Atta u llah

مجھے استعفی کےباوجودکل کورکمیٹی میٹنگ کابلاوا آیاتھا۔ جس نےبھی بھجوایاتھاانکاشکریہ۔ لیکن میری گزارش ہوگی میرے استعفی پر فیصلہ کریں۔ میرا استعفی میری گزارش اور مودبانہ لیکن پرزور احتجاج ہےکہ پارٹی کےاہم ترین پلیٹ فارم درکارفیصلہ سازی کی بجائے گپ شپ، باہمی تحسین اورڈیمیج کنٹرول کےلیےاستعمال ہوتے۔ وہاں موجودقابل دوستوں کی مفید آراء کوپس پشت ڈال کرچند اشخاص فیصلےکرتےجوبعدمیں اپنےہی فیصلوں سےناصرف مکرجاتےبلکہ بہانہ سازی اور الزام تراشیاں شروع ہوجاتی۔ کوئی خاندان ہو، کرکٹ ٹیم ہو، کارپوریٹ بزنس ہو یا سیاسی جماعت۔۔۔جو اختیار رکھتے وہ زمہ دار ہوتے تمام فیصلوں اور انکےنتائج کے۔ اور ان فیصلوں کی ستائش یا سوال جواب انہی بااختیار حضرات سے ہوتی ہے۔ ملک گیر جماعتیں تمام صوبوں اور انتظامی اکائیوں کوساتھ لےکرچلتی۔ یونٹ لیول سے کورکمیٹی/سیاسی کمیٹی تک معلومات آتی اور اوپر بیٹھے دوست فیصلے کرتے۔ میں نے ایک بار نہیں ہزار بار، اور بلامبالغہ ہزار بار گزارش کی کہ یا تو فیصلہ ساز فورم پر موجود تمام دوستوں کی آراء کااحترام ہو، مشکل فیصلے ووٹنگ سے ہوں اور ان اجتماعی فیصلوں کا بوجھ پھر تمام تنظیم اٹھائے۔ یا پھر اگر صرف چند دوست فیصلے کرتے تو ہم یہ حقیقت سامنے رکھنے میں حق بجانب ہونگے کہ ہر اچھے فیصلے کی ستائش ان محدود دوستوں کا حق ٹہرے اور ہر غلط نتیجے کا بار بھی انکے کندھے پر ہو۔ حقیقی لیڈرشپ کا فرض ہے کہ وہ مضبوط ٹیم بنائے، مشکل فیصلے کرے، پھر ان فیصلوں پر عمل درآمد کرائے اور انکے اچھے یا برے نتائج کو سینہ تان کر اپنائیں۔ ورنہ ہماری جماعت کی مثال بھی اس ریجیم کی طرح ہے جو دنوں کے حساب سے اربوں کے قرضے لیتی اور ان قرضوں کا بوجھ مظلوم عوام اٹھاتی ہے۔ جو پھر اظہار اختلاف، تنقید یا احتجاج کو انتشار اور غداری سے تعبیر دیتی اور ایسی جرات کرنے والوں کو قانون یا ڈسپلن کے نام پر برے نتائج کی دھمکیاں دیتی۔ حقیقی لیڈرشپ ناکامیوں کے وقت خود کو آگے کرکے الزام اپنے سر لیتی ہے اور کامیابی کو ٹیم ورک کا نتیجہ قرار دیتی ہے۔ اس کے برعکس، اسکے متضاد جب الٹی گنگا بہنے لگے تو آپکی ٹیم سکڑتی جاتی ہے۔ اور آخر میں قوالوں کےساتھ صرف تالیاں بجانے والے ہمنواء ہی رہ جاتے ہیں۔ حقیقی لیڈرشپ اپنی ٹیم، اپنے رفقاء اور اپنی سپورٹ بیس کو مسلسل جیت کی امید دلاتی ہے اور فرنٹ سے لیڈ کرتی ہے۔ یہ غلط ہے کہ ہم الٹا انکو مایوس کریں کہ قوم نہیں نکلتی یا کہ پارلیمینٹیرینز چندہ نہیں دیتے یا فلاں دھوکہ دےگیا اور میں تو محنت کررہاتھا۔ اس سے لوگوں کے حوصلے مزید پست ہوتے۔ اور کوئی کیوں آپکے ساتھ کھڑا ہوگا جب آپ پہلے دن خود ہی مایوس ہونگے؟ حقیقی لیڈرشپ اپنی ٹیم کے ہر لفظ کو غور سے سنتی ہے اور معیار میں مسلسل بہتری لاتی ہے۔ کورکمیٹی کے میٹنگز کو Psychological venting session نا بنائیں کہ محترم میمبرز آئینگے، بولینگے بولینگے، بھڑاس نکالینگے اور بس ہم نے انکا غصہ ٹھنڈا کردیا اب بات ختم۔ یہ آپکی اچھائی نہیں ہے کہ آپ انکو سن لیتے ہیں اور اس پر خاموش رہ لیتے ہیں۔ اور آگے رات گئی بات گئی۔ ہر مسئلے ہر ناکامی پر "مٹی پاو دن مکاو" پروگرام لاگو کرتے جائیں۔ یہ آپکی شرافت نہیں ہے نا اچھی بات ہے۔ نا یہ احترام ہے۔ یہ تصحیک ہے ان تمام 66 میمبران کی جنکا شاید مجموعی سیاسی تجربہ 500 سال سے زیادہ ہو۔ جو اپنے علاقوں، قبائل اور عوام کے بڑے ہیں۔ جن کی خدمات اور مفید سیاسی، معاشی اور معاشرتی تجربہ ہے۔ آپ انکو پانچ سال کا بچہ سمجھ کر، اسکی ہائی لے لے سن کر، تھپکی دے کر، انکو سلاکر اگر آپ سمجھتے آپ کوئی اچھا کام کررہے ہیں تو آپ محترم متنبہ ہو کہ یہ آپ انکو، اپنے آپ کو، اس پارٹی کو، عمران خان کی تیس سالہ محنت کو اور اس تحریک کو جواس ملک کو بچاسکتی ہے؛ ان سبکو دھوکہ دےرہے ہیں۔ عمران خان کی صحت خراب ہے۔ انکا خاندان جیل میں ہے۔ انکی زندگی کو خطرہ ہے۔ میرا دعا اور گزارش ہے اب آپ سنجیدہ ہوجائیں۔ اب آپ پارٹی کو پارٹی کی طرح چلائیں ناکہ فین کلب کی طرح۔ آمین۔ اور میری آواز بری لگےتوپیغام دیجیےگا۔ اگرہماری خاموشی سےتحریک کودوام ملتاہےتوہم حاضر۔ لیکن کسی ایسے مسند کےخواہاں نا ہونگے جس سےعمران خان، تحریک انصاف یا عزیز رفقاء مضبوط ہونےکےبجائےمزید کمزورہوں۔ یا ہمارے لیڈر اور اس قوم کا مزید قیمتی وقت ضائع ہو۔ اللہ عمران خان اور پاکستان کا حامی و ناصر ہو۔

