𝒰𝓏𝓂𝒶 𝐻𝒶𝓇𝒾𝓈𝓈

تقدیر کا شکوہ نہیں، اختیار کا شعور چاہیے! آپ نے کس گھر میں آنکھ کھولنی ہے، آپ کے والدین کون ہوں گے، آپ کی رنگت و صورت کیا ہوگی، آپ لڑکا ہوں گے یا لڑکی ان امور کا انتخاب آپ نے نہیں کیا۔ یہ ربّ العالمین کا فیصلہ تھا۔ مگر ذرا ٹھہریے! زندگی کے ہر موڑ پر آپ کے ہاتھ باندھ نہیں دیے گئے۔ اللہ نے آپ کو عقل دی، شعور دیا، ارادہ دیا اور اختیار دیا۔ پھر آپ سے کہا: "فَمَن شَاءَ فَلْيُؤْمِن وَمَن شَاءَ فَلْيَكْفُرْ" "پس جو چاہے ایمان لائے اور جو چاہے انکار کرے۔" (سورۃ الکہف 18:29) تو پھر اپنی ہر لغزش، ہر ناکامی اور ہر غلط فیصلے کا ملبہ تقدیر کے سر کیوں رکھتے ہیں؟ خود سے کبھی یہ سوال بھی کیجیے: "کیا واقعی میرے پاس کوئی اختیار نہیں تھا، یا میں اپنی ذمہ داری سے فرار اختیار کر رہا ہوں؟" قرآن کا اصول نہایت واضح ہے: "إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ" "بے شک اللہ کسی قوم کی حالت نہیں بدلتا جب تک وہ خود اپنی حالت نہ بدلیں۔" (سورۃ الرعد 13:11) یعنی اے انسان! شکایتیں کم کرو، اپنے اندر جھانکو۔ ناکامی آئی ہے تو اس سے سبق لو، غلطی ہوئی ہے تو تسلیم کرو، راستہ بھٹکے ہو تو واپس پلٹو۔ اور یہی وجہ ہے کہ اللہ تعالیٰ نے انسانوں کی رہنمائی کے لیے رسول بھیجے۔ قرآن فرماتا ہے: "وَلَقَدْ بَعَثْنَا فِي كُلِّ أُمَّةٍ رَّسُولًا" "اور یقیناً ہم نے ہر امت میں ایک رسول بھیجا۔" (سورۃ النحل 16:36) اگر انسان محض مجبورِ محض ہوتا، تو ہدایت، نصیحت، امر و نہی اور جواب دہی کا یہ پورا نظام بے معنی ہوتا۔ لہٰذا تقدیر کو بہانہ نہ بنائیے۔ جو آپ کے اختیار میں نہیں، اسے صبر سے قبول کیجیے؛ اور جو آپ کے اختیار میں ہے، اسے بدلنے کے لیے پوری قوت صرف کیجیے۔ ربّ نے راستہ دکھایا ہے، قدم آپ کو اٹھانا ہے۔ دعا بھی کیجیے، کوشش بھی کیجیے، اور پھر نتیجہ اللہ کے سپرد کر دیجیے۔ کیونکہ مؤمن کی پہچان یہ نہیں کہ وہ اپنی شکست کا الزام تقدیر کو دے؛ بلکہ یہ ہے کہ وہ شکست سے اٹھے، اپنے نفس کا محاسبہ کرے اور کہے: "میں ٹوٹا ضرور ہوں، مگر ختم نہیں ہوا؛ میں پھر اٹھوں گا، پھر کوشش کروں گا، اور اس بار اپنی اصلاح کے ساتھ!"

Believe me 💙👑

اگر اپ تھوڑے سے باشعور ہیں اور تھوڑا سا کمپیوٹر استعمال کرنا جانتے ہیں تو اپ دو یا تین منٹ میں ویزا کی اپوائنٹمنٹ لے سکتے ہیں لیکن اگر آپ اسی کام کے لیے ایجنٹوں کے پاس جاتے ہیں تو وہ آپ سے پانچ ہزار روپے لیں گے! ٹیکنالوجی سیکھیں تاکہ کوئی دوسرا آپ کا استحصال نہ کر سکے۔