اللي كان حنون عليك ويخاف على زعلك، واللي يفرح بفرحتك، ترى ما يستاهل يجي يوم ويحس إن حبه كان غلط. لا تقصر معه وأنت تعرف إنه ما قصر معاك، ولا تخليه يطلب منك الحنية اللي طول حبه لك كان يعطيك إياها. ترى هالانسان اللي يحبك بصدق وحنون عليك، ومعمي عيونه عن غيرك لانه يبيك انت، انت محظوظ فيه وبقلبه، فلا تقسى عليه بيوم ولا تحسسه انه لحاله يعطي. ولا تفكر تخذله لانه ما يستاهل تكسر قلبه. وذنبه انه اعطاك شعور صادق. اذا ما تبيه صارحه بس لا تخذله. انت يمكن ما تعرف كمية الأذى اللي تتركه وراك. فخليك حنون بحبك. وخليك حنون حتى ببعدك. لان هالانسان ما بتعرف قيمته الا بعد ما تحس ان اللي كان يعطيك ما كان سهل ابد . مَ ..