عبدالله الصلاخي

طالت مشاوير الفكر بين المآسي والسرور ما بين بسمة صاحبٍ غالي وطعنة من يده ماهوب ضعف اليا تجاهلته واذا قلت معَذور ما دام عندي خطةٍ للعمر قبله وبعده من يجعل التخطيط بذرة والعمل وسمٍ بكور ماهوب متضايق ومتكدّر من اللي يحصده سخّرت تفكيري لغاياتي وانا عبدٍ شكور الواجب اني لا اثمر الفكر اشكر الله واحمده لولا التأمّل فالظروف وفالحياة اللي تدور لا يمكن تشوف التطوّر في جميع الاصعده تجارب اللي قد سعوا فالارض من ماض العصور فيها فوايد من تتبّعها لقا ما يرشده عندي ثقة ما يستريح اللي على نفسه غيور يقفي من الدنيا وهو ما كلّ فكره و جهَده من يدرك الاضرار في دربه قبل وقت العبور طبيعي ان كانه يشوف الجهل نارٍ موقده يحتاج مهما صار نضرة واعي وهمّة صبور اللي عزومه تقدر توّديه غاية مقصده فالحرب يقدر يظفر اللي من قبل مرسل سبور لا صار عارف موقع الجيش وعتاده وعدده العقل لولا قيمة التخطيط في كل الامور ما بان تاثير الزمان المرّ فاللي يفقده ان كان ما تستعمله في نصرك و جبر الكسور اقل شي احسب حساب اللي نجاحك يسعده

ياغلى مكانٍ لا شعرت بضيق ولا شوق اجيه كني محصّل لي طمأنينة من ليال ارمضان اغيب وارجع والشعور انقى من العرض النزيه يا جعلني في كل خطوة من لدن ربّي معان الشعر مقلاطه صدر والضيق ماني محتسيه والله ما منه الا العقوبة فالخفا ولا البيان لا قام صدري ينفض غباره وشوقه يعتريه حنّيت لابداع الفكر وانقى ما ينطقه اللسان القاف مثل الصقر شرهاته على اللي يشتويه ماهو على اللي يملكه بالطيب ويزيده مكان اعامله باللطف مثل الرجل فمعامل ذويه واحسّسه بالخوف بعض احيان من عقب الامان لاستاحش امن الواقع اللي يذهل العقل النبيه يزبن على صدري وصدري مدهله طول الزمان مدري وش الطاري لكن الخاطر المجروح فيه ما يجعل العاقل يعدّي عن حدود الاتزان راسي مهوب اللي هوامير المصالح تشتريه واسمي مهوب اسم الضعيف اللي على ذل وهوان حرصي على العز وعلى الصبر وعلى الراي الوجيه حرصي على الدين وعلى شكر العظيم المستعان العز كلٍّ يطلبه والذل محدٍ يهتويه حتى الجبان امن البشر ودّه لو ان ماهو جبان العمر منظومة دروس وطردة المقفين تيه تخلّي الرجّال للشوق وتفاصيله مدان من غاب عنّي له علي اصون حبّه واحتريه اليا رجع يلقى غلاه ومنزله مثل ما كان البارحة والليل موحش والشعر ما له شبيه قافه عقيدٍ في مواقيفه شموخ وعنفوان سولفت مع قلبي وقام يعد لي مما لديه لين اجتمع سحر الشعور الحي مع سحر البيان قام ايتنشّدني عن اللي ودّي بشوفه وابيه كنت اتحاشا بس قلبي جاب ذكره يوم مان هو داري انّي عادتي من صد ماني مقتفيه واقفى وهو غالي وقدره في ضميري ما يهان كان الشعور اللي يجيني يوم يطري لي يجيه معذور وموفّق لو طعونه مثل حد السنان انا لو اسولف عن الخاطر وش اللي يحتويه اخاف اكدّر خاطرٍ دوب اسفهل ودوب زان خلّوني ابعد واترك اسرار الضمير تموت فيه لساني حصاني وانا خايف يجي كبوة حصان

رمز الادب والشعر والمرجلة والمجد والطيب له في ضمير القصيد المعتبر قدر وحفاوه ماهوب بس الجماهير اللي تسوق التراحيب حتى الشعر نفسه يرحّب بعد عاد العلاوه #عبدالله_العلاوه

من طبعنا لا من نوينا بغاره نعرف نواجه ما نعرف التذرّي الحوثي الملعون في وسط داره نشقر عصاه ونذبحه ذبح حرّي وش لون نخشى من وقوع الخساره وسلاحنا جوّي وبحري وبرّي في ظل اميرٍ كل ماصدر قراره يبشر بشعبٍ للصعاب متضرّي نحذف براس المعتدي وسط ناره ونسكّت اعلامه بقافٍ مسرّي #نضربهم_بالارض_ونغرقهم_بالبحر