Ministry of National Unity and Civic Engagement

“Umunyarwanda muri kamere yifuriza undi kubaho, nguwo umuco! Mwebwe rero [abagize uruhare muri Jenoside yakorewe Abatutsi] mwatatiye umuco, mwakoze ibyo umuco nyarwanda utigeze wemera. Nagira ngo mwumve uburemere bw’icyaha mwakoze n’inshingano yo gusubira mu muryango nyarwanda mwiyemeje kujya gufasha umuryango nyarwanda gukomeza urugendo rwo kubaka Ubumwe, Ubudaheranwa n’Ubwiyunge tumaze kugeraho. Ibyo bizashoboka biciye mu kuri, ntabwo bizaca mu kinyoma.” - Minisitiri @DrDamascene. “Icyomoro cya mbere cyo gukira ibikomere no gukira icyaha kiva mu kuri kose wavugishije.”

🎥"Ubuyobozi bw'iki Gihugu ni ubuyobozi butanga ubuzima. Mugende mugire uruhare mu kubufasha, mwumve mbere na mbere ko ari ubwanyu kandi ko bubakunda." ~ Minisitiri @DrDamascene abwira abagororwa bahaniwe kugira uruhare muri Jenoside yakorewe Abatutsi bitegura gusoza ibihano.

Mu buhamya bwatanzwe n’Umugororwa Ntawangundi Joseph ukomoka mu Karere ka @BugeseraDistr , yasobanuye ko yakoreye Jenoside mu ishuri rya Gitwe yari abereye umuyobozi, ryo mu Karere ka Ngoma, ahungira mu mahanga yifatanya n’umutwe wa FDU-Inkingi ugamije guhungabanya umutekano w’u Rwanda, awubera umwe mu bayobozi mu Bufaransa. Yagarutse mu Rwanda muri 2010 ari hamwe na Ingabire Victoire, arafatwa arafungwa kubera uruhare yagize muri Jenoside yakorewe Abatutsi, aho yakatiwe igifungo cy’imyaka 17 n’Inkiko Gacaca. Yasoje ubuhamya bwe agaragaza ko yiyemeje guhinduka bya nyabyo no kugororoka, afata ingamba zo: 👉Kugendana na gahunda za Leta y’Ubumwe bw’Abanyarwanda zose uko zakabaye 👉Kubaha ubuyobozi n’abayobozi 👉Gufatanya n’abo asanze mu kubaka ibyo yasenye kuko ubumwe bwacu ari zo mbaraga zacu 👉Kurandurana n’imizi ingengabitekerezo ya jenoside kuko nta cyiza cy’amacakubiri, nta cyiza cy’urwango, nta cyiza cy’ivangura. “Nta wakongera kunshuka ukundi.” youtube.com/watch?v=CNxKwC9P…

“Ndashimira Leta y’u Rwanda yadushyiriyeho aya mahugurwa ku kwimakaza Ubumwe n’Ubudaheranwa adutegurira gusubira muri sosiyete. Rwose turigaya kubera uruhare twagize muri Jenoside yakorewe Abatutsi, twizeza Abanyarwanda ko tutazongera kwijandika mu ngengabitekerezo ya jenoside.” ~ Umugororwa Nzirorera François ukomoka mu Karere ka @RuhangoDistrict, mu murenge wa Mbuye, ugiye gusoza igifungo cy’imyaka 30.

Mugiraneza Theophile wavuze mu izina ry’abana bafite ba se bitegura gusoza ibihano, yavuze ko biteguye kubakira mu miryango, kubereka uko imyiryango yabo yagutse no kubafasha kubona ibyo bakora biteza imbere, ariko ko batifuza ko bazataha bagifite ingengabitekerezo ya jenoside cyangwa ngo barangwe n’ubusinzi kuko Leta y'u Rwanda iri kubaka umuryango nyarwanda uzira ubusinzi.

.@DrDamascene: "Mugende mubane neza n'abandi Banyarwanda, mwimakaze Ubumwe n'Ubudaheranwa, mwirinde ivanguramoko, kandi ntihazagire n'umwe tubona akora isubiracyaha."

