صرف یہ کہنا کہ احمد فرہاد میرے اس دور کے پسندیدہ شاعر ہیں غلط ہوگا کیونکہ یہ میرے ہیرو بھی ہیں جس بات کا میں ان سے برملا اظہار بھی کرچکا ہوں۔ فرہاد مزاحمتی شاعر اور جمہوری آوازہیں اور بلاشبہ پاکستان کے اُن عظیم انقلابی شعراء میں سے ایک ہیں جنہوں نے اپنے فن کو ظالم اور جمہوری اقدار کے غاصبوں کے سامنے ایک توانا ہتھیار کے طور پر استعمال کیا۔ ان کی شاعری جمہوریت کی بالادستی، انسانی حقوق اور ریاستی جبر کے خلاف مزاحمت کا پرچم بلند کرتی ہے۔ جب ملک پر اشرافیہ کا قبضہ ہو اور حق کی آواز دبائی جا رہی ہو تو فرہاد کی شاعری عام آدمی کی سچائی، بے خوفی اور امید کی ترجمانی کرتی ہے۔ ان کی جبری گمشدگی گرفتاری اور ان پر اور ان کی اہلیہ پر قتل اور دہشت گردی جیسے سنگین کیسز نے یہ ثابت کیا کہ ان کے الفاظ میں ایک ایسی طاقت ہے جو مقتدر حلقوں کو بے چین کر دیتی ہے۔ عارف علوی،سابق صدر پاکستان کتاب خریدنے کے لیے وزٹ کریں ahmadfarhad.com