Kashif Chaudhary 🇵🇰

میں کون ہوں ؟ ذہن سے ہوکر چھوٹی بڑی کئ ندیاں دل میں جا گرتی ہیں ان میں ایک وہ ہے جس میں میرا دین ہے، جس نے مجھے مسلمان ہونے کا شرف دیا ہے ایک ندی وطن کی مٹی بہا لاتی ہے۔ اس میں مٹی کی خوشبو ہے پہچان ہے جذبہ ہے۔ روایات ہیں، تہذیب ہے 👇

تو وہ اسلامی بھائی چارہ ، امت مسلمہ ، محسن نقوی کی آنی جانی۔۔۔ اسلام کا مشترکہ دشمن وغیرہ وغیرہ اس کا کیا بنے گا۔

محترم ! آپ خود استاد ہیں۔ روز ازل سے لکھا گیا سارا بڑا ادب کھنگال لیں۔ کسی بھی تہذیب کی عشقیہ لوک داستانوں کو پڑھ لیں۔ عشق مجازی سے عشق حقیقی کا سارا سفر دیکھ لیں۔ ولیوں سے لے کر پیغمبروں کی سیرت اٹھا لیں۔ ہر بڑی داستان ہر بڑے عشق کا ابدی کائناتی وسعت رکھنے والا ایک ہی آفاقی معیار ہے ایک ہی کسوڑی ہے۔ وفا کا ایک اصول ہے۔ کہ ہجر کیسے کاٹا ۔۔۔۔جس کا ہجر جتنا بڑا تھا وہ اتنا ہی بڑا عاشق تھا۔ اسکا عشق اتنا ہی آفاقی وسعت والا تھا۔ جس کی تنہائی پر معنی ہے اسے خلوت کی ضرورت ہی نہیں رہتی۔ جس کا ہجر کمال ہے وہ وصل سے بے نیاز ہوتا ہے۔ سدھارتھ ۔۔۔ فاقہ کاٹتا ہے تو گوتم بدھا بنتا ہے۔ کہیں لکھا پڑھا سنا ہو ۔۔۔ وہ عشق اس لئے لازوال تھا کہ وصل بہت لا جواب تھا۔ نہیں ملے گا۔ مل ہی نہیں سکتا۔ وہ جو رب سے عشق رکھتے ہیں یہ زندگی یہ دنیا انکا ہجر ہی تو ہے۔ رب سے وصل کا ہجر۔۔۔ سو یہی معیار ٹھہرا۔ یہی سوال ہوگا۔۔۔ بتاو ہجر کیسے کاٹا۔ ! 🙏

آپ کے سامنے ایک دودھ کا گلاس ہے اور ایک شراب کا۔ یہ کہہ دیا گیا دودھ بہتر ہے شراب نقصان دہ۔ پھر آپ کی مرضی پر چھوڑ دیا گیا جو چاہئے اٹھا لیں۔ جو اٹھائیں گے اسی کے مطابق حساب لیں گے۔ جس کا جو دل کیا اس نے اٹھا لیا۔ ایک سیدھا سا حکم ہے۔ لیکن آپ دودھ پینے اور شراب نہ پینے کی منطقی دلیل ڈھونڈنے نکل کھڑے ہوئے۔ پھر دوسری طرف سے دلائل بھی آئے کہ شراب اتنی بھی عیب والی نہیں ہے۔ ہاتھ روک کر پی لیں کوئی حرج نہیں۔ یہ سن کر کچھ کے دل میں کچھ آیا یہ ٹھیک ہے اور کچھ کہ شاید وہ بھی ٹھیک۔ کچھ نے سوچا معافی مانگ لیں گے۔ اور رولا شروع ہو گیا۔ کبھی یہ کیوں سوال نہیں پوچھا کہ اس مرتبہ ۴۰ روزے رکھ لیتے ہیں یا فرض نماز کی چار چھ اضافی رکعتیں پڑھ لیتے ہیں کوئی گناہ کی چیز تو نہیں۔ لیکن حکم ہے جو حد ہے اس کے اندر رہنا ہے۔ ہاں دو رکعتوں میں پورا قرآن پڑھ لیں آپ کی ہمت۔ پانی سے روزہ رکھ لیں آپ کا مجاہدہ۔ کچھ یہی حال شادیوں کا ہے۔ ایک بھی حلال چار بھی حلال۔ جب ایک کی دلیل نہیں پوچھی تو چار کی دلیلیں ڈھونڈنے نہ نکل پڑیں۔ ہمت استعداد ہے کر لیں نہیں ہے تو نہ کریں۔آپ کو ایک کا بھی حساب دینا ہے چار کا بھی۔ باقی رہا یہ سوال مرد کو اجازت ہے عورت کو کیوں نہیں۔ تو عورت چاہئے ۲۰ کر لے طلاق لیتی جائے کسی اور سے کر لے ۔ پابندی تو اس پر فقط یہی ہے کہ ایک وقت میں فقط ایک اور اسکی سائنسی منطقی سب دلیلیں موجود ہیں۔ اصل رولا انا کا ہے۔ عورت کو لگتا ہے کہ دوسری کی موجودگی سے اسکی انا کو ٹھیس پہنچی یا اسے رد کر دیا گیا ۔ اب مرد واجب قتل ہے۔ یہی حال مرد کا بھی ہے کہ عورت نے مجھ سے طلاق کیوں طلب کی اب غیرت کا تقاضہ یہ اب واجب قتل ہے۔ اصل رولا انا کا ہے۔ ویسے کم اوکھا ای اے

