PDMAKP OFFICIAL

حکومت خیبرپختونخوا نے آنے والے مون سون سیزن کے لئے ایک جامع فلڈ ریسپانس پلان تیار کرلیا، جس کا مقصد مون سون بارشوں کے دوران ممکنہ سیلابی صورتحال سے نمٹنے کے لیے صوبائی اداروں کی تیاریوں کو مزید مؤثر بنانا ہے۔ یہ پلان گزشتہ سال آنے والے سیلاب سے ہونے والے نقصانات کو مدنظر رکھتے ہوئے تیار کیا گیا ہے۔ صوبے کے حساس اضلاع میں نشاندہی کیے گئے 60 واٹر ریسکیو پوائنٹس پر پری فیبریکیٹڈ اور پورٹیبل اسٹرکچرز قائم کیے جائیں گے۔ ان اسٹرکچرز کے قیام کے لیے ٹائم لائنز بھی مرتب کر لی گئی ہیں جبکہ خصوصی ریسکیو آلات جن میں واٹر ریسکیو گیئر، انفلیٹیبل کشتیاں، رَسی پھینکنے والی گنز، نگرانی، سامان پہنچانے اور ریکوری کے لیے ڈرونز شامل ہیں، خریدے جارہے ہیں۔ دور دراز اور مشکل علاقوں تک رسائی، بروقت رابطے اور بہتر ہم آہنگی کے لیے میڈیکل موٹر بائیکس بھی فراہم کی جائیں گی۔ اس کے علاوہ ریسکیو سروسز کو جدید خطوط پر استوار کرنے کے لیے کمیونیکیشن سسٹمز اور سافٹ ویئر کو اپ گریڈ کیا جائے گا۔منصوبے میں ارلی وارننگ اور کمیونٹی موبلائزیشن سسٹم کے قیام کو بھی شامل کیا گیا ہے تاکہ کسی بھی ہنگامی صورتحال میں عوام کو بروقت آگاہ اور تیار رکھا جا سکے۔

چیف سیکرٹری کی زیرصدارت سیلاب سے متاثرہ اضلاع میں امدادی و بحالی سرگرمیوں کا جائزہ اجلاس. ڈپٹی کمشنرز سے ہر ضلع کی تفصیلی رپورٹ طلب کی، جس میں امدادی اقدامات، نقصانات کے تخمینے اور بحالی کے اقدامات شامل تھے۔

چیف سیکرٹری خیبرپختونخوا کی زیرصدارت اجلاس کو صوبائی ڈیزاسٹر مینجمنٹ اتھارٹی (پی ڈی ایم اے) کے کنٹرول روم حکام نے سیلاب سے ہونے والے جانی و مالی نقصانات اور اب تک کیے گئے ریلیف اقدامات پر تفصیلی بریفنگ دی گئی۔ ڈپٹی کمشنرز ویڈیو لنک کے ذریعے اجلاس میں شریک ہوئے۔

چیف سیکرٹری خیبرپختونخوا شہاب علی شاہ کی زیر صدارت گلاف (گلیشیل لیک آوٹ برسٹ فلڈز) کے حوالے سے پیشگی اقدامات پر اجلاس۔ اجلاس میں خیبرپختونخوا کے پہاڑی علاقوں میں گلاف کی صورتحال پر تفصیلی بریفنگ۔

صوبے میں موجودہ ہنگامی صورتحال کے پیش نظر وزیر اعلیٰ خیبر پختونخوا علی امین گنڈاپور کی زیر صدارت اہم اجلاس منعقد ہوا جس میں چیف سیکرٹری، انتظامی سیکرٹریز، ڈویژنل کمشنرز، ڈپٹی کمشنرز اور پی ڈی ایم اے حکام نے شرکت کی۔

حکومت خیبرپختونخوا نے ہنگامی سیلابی صورتحال میں ریسکیو میں مدد کے لئے لائف جیکٹس، رسیاں اور دیگر اشیاء پہنچانے کے لئے ڈرون حاصل کرلیا پی ڈی ایم اے کی جانب سے چیف سیکرٹری خیبرپختونخوا شہاب علی شاہ کو ڈرون کی مشق دکھائی گئی

محکمہ ریلیف باقاعدگی سے موسم کی صورتحال سے عوام کو آگاہ رکھے۔ چیف سیکرٹری پلوں کی مرمت کیلئے محکمہ سی اینڈ ڈبلیو فوری طور پر اقدامات اٹھائے ۔ چیف سیکرٹری موسمیاتی تبدیلیوں کے نتیجے میں ہونے والے نقصانات کو کم سے کم رکھنے کیلئے جامع منصوبہ بندی کی ضرورت ہے۔ چیف سیکرٹری