.@DrDamascene: “Imiryango yanyu ubu bafite mituweli nk’abandi Banyarwanda bose, abana n'abuzukuru banyu bariga, barivuza, kuko Nyakubahwa Perezida wa Repubulika Kagame Paul politiki ye idatoranya. Yabujije abasirikari kwihorera, kuko bamwe basangaga imiryango yabo mwayishe, Leta y’Ubumwe ntiyabica ahubwo ishyiraho uburyo bwo kubagorora kuko ubuyobozi bwacu ni ubuyobozi butanga ubuzima, ni ubuyobozi bwacu twese. Namwe rero mugende mubushyigikire mu kubaka Igihugu, mufatanye n’abandi Banyarwanda kubaka u Rwanda.”

“Iyo mudakora Jenoside ntabwo ijambo Jenoside ryari gukoreshwa mu Rwanda.” “Iyo mugira ubuyobozi nk’ubwo dufite uyu munsi ntimwari kwiroha mu bwicanyi.” Minisitiri @DrDamascene yaganirije abagororwa bahaniwe kugira uruhare muri Jenoside yakorewe Abatutsi bitegura gusoza ibihano, mu mahugurwa ku kwimakaza Ubumwe n’Ubudaheranwa yaberaga mu Igororero rya Nyamasheke, yasojwe uyu munsi. Iki gikorwa cyitabiriwe n'abo mu miryango y'abagororwa barimo abagore babo, abana babo, kugira ngo abagororwa bagaragaraze ko bahindutse, n'imiryango ibereke ko yiteguye kubakira no kuba ikaze. Nyuma y’aya mahugurwa hari abahita bataha kuko basoje igihano.

Uyu munsi, Minisitiri @DrDamascene arasoza icyiciro cya 10 cy’amahugurwa ku kwimakaza Ubumwe n’Ubudaheranwa, agenewe abagororwa 533 bahaniwe kugira uruhare muri Jenoside yakorewe Abatutsi bitegura gusoza ibihano bitarenze 31 Ukuboza 2026. Aya mahugurwa agamije gutegura abo bagororwa kwisanga mu muryango nyarwanda no kubana neza n’abandi, kongera kuba Abanyarwanda bakunda Igihugu cyabo, babumbatira Ubumwe n’Ubudaheranwa bw’Abanyarwanda, no kubarinda ibyaha n’isubiracyaha. Inyigisho zibanzweho: 👉Kumva neza uruhare rwabo kwirinda ivangura, amacakubiri n’ingengabitekerezo ya jenoside; 👉Gusobanukirwa amateka y’Igihugu cyacu; 👉Kumva neza ingaruka za Jenoside yakorewe Abatutsi, yaba kuri bo, ku miryango yabo, ku barokotse Jenoside yakorewe Abatutsi n’Igihugu muri rusange, no 👉Gusobanukirwa uruhare rwabo mu iterambere ry’imiryango yabo n’Igihugu. Aya mahugurwa ategurwa MINUBUMWE ku bufatanye bw’Urwego rw’u Rwanda rushinzwe Igorora @RCS_Rwanda, akagirwamo uruhare n’imiryango itandukanye itari iya Leta nka @DiDe_Rwanda, @pfrwanda, @Interpeace_Org, @Ibuka_Rwanda, @CBS__Rwanda, n’abandi.

Ce matin, le ministre @DrDamascene a accueilli 25 professeurs venus de France dans le cadre d’un voyage d’étude organisé par le Mémorial de la Shoah @Shoah_Memorial, avec le concours de l’Ambassade d’Allemagne au Rwanda @GermanyinRwanda. Dans son allocution, le ministre a retracé les grandes lignes de l’histoire du Rwanda, en mettant l’accent sur les politiques discriminatoires ayant conduit au génocide contre les Tutsi, la résistance et l’arrêt du génocide par le Front patriotique rwandais (FPR-Inkotanyi), ainsi que la reconstruction du pays, fondée sur l’unité et la résilience des Rwandais. Les échanges ont également porté sur la réintégration dans la société rwandaise des personnes condamnées pour leur participation au génocide, à l’issue de leur peine, ainsi que sur l’importance de préserver les mémoriaux du génocide contre les Tutsi pour les générations futures, l’éducation et la recherche. Enfin, le ministre a salué les efforts déployés par la justice française au cours de la dernière décennie pour poursuivre les présumés génocidaires qui s’étaient réfugiés en France.