مرد ہو یا عورت اگر کردار سوچ معاشی معاملات میں خود مختاری کی مضبوطی محض دکھاوے کے لئے ہے یا کسی کو متاثر کرنے کے لئے ہے یا کسی مجبوری کے تحت ہے تو بہت جلد یہی شے کمزوری بن جاتی ہے۔ عورت اگر مضبوط ہے اور اسے ہی لگتا ہے اس کی مضبوطی اس کی خواہشات اور ضروریات کے راہ میں دیوار بھی ہے تو کہیں تو غلطی ہے۔

سر کسی طرح انکے نانا دادا کا تعلق پاکستان سے ثابت نہیں کیا جا سکتا؟ اگر یہ ممکن ہو تو سوشل میڈیا کی خوشیاں دو بالا ہو جائیں گے کچھ وی لاگز بن جائیں گے چار پیسے بن جائیں گے۔

ایک بات بتاؤں۔۔۔ زندگی میں اگر کبھی آپ کو حقیقی طور پر لاہور کا جیتا جاگتا بازارِ حسن یعنی ہیرا منڈی دیکھنے کا اتفاق ہوا ہو۔ ان کا رہن سہن، بناؤ سنگھار، کاروبار کا طریقہ کار دور سے ہی سہی لیکن قدرے واقفیت رہی ہو۔ تو یقین مانیں جن فیملی ٹک ٹاکرز اور انسٹا ریلیوں کی غیر اخلاقی پر آپ اچھل رہے ہوتے آپ کو بالکل بھی حیرت نہ ہوتی۔ زمانے کے ساتھ جگہ تبدیل ہوئی ہے کردار نہیں۔ انداز بدلے ہیں سوچ نہیں۔ شخصی آزادی اس وقت بھی تھی آج بھی ہے۔ وہ بھی اپنی مرضی کرتے تھے یہ بھی کرتے ہیں۔ جو کبھی ہم جیسے وہاں جاتے ڈرتے تھے کہ کسی نے دیکھ لیا تو وہیں جوتی اتار لے گا وہ ڈر آج کی نسل کے لئے ختم ہو چکا۔ لہذا جہاں انکی ۵۰۰-۱۰۰۰ کی کمائی ہوتی تھی اب وہ لاکھوں میں ہے کہ گاہکی جو بڑھ گئی ہے۔ اتنا سا فلسفہ ہے اتنی سے داستان ہے۔

ہم بنیادی طور پر تماشبین قوم ہیں۔ ہمیں تماشہ لگانا، تماشہ دیکھنا بہت پسند ہے۔ سڑک پر کچھ ہو جائے سارے جہاں کا کام چھوڑ کر تماشہ دیکھیں گے۔ یہاں کچھ ہو جائے تو ساری خلقت اس کے محرکات و وجوہات ڈھونڈنے لگ جاتی ہے۔ گرگٹ اتنے جلدی رنگ نہیں بدلتا جتنی جلدی ہم مفتی سے ملحد، ملحد سے ڈاکٹر، ڈاکٹر سے دائی اور دائی سے حکیم اور حکیم سے وکیل ، وکیل سے پروفیسر، پروفیسر سے ماہر نفسیات، ماہر نفسیات سے ماہر معاشیات، ماہر معاشیات سے ماہر جنسیات، ماہر جنسیات سے کچھ بھی بن جاتے ہیں۔ ہم کمال قوم ہیں۔

اس پہ کرے خدا رحم گردش روزگار میں اپنی تلاش چھوڑ کر جو ہے تلاش یار میں

📸 Today's Photo Challenge Nature's Patterns No two patterns are quite the same🌿 Let's see yours 📸 #DailyPhotoChallenge