MLM மோசடிகள், Crypto Scams, Telegram Scams, Digital Arrest Scams, Trading Scams எனப் பல்வேறு நிதி மோசடிகளால் பணத்தை இழந்து, கடனில் சிக்கி, குடும்பங்களை இழந்து, மன உளைச்சலுக்கு ஆளாகி, இறுதியில் தற்கொ* செய்துகொண்டவர்கள் ஏராளம். இவை இன்று நம் சமூகத்தில் அன்றாடம் எதிர்கொள்ளும் அவலங்களாகிவிட்டன. MyV3Ads மோசடியை எடுத்துக்கொள்ளுங்கள். இந்தத் திட்டத்தில் பணத்தை இழந்த ஒரு இளைஞர் நேரலையில் விஷமருந்தித் தற்கொ* செய்துகொண்ட சம்பவம் எத்தகைய அதிர்ச்சியை ஏற்படுத்தியது என்பது அனைவருக்கும் தெரியும். இந்த நிறுவனத்தை விளம்பரப்படுத்திய இன்ஃப்ளுயன்சர்கள், சின்னத்திரை நடிகர்கள் உள்ளிட்டோரின் விளம்பர வீடியோக்கள் இன்றும் இணையத்தில் இருக்கின்றன. மக்கள் இவர்களை நம்பித்தானே ஒரு திட்டத்தைப் பற்றி முடிவெடுக்கிறார்கள்? பிரபலங்கள் விளம்பரப்படுத்துகிறார்கள் என்பதற்காகவே ஒரு திட்டம் நம்பகமானதாகிவிடுமா? இந்தத் திட்டத்தில் பணத்தை இழந்த பலர் தங்கள் சேமிப்பை மீட்க முடியாமல் தவிக்கின்றனர். கடன், குடும்பப் பிரச்சினைகள், மன உளைச்சல் எனப் பல பாதிப்புகளைச் சந்தித்துள்ளனர். அவர்களின் பணத்தை மீட்டுக் கொடுக்க என்ன நடவடிக்கை எடுக்கப்பட்டது? பாதிக்கப்பட்டவர்களுக்கு நீதி கிடைத்துவிட்டதா? இந்தத் திட்டத்தை விளம்பரப்படுத்தியவர்களின் பொறுப்பு என்ன? சென்னையில் செயல்பட்ட Infiniti Futures என்ற கிரிப்டோ MLM திட்டத்தால் பாதிக்கப்பட்ட குடும்பங்களின் நிலைமையையும் பாருங்கள். ஆடம்பரமான நிகழ்ச்சிகள், இன்ஃப்ளுயன்சர் விளம்பரங்கள், விர்ச்சுவல் மீட்டிங்குகள் என ஒரு பெரிய வணிக சாம்ராஜ்யம் போலக் காட்டப்பட்ட திட்டம். இந்த விவகாரத்துடன் தொடர்புடைய இரண்டு தற்கொ* சம்பவங்கள் குறித்தும் தகவல்கள் உள்ளன. பாதிக்கப்பட்ட மக்கள் EOW அலுவலகங்களுக்கும் சம்பந்தப்பட்டவர்களின் வீடுகளுக்கும் சென்று நியாயம் கேட்டு அலைந்து கொண்டிருக்கின்றனர். ஒரு திட்டம் உண்மையானதா, அதன் வருமான ஆதாரம் என்ன, முதலீட்டாளர்களுக்குப் பணம் எப்படிச் செலுத்தப்படுகிறது, புதிய உறுப்பினர்களைச் சேர்ப்பதன் மூலம்தான் வருமானம் உருவாகிறதா என்ற கேள்விகளைக் கேட்பது தவறா? மருத்துவ அவசரத்திற்காகப் பணம் தேவைப்பட்ட நேரத்தில், Instagram-ல் பார்த்த Instant End Cash, Door-to-Door Service போன்ற விளம்பரங்களை நம்பி அணுகிய ஒருவர், அதன் விளைவாக ₹1.5 