کھیل میں کچھ تو گڑبڑ تھی جو آدھے ہو کر ہارے لوگ آدھے لوگ نری مٹی تھے آدھے چاند ستارے لوگ اس ترتیب میں کوئی جانی بوجھی بے ترتیبی تھی آدھے ایک کنارے پر تھے آدھے ایک کنارے لوگ اس کے نظم و ضبط سے باہر ہونا کیسے ممکن تھا آدھے اس نے ساتھ ملائے آدھے اس نے مارے لوگ آج ہماری ہار سمجھ میں آنے والی بات نہیں اس کے پورے لشکر میں تھے آدھے آج ہمارے لوگ کس کے ساتھ ہماری یک جانی کا منظر بن پاتا آدھے جان کے دشمن تھے اور آدھے جان سے پیارے لوگ حمیدہ شاہین #اردو_زبان

ارزاں تھے، عیب دار تھے، وہ بھی نہیں رہے جو لوگ باوقار تھے وہ بھی نہیں رہے گردِ زمانہ کھا گئی ہر اک نشان کو جو نقشِ پائیدار تھے وہ بھی نہیں رہے مانا کہ ہم ہیں باعثِ آزار دوستو جو لمحہ ء قرار تھے وہ بھی نہیں رہے سوکھے شجر تھے جتنے سہولت سے کٹ گئے جو پیڑ سایہ دار تھے وہ بھی نہیں رہے بستی میں اب تو خوف کے سائے دراز ہیں جو رونقِ دیار تھے وہ بھی نہیں رہے پہلے ہی سارا شہر تھا دشمن بنا ہوا گنتی کے چار یار تھے وہ بھی نہیں رہے شاہ دل شمس #اردو_زبان