سبطِ حسن

امام موسیٰ کاظم علیہ السلام اپنے وقت کو چار حصوں میں تقسیم کرنے کی کوشش کرو: ایک وقت اللہ تعالیٰ سے مناجات کے لیے، ایک وقت معاش اور روزی کمانے کے لیے، ایک وقت بھائیوں اور قابلِ اعتماد لوگوں کے ساتھ میل جول کے لیے، جو تمہاری خامیوں سے تمہیں آگاہ کرتے ہیں اور دل سے تمہارے خیرخواہ ہوتے ہیں، اور ایک وقت حلال لذتوں اور جائز تفریح کے لیے۔ اور اس آخری وقت کے ذریعے تم باقی تین اوقات کے کاموں کو بہتر طریقے سے انجام دینے کی طاقت حاصل کر سکتے ہو۔ تحف العقول، ص409۔

امام جعفر صادق علیہ السلام اپنے والدین کے ساتھ نیکی کرو، تمہاری اولاد تمہارے ساتھ نیکی کرے گی، اور دوسروں کی عورتوں کے بارے میں پاک دامنی اختیار کرو، تو تمہاری عورتیں بھی پاک دامن رہیں گی۔ بحار الأنوار، ج78 ص242۔

حضرت فاطمہ زہراء سلام اللہ علیھا خطبہ فدک کے بعد رسول اللہؐ کی قبر کی طرف متوجہ ہوئیں اور فرمایا بابا! آپؐ کے بعد ایسے حالات اور مصیبتیں پیش آئیں کہ اگر آپ ان کے گواہ ہوتے تو اتنی زیادہ تقریریں اور خطبے دینے کی ضرورت پیش نہ آتی۔ ہم نے آپؐ کو ایسے کھو دیا جیسے زمین بارش سے محروم ہوجاتی ہے۔ آپؐ کی قوم نے راستہ بدل لیا ہے، ذرا آکر انہیں دیکھیں اور ان سے غافل نہ ہوں۔ ہر خاندان کو اللہ کے نزدیک اپنی قرابت اور مقام کی وجہ سے قرب حاصل ہوتا ہے، مگر آپؐ کے بعد ہمارے ساتھ جو سلوک کیا گیا، وہ اس کے بالکل برعکس ہے۔ کچھ لوگوں نے اپنے دلوں میں چھپے ہوئے کینے اس وقت ظاہر کیے جب آپؐ اس دنیا سے رخصت ہوگئے اور میرے اور آپؐ کے درمیان قبر کی مٹی حائل ہوگئی۔ لوگوں نے ہمارے ساتھ سختی کا رویہ اختیار کیا اور ہمیں حقیر سمجھا، جب آپؐ دنیا سے چلے گئے تو ہماری تمام میراث غصب کرلی گئی۔ آپؐ ایک روشن چاند اور ایسا نور تھے جس سے روشنی حاصل کی جاتی تھی۔ اللہ تعالیٰ کی طرف سے آپؐ پر وحی اور آسمانی کتابیں نازل ہوتی تھیں۔ جبریلؑ آیاتِ الٰہی کے ساتھ ہمارے پاس آتے تھے اور ہمیں انس و سکون فراہم کرتے تھے، مگر آپؐ کی جدائی کے بعد تمام بھلائیاں ہم سے اوجھل ہوگئیں۔ کاش! آپؐ سے پہلے ہی موت ہمیں آجاتی، اس سے پہلے کہ آپؐ دنیا سے رخصت ہوتے اور آپؐ کے اور ہمارے درمیان قبر کی مٹی حائل ہوتی