லட்சம் கிரெடிட் கார்டு மோசடியை எதிர்கொண்டார். அவருக்காக நான் புகார் அளித்தேன். ஒரு மாதம் அலைந்தேன். மோசடியில் தொடர்புடைய நபர்களைக் கண்டறிந்து, கிடைத்த தகவல்களை முழுமையாகக் காவல்துறையிடம் வழங்கினேன். ஆனால், பணம் திரும்பக் கிடைக்கவில்லை. எல்லாப் பக்கங்களிலிருந்தும் கிடைத்த பதில் என்ன தெரியுமா? கார்டைப் பயன்படுத்தியதே தவறு என்பதுதான்! தற்போது அதே நபர் ₹50 லட்சம் கிரெடிட் கார்ட் மோசடியில் தேடபட்டுவருகிறார்..! 1.5Lலில் தவறவிட்டு தற்போது 50Lலில் தேடுகிறார்கள்..! இதை விளம்பரபடுத்திய இன்ஃப்ளுயன்சர் அடுத்த collab,promotion என சென்றுவிட்டனர்... இங்கே என் கேள்வி ஒன்றுதான்: சமூக வலைத்தள விளம்பரங்களை நம்பி மக்கள் பணத்தை இழந்தால், அவர்களுக்கான பொறுப்புக்கூறல் எங்கே? ஆன்லைன் ரம்மி மற்றும் சூதாட்ட விளம்பரங்கள் குறித்தும் கேள்விகள் கேட்கப்பட வேண்டும். பணத்தை இழந்து கடனில் சிக்கியவர்கள் இருக்கிறார்கள். குடும்பங்கள் பாதிக்கப்பட்டிருக்கின்றன. தற்கொ* களும் நிகழ்ந்திருக்கின்றன. இத்தகைய தளங்களை விளம்பரப்படுத்திய நடிகர்கள், விளையாட்டு வீரர்கள், இன்ஃப்ளுயன்சர்கள் ஆகியோரின் பொறுப்பு என்ன? விளம்பரத்தின் மூலம் வருமானம் பெற்றுவிட்டு, அந்த விளம்பரத்தை நம்பிய ஒருவர் தனது சேமிப்பை இழந்தால், விளம்பரப்படுத்தியவருக்கு எந்தப் பொறுப்பும் இல்லையா? Herbalife உள்ளிட்ட நிறுவனங்களின் பொருட்களை விளம்பரப்படுத்தும்போது, அவற்றின் மருத்துவப் பலன்கள் குறித்த கூற்றுகளுக்கு என்ன ஆதாரம் இருக்கிறது? அவற்றை மருந்தாகவோ, நோயைக் குணப்படுத்தும் தீர்வாகவோ மக்களிடம் முன்வைக்கிறார்களா? தயாரிப்புகளின் பாதுகாப்பு குறித்த தகவல்கள் வெளிப்படையாக வழங்கப்படுகின்றனவா? ஒரு பொருளைப் பரிந்துரைப்பவரின் பொறுப்பு என்ன? தவறான விளம்பரங்களால் பாதிக்கப்பட்டவர்களுக்கு நீதி கிடைப்பது எப்படி? FQL, Forex Trading Scams, Ruby Royals, Bitzgurukkal, QNet, ஈமு கோழி முதலீட்டுத் திட்டங்கள் எனப் பல்வேறு சர்ச்சைகளும் புகார்களும் நம் சமூகத்தில் எழுந்துள்ளன. ஒவ்வொரு திட்டத்துக்கும் தனித்தனி ஆதாரங்களும் விசாரணை நிலைகளும் இருக்கின்றன. ஆனால், இத்தகைய திட்டங்களால் மக்கள் பாதிக்கப்படும்போது, அவர்களின் பிரச்சினைகளைப் பற்றிப் பேசுவது யார்? 1/2 #JusticeForVictims #FinancialScams #InfluencerAccountability #CyberBullying #ConsumerAwareness