کھجل خوار

آنسہ محترمہ ٹَمکنَٹ کی مردوں اور عورتوں کی تولیدی ساخت و ترکیب پر 'دانش کُشائی' کی ایک ویڈیو نظر سے گزری، جس میں آنسہ محترمہ نے اپنی دانش کا آخری ریزہ بھی ذہن کے کونوں کھدروں سے کھرچ کھرچ کر خواتین کی چھیتی تسلی نہ ہونے اور بستر پر ایک ہی وقت میں کئی بار میدانِ جنگ و جدل کا سامنا کرنے کی اعلیٰ ترین صلاحیت اور مردوں کی مختصر وقفہءتلوار بازی وغیرہ بارے دعوے اور گلے شکوے فرمائے۔ اس بابت گزارش یہ کرنا تھی کہ اللہ کریم نے جب کائنات بنائی تو نظام کا توازن رکھنے کا خصوصی بندوبست فرمایا، اس حوالے سے اگر خواتین کو میدانِ جنگ کا بار بار سامنا کرنے کی صلاحیت عطا فرمائی تو اُننجا سال آٹھ مہینے تین دن کی عمر ٹپتے ہی اُسی میدانِ جنگ کا نام سُنتے ہی تتی اُلٹیاں آنے کی نوید بھی سنائی۔ دوسری جانب، مردوں (جس کی جمع ہم امرود کرتے ہیں) کو تلوار بازی اگر صرف سوا آٹھ سیکنڈز کرنے کی صلاحیت دی تو یہی وہ صلاحیت و طاقت بمع نیت نوے سال کی عمر بھی پلہ گولی کھیلتے نظر آتی ہے۔ اسی لئیے پچاسی اور نوے کی عمر میں بھی بابوں کو اِکی اِکی سال کی مٹیاریں ویہانے کی خبریں آتی نظر آتی ہیں۔ لہٰذا زیادہ مگر مختصر العمر۔۔بمقابلہ مختصر مگر طویل المدت۔۔ 'اور بیشک وہ سب سے بہتر انصاف کرنے والا ہے' تشریف رکھیں۔۔۔۔ہور کوئی ساڈے لائق؟