Journalist PeeR Junaid

"بھڑیا اور میمنا" بمقابلہ "خیبر پختون خواہ میں گورنر راج"۔ ایک جنگل تھا، جہاں قاعدہ قانون نافذ تھا۔ قانون یہ تھا کہ طاقتور کو کمزور کا شکار کرنے سے پہلے کوئی وجہ بتانا پڑتی تھی۔ یعنی شکار کا فیصلہ پہلے ہوتا، پھر اس کے مطابق جواز تراشا جاتا اور دلیل ایجاد کی جاتی۔ جنگل کے قانون و ضوابط کا اعجاز کہ شیر اور بھڑیا کو کمزور نہتوں کا شکار کرنے کے لئیے قانون وضابطوں کا سئارا لینا پڑتا تھا۔ مثلا" ایک دفعہ ایک میمنا ندی سے پانی پی رہا تھا۔ بہاؤ کی اوپر والی جانب کھڑے بھیڑیے کی نظر اس پر پڑی تو وہ اسے کھانے کا بہانہ ڈھونڈنے لگا۔ بھیڑیا غرایا: ’’تمہاری جرات کیسی ، تم میرا پانی گدلا کیوں کر رہے ہو؟‘‘ میمنا منمنایا:: "بزرگو! پانی تو آپ کی طرف سے میری طرف آ رہا ہے، میں آپ کا پانی کیسے گدلا کر سکتا ہوں؟‘‘ بھیڑیا غصہ سے لال پیلا:: ’’اچھا تم بتاؤ، تم نے پچھلے سال مجھے گالی کیوں دی تھی!‘‘ میمنے پھر منمنایا: ’’میری عمر تو ابھی آٹھ ماہ ہے، پچھلے سال تو میں پیدا ہی نہیں ہوا تھا۔‘‘ "او ہو مجھے یاد آ گیا تو پھر وہ تمہاری ماں ہو گی!‘‘ یہ کہہ کر بھیڑیا میمنے کو کھا گیا۔ پاکستانی مقتدرہ کو بہرحال داد دینی پڑے گی کہ خیبر پختونخوا میں تحریکِ انصاف کی حکومت ہڑپ کرنے، گورنر راج لگانے اور ایمرجنسی نافذ کرنے کے لیے ایسے ایسے دلائل تراشے ہیں کہ حکایت کا بھیڑیا اپنی دلیل پر شرمندہ، بلکہ دلیل سمیت منہ چھپائے پھرتا ہے!

میرے پیارے بیٹے حسان خان خان نیازی! الحمدللہ، ہر گزرتے دن کے ساتھ تم مجھے فخر اور امید کی نئی وجہ دیتے ہو۔ تمہارا ایمان مزید پختہ، تمہارا عزم مزید مضبوط، اور تمہارا صبر اللہ پر تمہارے گہرے بھروسے کا آئینہ دار ہے۔ علم سے تمہاری لگن، تمہارا وقار اور تمہاری بڑھتی ہوئی حکمت ایک بامقصد زندگی، بامعنی خدمت اور عمل سے قیادت کی مضبوط بنیاد رکھ رہی ہے۔ میرے پیارے بیٹے، سچی عزت دیانت، علم اور کردار سے جنم لیتی ہے۔ یہ قران اور سنت سے کے بتائے سچائی کے اصولوں پر استوار ہے جن پر تم چلنے قائم رہنے کے لئیے کوشاں ہو۔ اور دلجمعی سے ل تم اپنے ساتھی قیدیوں تک پہنچاتے ہو، اور اس اخلاص سے جس سے تم انے والے دنوں میں مخلوق خدا کی خدمت کرنی ہے۔ ہمارے پیارے نبی ﷺ کی تعلیمات اور اسوہ حسنہ سے تمہاری وابستگی تم میں شفقت، حسنِ تدبیر اور پختگی کو پروان چڑھا رہی ہے جو یقینا" تمہیں اعلیٰ مقاصد کی جانب لے جائے گی۔ جیل کے ان اڑتیس (38) مہینوں میں تم نے اپنے لئیے جو راستہ چنا ہے وہ علم و روحانیت کا ایک شاندار باب ہے جو اپ نے رقم کرنا ہے۔ خشوع و خضوع کے ساتھ نماز، دین میں غور و فکر اور کتاب سے اپکے گہرے تعلق اور مسلسل مطالعے کے ذریعے اپ نے ہر دن کو اپنی شخصیت کی تعمیر میں سرمایہ بنایا ہے۔ علم سے تمہاری محبت نے تمہاری فکر میں گہرائی، تمہارے مقصد میں وضاحت، اور زندگی کے بارے میں تمہاری سمجھ بوجھ میں جو وسعت پیدا کی ہے، اس کا تصور جیل سے باہر ہرگز ممکن نہ تھا۔ جیل سے پہلے جو بوجہ تمہارا مزاج اور لاپرواہی، بے اعتنائی اور غیر منظم زندگی جس برح تمہاری خُو اور عادت بن گئی تھی، میں شرطیہ کہتا ہوں جہاں اج اپ کھڑے ہو یہاں تک تمہارا پہنچنا ناممکن تھا سچ بتاو کیا جیل کے باہر یہ ممکن تھا؟ کہ آپ تفہیم القرآن کی چھ جلدیں پڑھ پاتے، تین سال تو درکنار تیس سال میں بھی دلجمعی کے ساتھ نہ پڑھ پاتے؟ کیا یہ ممکن تھا کہ پورا تیسواں پارہ، سورہ مزمل، سورہ یسین، سورہ ملک اور کئی رکوع حفظ کر پاتے؟، درجنوں موضوعات پر بیسوں کتابیں پڑھ لیں جو مطالعہ جیل کے اندر کیا ہے وہ جیل سے باہر ہرگز " ممکن نہ تھا میں سوچتا ہوں کہ اللہ تعالیٰ نے تمہاری زندگی کو مکمل طور پر ضائع ہونے سے بچانے کے لیے، تمہاری دینی و دنیاوی تعلیم اور تربیت کے لیے تمہیں آج ایک مشکل وقت میں ڈالا ہے جو بظاہر ایک ڈراؤنا خواب ہے، مگر ان شاء اللہ یہی وقت تمہاری باقی کی انشاءاللہ لمبی زندگی کا ایک سہانا، پرلطف اور بامقصد سفر بنے گا اور ضرور بنے گا۔اسی بنیاد پر اپنے کردار اور افکار کی تعمیر جاری رکھو۔ میرے پیارے بیٹے! تمہارا ایمان تمہاری امنگوں کو جِلا بخشے، تمہارا علم تمہارے عمل کی رہنمائی کرے، اور تمہاری شفقت تمہاری کامیابیوں کو بامقصد بنائے۔ اللہ تمہاری کاوشوں میں برکت دے، ہر گزرتا دن تمہیں بہترین صحت سے نوازے، ہر گزرتا دن تمہاری حکمت میں اضافہ اور پختگی عطا فرمائے، اور تمہیں دوسروں کے لیے خیر اور دین و دنیا میں بھلائی کا سرچشمہ بنائے۔ میرے آسودگی کے لئیے یہی کافی ہے کہ تمہاری جیل کے اندر صحیح سمت میں پروان چڑھتی یہ نشوونما ہے جو میرے دل کو مسرت سے بھر دیتی ہے۔ میں پوری امید اور اعتماد کے ساتھ زندگی کے ہر شعبے میں تمہارے اس کردار کا منتظر ہوں جو ان شاء اللہ تم سرانجام دو گے۔ اور آنے والے دنوں میں بھی نہ تو ذاتی مفادات کی خاطر اصولوں پر سمجھوتہ کرو گے اور نہ ہی ڈرو گے اور دبو گے۔ ان شاء اللہ مستقبل تمہارا ہے۔ آج جو سیاستدان، جج اور جرنیل تمہارے ساتھ زیادتی میں ملوث ہیں، وہ چند سالوں بعد یا شاید اس سے بھی پہلے، میرے ہمراہ قبروں میں ہوں گے، اور اللہ کے حضور جب ہم سب پہنچیں گے ان کا گریبان ہوگا اور میرا ہاتھ ہوگا، اور اللہ تعالی سب بڑا منصف اور انصاف اور حق پر فیصلہ دینے والا ہے۔