M A M A (ماما) 👀

ایکس پر رپلائیز بند ہیں۔ فیس بک پر پوسٹس بند ہیں۔ سیاست سے لاتعلقی کا جھوٹ بار بار بولنا پڑتا ہے۔ مرنے والے سپاہیوں کی خبر چھپانی پڑتی ہے۔ نا گھر میں عزت ہے نا باہر عزت ہے۔ بے غیرت جرنیلا !!!! یہ ہوتی ہے ریڈ لائن ، اسے کہتے ہیں ریڈ لائن۔

کوئی کسی مرنے والے سپاہی یا افسر پر نہیں ہنس رہا۔ یہ ہنسی عوامی ووٹوں کا احترام نہ کرنے پر ہے۔ یہ ہنسی اس نفرت کا اظہار ہے جو عمران خان کو قید تنہائی میں رکھنے پر ہے۔ یہ ہنسی گھر توڑنے اغواء کرنے آنکھیں نوچنے اور ویرانوں میں لاشیں پھینکنے کی نفرت کا اظہار ہے۔ یہ ہنسی ملک توڑنے ، فرعونیت دکھانے اور غنڈی گردی پر ہے۔ یہ ہنسی آسمان سے نہیں اتری۔ اسکے سارے اسباب آپ نے خود پیدا کیے ہیں۔

چار ہمسائے ہیں۔ تین دشمن بنا لیے ہیں۔ تینوں سے تجارت بند ہے۔ چوتھے سے مہنگے قرضے لیے اب اسکے پراجیکٹس بھی ویران کردیے۔ پانچ صوبے ہیں۔ ایک میں فوج موومنٹ نہیں کرسکتی۔ دوسرے میں گورنر راج ، تیسرے میں کٹھ پتلی حکومت اور چوتھا حمایت کے بدلے ٹھگوں کو دے رکھا ہے پانچویں میں بھی عوامی نماندہ حکومت نہیں۔ ملحق ریاست میں شدید احتجاج دھرنے چل رہے ہیں۔ کچھ عرصے بعد کوئی جرنیل کہے گا یہ سارا سیاسی مسئلہ تھا۔ سیاستدانوں کی کمزوریاں تھیں۔ ملک ہی ایسا تھا۔ گرمی ہے بہت تھی۔ دور ہی بہت تھا۔

سوئی سے گیس نکلی وہ مفت لیکر فوجی فرٹیلائزر کمپنی چل رہی ہے۔ لائم سٹون نکلا اس سے عسکری سیمنٹ اور فوجی سیمنٹ چل رہا ہے۔ سیاحتی مقامات فوج نے ہتھیا لیے ہیں۔ زرعی زمینیں فوج کے پاس ہیں۔ اگر معدنیات نکل آئے اور اس سے کچھ آمدن ہوئی تو جرنیلوں کو کروز شپ اور پرائیویٹ جیٹ دینے کا قانون منظور ہوجائے گا۔ آپ کو کچھ نہیں ملنے والا۔

کس نے سوچا تھا پچاس برس پہلے مولانا مودودی کا لگایا ہوا یہ ننھا منا سا پودا ،، اوہ سوری پرانی کیسٹ چل گئی ۔ کس نے چار سال پہلے سوچا تھا کہ فوج کے زندوں مردوں کی کوئی عزت نہ بچی ہوگی۔ فوج کی اہلیت اور حب الوطنی کے پردے چاک ہوجائیں گے اور شریف زرداری خاندان کی قابلیت اور جمہوریت پسندی کے۔ ہر گزرتا دن ان کے لیے نئی اذیت نئی ناکامی لائے گا۔ ایک بندوق کی طاقت کب تک بچائے گی؟

ڈاکٹر معید پیرزادہ کی ویور شپ لاکھ ڈیڑھ اوسط رہتی ہے۔ ولاگز میں ناغہ بھی کرتے ہیں۔ مجھے نہیں لگتا انہیں ماہانہ تین چار ہزار ڈالرز سے زیادہ یوٹیوب سے ملتے ہوں۔ دو تین چار لوگوں کی ٹیم کو ہزار پندرہ سو دیکر انہیں یہی کوئی دو تین ہزار بچتا ہوگا۔ اگر ڈاکٹر صاحب صرف جمعہ اور ہفتہ کی رات کو جی ایم سی کے بڑے والے ٹرک پر اوبر چلائیں تو ماہانہ چار ہزار ڈالرز سے زیادہ کما سکتے ہیں۔ کسی کیساتھ پارٹنر شپ پر دو تین لاکھ ڈالرز لگا کر چھوٹا موٹا سٹور کھول لیں تو آٹھ دس ہزار ڈالرز مہینہ وہ دے سکتا ہے۔ اب یہی ڈاکٹر معید پیرزادہ پاکستان میں جب شو کرتے تھے تو یقیننا یہ پندرہ بیس پچیس لاکھ والے پیکج پر ہوتے ہوں گے۔ اگر آج بھی پاکستان میں مفاہمت وغیرہ کرکے کوئی شو شروع کرلیں تو کوئی بھی چینل آبپارہ کی مس کال پر انہیں پچاس لاکھ کے پیکج پر رکھ لے گا۔ چھوٹے چھوٹے یوٹیوب چینلز کو فوج بیانیہ بنانے کا ماہانہ ستر اسی لاکھ دے رہی ہے۔ ان میں سے ایک چینل کی ماہانہ ویور شپ آج تک دس لاکھ بھی نہیں ہوئی۔ یعنی اگر ان کا مقصد پیسے یا ڈالرز کمانا ہو تو انکے پاس بہت زیادہ پیسے کمانے کا بہت آسان سا رستہ موجود ہے۔ لیکن وہ یہ رستہ نہیں لے رہے۔ اس کی بجائے وہ جس رستے پر چل رہے ہیں اس میں ان پر تیزاب کے حملے بھی ہوتے ہیں ، انکو مکے بھی کھانے پڑتے ہیں ، انکے گھروں میں پر اسرار آگ بھی لگتی ہے ، انکو کردار کشی کا سامنا بھی کرنا پڑتا ہے اور کسی سکول کالج بیکری والے میڈیا مالک سیٹھ کے نوکر کے طعنے بھی سننے پڑتے ہیں۔ کل ملا کر دس یوٹیوبرز ہوں گے جو تین چار ہزار ڈالرز ماہانہ یا اس سے زیادہ کما رہے ہیں۔ ڈاکٹر شہباز گل اور عمران ریاض صرف دو لوگ ہوں گے جنکو دس بیس تیس ہزار ڈالرز ماہانہ ملتے ہوں گے۔ جتنے پیسے انکے کل بنتے ہیں یہ لاکھ ڈیڑھ لاکھ ڈالرز بھی کرلیں دو لاکھ ڈالرز بھی کرلیں تو چھ کروڑ روپے بنتے ہیں۔ اتنے پیسے ایک دوسرے درجے کے نیوز چینل کو فوج کھلا رہی ہے۔ شرم کرنی ہے کریں نہیں کرنی نہ کریں۔ آپ ایک تو ایک بہت پسماندہ سے ملک میں بیٹھے ہوئے ہیں۔ پھر ایسی تنقید کرتے ہوئے آپ اتنی دور سے مزید چھوٹے سے دکھائی دیتے ہیں۔