اللہ رحم کرے راولا کوٹ میں کیا ہورہا ہے؟

عمران خان کا بلڈ پریشر ملاقات سے ایک دن پہلے 192 تک گیا۔ عمران خان کو فوری الشفاء ہسپتال منتقل کیا جائے اور زاتی معالجین تک رسائی دی جائے!

اوپر عمران خان ہے، نیچھے عوام ہے۔ بیچ میں سے پارٹی تقریبا نکل گئی ہے۔ کچھ مظالم کیوجہ سے، کچھ غلط فیصلوں کیوجہ سے۔ جومقابلےوالےہیں وہ اتنےسخت پھیرےمیں ہیں کہ ہل نہیں سکتے۔ انکےگھروں، رشتہ داروں، آفسز، علاقوں میں چھاپےپڑتے۔ پکڑےگئےتواتنےکیسزکہ جب تک چاہو اندر رکھ لو۔ باہر بھی رہیں تو مسلسل مفرور۔ نائی کی دکان پر نہیں جاسکتے تو بیرون اور اندرون کی مزاحمت کیا کرینگے۔ سیاست وسائل مانگتی، ان سرپھروں کےکاروبارروزگارایسےتباہ کیےگئےکہ شاید اکثریت اب قرضدارہوں، یا مشکل سے اپنی سفیدپوشی کاپردہ قائم کیےہوئے ہوں۔ جو ہومیوپیتھک ہیں انکی موجیں ہیں۔ انکے کاروبارچل بھی رہے اور بعض کی بےپناہ وسعت بھی حاصل کرگئے۔ اور مالی وسائل اور آزادی کی وجہ سے انکا ویلاگرانہ و سوشل میڈیائی اثرورسوخ سرچڑھ کر بولتاہے۔ وہ ہیرو ہیں۔ انکے نغمے بھی بجتے۔ وہ بولتے بھی ڈنکے کی چوٹ پر ہیں۔ گھر خاندان بھی محفوظ ہیں۔ وہ نظربھی آرہے۔ چھا بھی رہے۔ تالیاں بھی بجھ رہی۔ واہ واہ بھی ہورہی۔ لیکن نا لیڈرباہر نکل رہاہے نا اسکا خاندان۔ نا رسائی مل رہی نا دوائی۔ لیکن خوشخبریوں والے ٹرکوں کا لاری اڈا بناہواہے۔ تواتر سے ٹرک آرہے اور اسکی ہر بتی روشن و درخشاں مستقبل دکھاتی ہے۔ لیکن وہ مستقبل درحقیقت ہرگزرتے دن کے ساتھ دور سےدورہوتانظر آتاہے۔ روز اعلانات ہوتے اب ہم یہ کرینگے۔ آنیاں جانیاں لگی رہتی ہیں۔ میٹنگز ہوتی، خبریں لیک ہوتی، تصاویر آجاتی۔ لیکن گراونڈ پر پارٹی کو جو ریورس گئیر لگاہوا ہے اسکو ہی بریک لگنے مشکل لگ رہے۔ ہرگزرتا دن مایوسی لاتا ہے۔ پھر ہم تقریریں کرتے مایوس مت ہونا۔ پھر اگلے دن کوئی ایسا کام کرتے جس سے عوام کو سخت مایوس کرتے۔ ہر وہ کام جسکو نہیں کرنا ہوتا اسکو کرتے ہیں۔ کسی نے اس متعلق سوال کیا تو ہم کبھی اس مدعے پر نا بولینگے۔ بس یہ انتشاری ہے۔ فلانا بھگوڑا ہے۔ فلانے کی اوقات نہیں۔ جو خچ مارا ہے اس پر کبھی بات نہیں کرینگے۔ نیچھے سپورٹ بیس کو اس اچھنبے میں ڈالا ہوا ہے کہ روزانہ کے حساب پر سب کی جانچ کریں کہ کون وفادار ہے کون غدار۔ وہ نادان دوست بھی صبح سے شام "ڈاٹ ملاتے رہتے" اور سچے جھوٹے زرائع کی خبروں پر کہیں تالیاں اور کہیں گالیاں برساتے رہتے۔ سب شخصیات کے پیچھے بھاگ رہے کوئی معاملات پر بات نہیں کرتا۔ کوئی یہ نہیں پوچھتا کہ بھائی جو دو سال پہلے آپ نے یہ شوشہ چھوڑا اسکا کیا بنا؟ پھر اسکے بعد فلانی خوشخبری کا کیا بنا؟ 6 مہینے پہلے کی بھڑکوں کا کیا بنا؟ مہینہ پہلے جو خواب دکھائے اسکی تعبیر کیا بنی؟ کیوں فلانی جگہ ٹوکر لگی؟ کیوں فلانے موڑ پر ایکسیڈنٹ ہوا؟ گاڑی کون چلارہاتھا؟ اب کون چلا رہاہے؟ منزل کیا ہے آگے؟ کونسے رستے پر چلینگے؟ کوئی لشکر تیارکیاہے اپ نے؟ بتائیں کونسے ضلعے میں کتنے لوگ ہیں؟ زادراہ کا بندوبست کیا ہے؟ فلانے اہم دن تم کہاں تھے؟ جہاں تھےوہاں کیوں تھےاورجہاں ہونا چاہیےتھاوہاں کیوں ناتھے؟ کوئی لکھت پڑت ہے تمہارے پاس پچھلےتین سالوں کےنفع ونقصان کی؟ لیڈرنکلےگاتوکیاحساب دوگے؟ کچھ نہیں۔ کچھ بھی نہیں! سوال سارے غلط تھے جواب کیا ملتے؟ سبکو ٹرک کی بتی چاہیے۔ وقتی سکون چاہیے۔ دلاسہ چاہیے۔ میٹھا جھوٹ چاہیےکڑواسچ نہیں چاہیے۔ توآگے سے بھی کھلاڑی ہیں۔ وہ کھیل رہے۔ بول رہے۔ تصویریں بھی ہیں۔ تقریریں بھی ہیں۔ لیکن رزلٹ صفر۔ اب تو تقاریر اور تصاویر بھی الٹی آنی شروع ہوگئی ہیں۔ مکمل مایوسی کی طرف سفر ہے۔ بلکہ شاید دھکیلا جارہاہے۔ بس عوام کوتحریک سےکرداراورگفتاردونوں سےمسلسل بدزن کیاجائیگا۔ یہ اب علاقوں میں نظر بھی آئیگا۔ لوگ دوسری سیاسی پارٹیوں کی طرف متوجہ ہونگے۔ وہ برملا بتائینگےکہ ووٹ عمران خان کودینگے۔ لیکن چونکہ وہ جیل میں ہے اور ہم نےمقامی مسائل حل کروانے، اورآپکے علاقائی لوگ مضبوط نہیں لہزا ہم مجبور ہیں۔ جن کو شک کی نگاہ سےدیکھاجاتاکہ دونوں طرف کھیل رہے انسےمتعلق شبہات کااظہار کیاجاتاہےکہ انکی گیم سیٹ ہے۔ خان نکلتا ہے تب بھی انکی سہولت کاری ہوگی۔ خان خدانخواستہ بھٹو بنتا ہے تب بھی انکو ایڈجسٹ کرلیاجائیگا۔ کہیں پر زندگی کا نام موج مستی ہے کہیں پر آدمیت زندہ رہنے کوترستی ہے کسی قابل میں ہوتاتو کب کا قتل ہوجاتا کہ ہر اہل صلاحیت کی دشمن میری بستی ہے۔

نیوٹن اور شہباز شریف میں بس اتنا ہی فرق ہے کہ ایک کے سر پر سیب گرا تھا دوسرے کے سر پر بوٹ۔ باقی حزیفہ رحمان نے کچھ زیادہ غلط نسبت بیان نہیں کی۔