معاذ بن عمر

يالمُترف اللي ما تهوْن ولا تعاض وفي كل دار تِحل تتباشر بغيم أنا ادري انْك جيت ماهوب افتراض عقب ما ذعذع فالحشاء بَرد النَسيم من بعد ماجالك خطاوي فالرياض صارت رياض العاصمه روضة خريم

حلك صبح وخفت نجم وكبر عن لهفته انسان بلحظه ما توقعها ولكن جاته من بعيد ماشاف ان الهجر وقته بعد طول الليالي حان الين الوقت درهم له ركاب البعد فوق البيد نسى عهده على قلبه فـليله مالها شيطان عن حروف اربعه عيّا واذا عيّا يجيب الفيد انا ياقلب اسف لك تركتك للهوى نيشان شغلني حلمي السامي ونبضك فالمشاغل صيد رماك اللي ليا سلهم تشوف بعينه السلطان وريث النبل سلهامه جروح وعنفوانه جيد بغيت اسعفك لكني لمحتك لحظة استكنان تغني للهوى نغمه وفيها من لحون العيد حبيبي قلبي المرهق حلالك يا اعذب الخلّان انا ويّاه في حبّك تبعنا مذهب التمجيد اشوفك عفّة الناسك واشوفك قمّة التحنان واشوف انك بشر ثاني خُلق يجهل معاني الكيد حشى ما كانت ابياتي شعور وسلطنة فنّان قبل لا يبعث شعوري من المنفى لسيّد غيد اغثت الصدر بوصالك وصار الصدر لك بستان غزالٍ ترتع بمفلاك عن جاير وعن تهديد حفظت اغلا معاريفك علي في ذمة القيفان ترا المعروف فالنشمي يحط بمعصمينه قيد اببعد عنك بس اسمع ترا بدري على النسيان مصيرك ياحبيبي حرف وحق الحرف فالتخليد

الوحشه بصدر الغريب ماهيب تتركْه يهدى راسه كفو واسمه عريب وفي موطنه لكن غدى يرد صوته لا مجيب ما رد له غير الصدى فاقد من ضلوعه حبيب وضايق من جروحه مدى يارب انا ما اعبد صليب ولا امشي دروب الردى مؤمن بحكمك والنصيب وإن التعب ماهو سدى ماغير جرحٍ لو يطيب بسمي الماضي فدا معي مالا يملك لبيب تركيبه وصوره وادا ومادام للعليا خطيب شرواي ما معه معدا

من يحسب إن قلبه عن الخوف مفضوخ يا اهل الروايه سجلوا ذا الروايه راسه سطى وارسل على نجد صاروخ - تالي نهاره مستتر في عبايه !